المساعد الشخصي الرقمي

مشاهدة النسخة كاملة : بدور اقول زوووووووووووووول


يقين الإسلام
06-21-2009, 04:52 PM
معني كلمة (زول) السودانية

الزول السمــــــــــــــــــــــــــــــح

كلمةُ (الزّول) في العاميّة السودانية التي تقابلها عند الشوام كلمة (زَلَمي أو زلمـه) والتي أضحَت ترمزُ للسوداني – شأنها شأن العمامة - هي في الأصل مفردةٌ عربيّةٌ فصيحة، ولها في معجم لسانِ العرب أكثر من سبعة عشر معني، فالزول تعني :

1- الكريم الجواد ، أنشد ابن السكيت لمزرد :
لقد أروح بالكرام الأزوال **** من بين عم وابن عم أو خال

2- والزول : الخفيف الحركات قال أبو منصور الثعالبي في حديثه عن الممادحِ والمحاسن، حين ذكر أطوار الإنسان : فإذا كان حركاً ظريفاً متوقداً فهو : زول.

3- والزول الفتى ، قال محمد بن عبيد الله الكاتب المشهور بالمفجع يمدح علياً رضي الله عنه :
أشبه الأنبياء كهلاً وزولا ً**** وفطيماً واضعاً وغذيا ً.

4- والزول : العجب ، ألا تري أن السوداني إذا استغرب شيئاً قال : يا زول؟! يعني ياعجبي من هذا الشي . قال الشاعر في وصف سير ناقته :
مرفوعها زول وموضوعها **** كمر غيث لجب وسط ريح
فمرفوعها زول يعني سيرها إذا أسرعت عجب من العجائب .

5- والزول : الشجاع الذي يتزايل الناس من شجاعته.

6- والزول : الخفيف الظريف الذي يعجب الناس من ظرفه .

7- والزول : الغلام الظريف .

8- الداهية .

9- معالجة الأمر كالمزاولة .

10- التظرف .

11 - الحركة .

12- الصقر .

13- والزولة : المرأة الظريفة.

14- المرأة البرزة ( الجميلة) الفَطِنَة الزكية قال الطرماح بن حكيم:
وأدت إلي القول منهن زولة****تلاحن أو ترنو لقول الملاحن
والملاحنة هي الفطنة.

15- والزولة : الفتية من الإبل أو النساء ، قال رؤبة بن العجاج:
قد عتق الأجدع بعد رق **** بقارح أو زولة معق

16- ووصيفة زولة : إذا كانت نافذة الرسائل.

17- ويقولون فلان رامي الزوائل : إذا كان خبيراً بالنساء ، قال الشاعر:
وكنت امرأً أرمي الزوائل مرةً****فأصبحت قد ودعت رمي الزوائل
فهذا رجل كان يجتذب النساء في شبيبته بحسنه فلما أسن أنصرف عن ذلك .

فالزول والعمامة شعار سوداني- وأكرم به- كلمة زول هي كلمة عربية فصيحة في قمة الفصاحة ، والعمامه سنة نبوية وعادة إسلامية عربية أصيلة هي العمامة) والعمامة لباس النبي صلي الله عليه وسلم وأصحابه والتابعين والأئمة والفقهاء . وقد كانت لباس العرب قبل الإسلام حتى قالوا: (العمائمُ تيجانُ العربِ .
ومن الشائع في العامية السودانية أن يقال ( فلان زول الله أو فلان زول جنة) إذا كان طيب القلب سليم الصدر، والسودانيون عموماً معروفون بطيبة القلب - ولكنهم أيضاً مشهورون بأنهم كالكبريت أو البنزين (سريعو الاشتعال) وفي الحالتين لا يشتعلان إلا بمثير ، والطيب أيضاً يبقى طيباً إلي أن تثيره وتحرك فيه ما يخدشه فيغضب ويشتعل.

