المساعد الشخصي الرقمي

مشاهدة النسخة كاملة : برنامج صباحك يا وطن الاذاعي يستضيف المنظمة


ام محمد
06-23-2010, 10:23 PM
السلام عليكم ورحمة الله
برنامج صباحك يا وطن الاذاعي في اذاعه القوات المسلحة يستضيف المنظمة غدا صباحا في الساعه الثامنة في اطار حملة اعلامية ستشمل عده اذاعات اخرى بتنسيق ومتابعه من الاخ الاستاذ المذيع مصعب طعيمة
وسنحاول في المرات المقبلة ان نخطركم قبل وقت كافي حتى يستطيع الجميع من متابعه البرنامج ان شاء المولى وستتحدث الاخت الاستاذة صفاء بابكر مديرة العلاقات العامة والاعلام وساقوم لاحقا باضافة ملخص لما دار في البرنامج تحت هذا البوست

الفاضلابي
06-23-2010, 11:02 PM
بالتوفيق ان شاء الله

وبنحاول نتابع البرنامج ان شاء الله

جزاك الله خير يا ام محمد

الطاهر عثمان
06-23-2010, 11:34 PM
بالتوفيق انشاء الله وياريت لو في امكانية تسجيل للحلقة للتوثيق

منية الله
06-24-2010, 09:29 AM
السلام عليكم وصباح الخير ..
أول حاجة ألف شكر للحبيبة الغالية أم محمد لإتاحة فرصة جميلة جداً في الإذاعة الرائعة
ثانياً كتر خير الإذاعة الجميلة إذاعة القوات المسلحة على استضافتها اختنا صفاء بابكر
ثالث شي يا صفووووووووووووووووية ما قصرتِ المدة كانت بسيطة جداً تقريباً 5-7 دقائق لكنها عرفت تتكلم عن أهم النقاط والمشاريع للمنظمة حيث أنها قامت بالتعريف عن المنظمة وأهدافها وسياستها، واتكلمت عن المشاريع (الحقيبة المدرسية، كيس الصائم، ........ الخ)، وذكرت رقم الهاتف والموقع وأكدت عليه .. كانت دقائق جميلة عكست فيها صورة عامة عن المنظمة ..
جزاكم الله كل خير

may
06-24-2010, 12:50 PM
ياريت لو زول يوثق لينا الحلقة وينزلها هنا نسمع الحلقة

may
06-24-2010, 12:53 PM
ياريت يتم نقل الموضوع الى بوست
تغطية اعلامية

may
06-24-2010, 12:59 PM
وياريت يكون البوست ظاهر للزوار

البشير دفع الله
06-24-2010, 12:59 PM
تحية وتقدير أم محمد
مجهود مقدر
جزاك الله خيرا
وجزى الله القائمين على البرنامج خير الجزاء

منية الله
06-24-2010, 01:10 PM
بس ما يكون مغلق يا مي لأنو تغطية إعلامية مغلق عشان يسمح للجميع التعبير..

محراب النيل
06-24-2010, 03:43 PM
ما شاء الله والله خبر جميل ويارب دائما بمشاريعكم الرائعة مكتسحين كل وسائل الاعلام
ولقداااام

منية الله
06-24-2010, 03:46 PM
اللهم آمين يا أم حمودي..

ام سعد
06-24-2010, 11:02 PM
بداية ممتازة بالتوفيق وبارك الله فيك اخت صفاء وجزاك الله خير اخت ام محمد

ام محمد
06-24-2010, 11:16 PM
بارك الله فيكم يا احبابي
انا بالجد زعلانة انو المدة كانت بسيطة يا منوية لكن ان شاء الله حاركز على الحتة دي في كلامي مع الاذاعات الاخرى والحديث جار معاهم الان والتوفيق من الله
وبالجد الاخت صفاء شخصية فذة ورائعه وقامت بالدور المناط بها على اكمل وجه ونتمنى فقط نشر الوعي بضرورة التعاون والتكافل في ظل ظروف الغلاء الشديد التي نمر بها الان ولسه الاسعار في زيادة كل ما رمضان يقرب
بالنسبة للتسجيل فانا لسه حاحاول اتحصل عليهو باذن الله واديكم خبر

الطاهر عثمان
06-25-2010, 12:39 AM
موفقين باذن الله وما قصرت صفاء رغم قصر المدة اعطت فكرة موجزة وكاملة
ومن النتائج بعد الحلقة مباشرة تلقت الاخت صفاء العديد من الاتصالات لايتام وباذن الله نتلقى اتصالات من كفلاء ايضا

مشكورة يا ام محمد وربنا يجزيك خير ونتمنى المواصلة في مثل هذه البرامج واللقاءات سواء مع الصحف او الاذاعات
يرجى التنسيق مع برنامج شراع الامل في قناة الشروق لالقاء الضوء علي نشاطات واهداف المنظمة

ام محمد
06-25-2010, 01:43 AM
الكلمك منو يا مدير انو انا فعلا اتكلمت مع منتج برنامج شراع الامل ووعدني خير؟؟ هل دي منية؟؟ على العموم هو سالني انتو كمنظمة بتتميزو بي شنو ؟ والرد عليهو كان مطول شوية من قبلي ههههههه ربنا يسهل بس والامور تظبط مع ناس الشروق قريب

الطاهر عثمان
06-25-2010, 01:45 AM
سبحان الله توارد خواطر بس والله
موفقين معاهم باذن الله

منية الله
06-27-2010, 09:55 AM
ربنا يديك العافية يا أم محمد.. والله الإنسانة دي مجتهدة بطريقة كبيرة جداً رغم ظروف مسؤوليتها في البيت بس الواحد لم يخت هدف في راسو بعملو بتوفيق من الله سبحانه وتعالى.. الله يخليك ويحفظ ليك اولادك يا حبيبة، ونحنا معاك في أي حاجة

AZZA
06-27-2010, 10:37 AM
انا اول مرة اشوف البوست ده
ويامنية ليه ماقلتي عشان افتح الاذاعة؟؟
عموماً حصل خير الجايات اكتر من الرايحات
مشكورة ام محمد وصفاء
وان شاء الله تكون مدخل خير لايجاد كفلاء للايتام
باذن الله

منية الله
06-27-2010, 11:07 AM
اتلومت معاك يا عزوز.. لكن والله الكلام كلو كان بين أنو نتفق مع مُعدة البرنامج وأم محمد وصفوية والزمن كيف؟ ومتين؟ وبسيط؟ و.......... لكن المره الجاية إن شاء الله (في التلفزيون) - ما بعيدة.. ده لو ما انت قاعدة في الاستديو ههههههه

سوزي
06-28-2010, 06:34 AM
ربنا يجزي الجميع خير ويدي ام محمد العافية ويخلي ليها اولادها

منية الله
06-28-2010, 10:36 AM
ربنا يجزي الجميع خير ويدي ام محمد العافية ويخلي ليها اولادها

اللهم آآآآآآآآآآآآآآآآآآآمين تسلمي يا سوزي يا حبيبة ما بتقصري