المساعد الشخصي الرقمي

مشاهدة النسخة كاملة : ود شيوخ البطانة


قلب حاني
10-11-2009, 02:03 AM
<TABLE id=post18438 class=tborder border=0 cellSpacing=0 cellPadding=6 align=center *****="100%"><T****><T****><TR vAlign=top><TD style="BORDER-LEFT: #00000d 1px solid" id=td_post_18438 class=alt1>
هذا هو النص الكامل لقصيدة الصافي دهب الخزانة التي نظمتها الشاعرة الحرم عبدالله أبوسن في إبنها عبدالله إبراهيم أبوسن القاضي الشرعي ونائب رئيس البرلمان الأول ورجل السياسة الشهير يرحمه الله . ولقد كان بالفعل -مثلما تمنت له – رجلاً ذا شأن :
الصافي دهب الخزانة
الدولة أم فوت سيد بكانة
بريدو .. ودشيوخ البطانة
*****
شدو ليه البمغي الرسانة
ومرق الما بدورلو إعانة
يقيم الليل بالديانة
ويحل مفصول الضمانة
*****
مرق ود كرسي الحكومة
وقشاش دموع الظلومة
الضايقة بفرج همومها
والواجبة بيعرف لزومها
*****
بريدو ود شيوخ البطانة
شدو ليهو قارحو المقلد
نهم تيلادو المولد
نسف الكيس لينا جرد
وشيشك لي الدمعو برَّد
*****
مرق ود بيت الفضالة
تيتب للهاكعة شاله
عظيم بالحيل ياأب قدارة
متل قريش في الشطارة
*****
مرق ود بيت الدراسة
الطاهر خاتي النجاسة
شدو ليهو أم جراسة
ودخل البرطن نحاسها
*****
مرق أب زينا مكمل
لو مسفوه لو مهمل
درعوا البي الجوخ منمر
ولبسو البي الخوخ مسمر
*****
قاضي أوكاته وفروضه
مرق السابلات عروضه
*****
عوق الآلاف بقودو
وحرسه وصنعة جدودو
عبد اللاه يبلغ قصودو
ومتل حاتم يحكو جودو
*****
عبد اللاه دقر الحرايق
ونافي العيب والنقايق
بالأغراب ما هو عايق
كريم أخلاق ديمة فائق
بريدو ودشيوخ البطانة
*****
دارس سايس الطرايق
وفارس جاب الحقايق
وراسي وفي جلوسو رايق
وبحل المسجون وضايق
*****
شدو ليه القارح جوادو
ووافر للعامة زادو
عبد اللاه يبلغ مراده
علي الهايكوت ظعنو قادو
*****
عبد اللاه الفرسان صميمن
يشلع عيقان زحيمن
جدو البيهات عظيمن
ملك ذاوات مو نديمن
*****
شدو قارحو أب فراية
وسل أب جدلة وسقاية
عبدالله كاب الولاية
جليس ستات السراية
*****
فروخوا نفضت بديدو
وتسمع كورو وجضيضو
قود العوق يا عقيدو
النصر والفوز إنت سيدو
*****
شدو ليهو الصر كوروا
ونقرو نحاسو وطبولو
عوق الآلاف يجولو
وثقاة الناس بشهدولوا
بريدو ود شيوخ البطانة
*****
شدو ليه البنسف سبيبو
ومرق الما بعيق قريبو
أمين الجار يا حسيبو
جليس للبارعين وضيعو
*****
غلق زاد مو مخاده
ومرق الخاتي البلاده
النصر والفال هيلو عاده
وبجبد ناس في الشهادة
*****
غلق زائد مسدر
مرق اللي الروح بودر
ركب حافلو المبدر
جدو بضاري وبحدر
بريدو ود شيوخ البطانة
*****
غلق نيل التسابه
وقائد راس الحرابة
قاطع عاقة القرابة
بكان الموت ما بهابه
بريدو ود شيوخ البطانة
*****
يوم القيلة بنعاين
بالطاقات ما هو باين
تقيل موزون بالقباين
*****
سد أم دور بالعساين
ومنع القش بالبطاين
*****
شدو ليه البعجب رسيسن
وقود الخيل يا عريسن
بنات الطيب إت جليسن
والتاج والنيشان وريثن
*****
حفلن ولبسن لبوسن
وجنو سايقات عروسن
دوام مبسوط من خصوصن
أديب ما بواخد جلوسن
*****
حتلن جلبن طقومن
وجنوا طالبات لزومن
دوام مبسوط من همومن
قدر ما يقولن فهومن
*****
شدو ليهو الكورو صر
مو مسفوه مو مخلي
بدر في الحافلة سلة
والمسجون ليه حل
*****
الفروخ بارياهوا بره
وحنوا ولاقو المسرة
بريدو ود شيوخ البطانة
*****
شدو قارحو البلاوي
وشويم لي بيتو ناوي
عظيم ود عمد المقاوي
وقدر ما أقول يهو ساوي
*****
الصافي دهب الخزانة
الدولة أم فوت سيد بكانة
بريدو .. ود شيوخ البطانة


منقول لعيونكم
<!-- / message -->وقد تغنى اولاد البنا بهذه الرائعة

</TD></TR><TR><TD style="BORDER-BOTTOM: #00000d 1px solid; BORDER-LEFT: #00000d 1px solid; BORDER-TOP: #00000d 0px solid; BORDER-RIGHT: #00000d 1px solid" class=alt2 vAlign=bottom align=middle></TD><TD style="BORDER-BOTTOM: #00000d 1px solid; BORDER-LEFT: #00000d 1px solid; BORDER-TOP: #00000d 0px solid; BORDER-RIGHT: #00000d 0px solid" class=alt1 align=left><!-- controls --><!-- / controls --></TD></TR></T****></T****></TABLE><!-- post 18438 popup menu -->


<!-- / post 18438 popup menu --><!-- / post #18438 --><!-- post #18440 --><!-- this is not the last post shown on the page -->

معاذ هشام الكمالي
10-11-2009, 09:28 AM
القصيدة مبالغة والله

ماخلت شي

تسلمي قلب حاني

هنوها
10-11-2009, 10:21 AM
طبعا القصيدة دى بتكيفنى بصورة ما طبيعية بالجد

تسلمى حنون

لكن بالجنبة كدة

دى اهداء لمنو؟ ههههههه



هاك النمة دى فى البطانة


http://www.youtube.com/watch?v=OwjSXfsuhto

الفاضلابي
10-11-2009, 11:51 PM
يالله قصيده نابعه من الاعماق

شكرا ليك شديد يا قلب حاني

قلب حاني
10-13-2009, 02:38 AM
تسلم ود الكمالي على المرور الجميل
وعيدك مبارك وربنا يحقق امانيك يارب

قلب حاني
10-13-2009, 02:39 AM
هنوووو العسل لزومه شنو الاحراج يااااخ
ههههه
تسلمي على المرور والنمة الروووعة
لاعدمناك ياغالية

قلب حاني
10-13-2009, 02:43 AM
تسلم يالفاضلابي
مرورك اسعدنا والله ولاشكر على واجب
مقصرين سامحونا يا ادارة

لكن ليك علي صينة كفته بالشبت
قريب تنزل عند ناس الاسرة بهناك

وننتظر تطبيقكم
ههه لاعدمناك اخي