معاذ هشام الكمالي
06-22-2009, 10:38 PM
لك التحية يقين على هذه الكلمات الرائعة الجميلة في معنى كلمة زول و كل العرب فاكرنا بنتكلم رطانة
ودي فرصة عشان نرد ليهم الصاع صاعين

يقين الإسلام
06-28-2009, 12:19 PM
لك التحية يقين على هذه الكلمات الرائعة الجميلة في معنى كلمة زول و كل العرب فاكرنا بنتكلم رطانة
ودي فرصة عشان نرد ليهم الصاع صاعين


شكرا يامعاذ وبعدين في كتير من الكلمات المتداوله بيناتنا والكل يجهل انها عربيه فصحي ولي لقاءات مع الادب والثقافه والفنون باذن الله

معاذ هشام الكمالي
07-06-2009, 08:27 AM
إذا نحن قدرنا نكبر الثقافة في منتدانا كويس أكيد حنقدر نعكس صورة كويسة للعالم الخارجي ونساعد العالم الداخلي للمواصلة

السماكى
07-30-2009, 05:01 PM
معلومات طيبه كثير
شكرا ليك يا زوله يارايعه

يقين الإسلام
07-30-2009, 05:05 PM
تسلم يالسماكي افرحني مرورك كتيييييييييير

هاش ماب
07-31-2009, 02:53 AM
انا أشووووووووووووووووووووووووف منية بعدتونسته معاها في موضوع كدى قالت لي والله انك زوله اتاري معدية على المشاركة دي؟عموما كلام زي العسل يا زوله وانا بأضم صوتي ليمعاذ بس المشكلة ما في السودان بل عند اغلب العرب قاعدين يضيعوا اللغه مش العربية بل العامية والا اتو ما معاي اللغة الانجليزية قاعدة تغزو من جديد والناس تحسبها مدنية عندنا بيدفعوا دم قلبم عشان عيالم يرطنوا انجليزي قشرة سآي وبعضم يتعمد ان خدامته فلبينيه عشان تعلم وليداته الانجليزي وما مهم يكتسب شنو من عادات سيئة وكتير يجهلوا او يتجاهلوا الموضوع ده وكلام الشفع بعضم والله يقطع القلب عشان كدة يجب التكثيف من مواضيع مشابهه على المستوى العربي ياجماعة المسلمين يحاربوا من كل حته اللهم رد المسلمين اليك ردا جميلا.

قلب حاني
08-12-2009, 07:37 PM
احلى كلام يا احلى زولة
فعلا كثير من الكلمات الدارجه
عندنا
هي عربية اصيلة
ياريت تتحفينا ياغالية بالمزيد
ولا عدمناك

يقين الإسلام
08-12-2009, 07:50 PM
انا أشووووووووووووووووووووووووف منية بعدتونسته معاها في موضوع كدى قالت لي والله انك زوله اتاري معدية على المشاركة دي؟عموما كلام زي العسل يا زوله وانا بأضم صوتي ليمعاذ بس المشكلة ما في السودان بل عند اغلب العرب قاعدين يضيعوا اللغه مش العربية بل العامية والا اتو ما معاي اللغة الانجليزية قاعدة تغزو من جديد والناس تحسبها مدنية عندنا بيدفعوا دم قلبم عشان عيالم يرطنوا انجليزي قشرة سآي وبعضم يتعمد ان خدامته فلبينيه عشان تعلم وليداته الانجليزي وما مهم يكتسب شنو من عادات سيئة وكتير يجهلوا او يتجاهلوا الموضوع ده وكلام الشفع بعضم والله يقطع القلب عشان كدة يجب التكثيف من مواضيع مشابهه على المستوى العربي ياجماعة المسلمين يحاربوا من كل حته اللهم رد المسلمين اليك ردا جميلا.

اللهم امين وصدقتي في كل كلامك ربنا يخليك اسعدني مرورك

يقين الإسلام
08-12-2009, 07:53 PM
احلى كلام يا احلى زولة
فعلا كثير من الكلمات الدارجه
عندنا
هي عربية اصيلة
ياريت تتحفينا ياغالية بالمزيد
ولا عدمناك

ياقلب ياحاني انت تسلمي علي المرور والكلام السكر منك

وانشاء الله بواصل