المساعد الشخصي الرقمي

مشاهدة النسخة كاملة : تلفزيون السودان يغطي مشروع المتطوع الصغير


ام محمد
08-12-2010, 10:09 PM
اكتملت الترتيبات بتوفيق من الله سبحانه وتعالى وتعاون الاخوة المتطوعين اعضاء المنظمة لقيام مشروع المتطوع الصغير وهو حملة تهدف الى ترسيخ مبدأ العمل التطوعي الجماعي في نفوس ابناءنا منذ الصغر من خلال تطبيق هذا المشروع في مدارس الاساس واعطاء الطلبة مشروع تطوعي صغير لتطبيق وهو جمع ملابسهم الزائدة عن حاجتهم لاخوانهم المحتاجين وبذلك يشاركوننا مشروع فرحة العيد المقرر تنفيذه من قبل المنظمة قبل العيد لاسر الايتام المسجلة لديها

تغطية التلفزيون السوداني جاءت بمساعدة وتنسيق مع الاخت رحيق الاسلام ستكون يوم الاحد المقبل الموافق 15\8 حيث سيرافقنا فريق عمل من التلفزيون في جولتنا على ثلاث مدارس خاصة كبرى في بحري الا وهي
مدارس الرحيق المختوم الخاصة اساس
مدارس القبس الخاصة اساس
مدارس رياض الاسلام الخاصة اساس

على ان تتم منتجة المحتوى وبثه يوم الثلاثاء الموافق 17\8 وبثه ضمن برنامج الصباح الجديد والفترة المفتوحة الخاصة برمضان

دعواتكم لنا بنجاح المشروع ونتمنى من الجميع متباعه التغطية والتعليق عليها
وشكرا
ملاحظة هل الافضل اضافة هذه الرسالة الى البوست السابق الخاص بمشروع المتطوع الصغير ام ابقي عليها منفصلة ؟

باكر أحلى
08-12-2010, 10:31 PM
السلام عليكم ورحمة الله وبركاته
تقبل الله منكم دي مشروع كبير جداً ونقطة تحول هامة في المنظمة والعمل الطوعي عامة ...
ياريت الاعداد يكون متقن باهمية الحدث ولكم التحية واحنا جاهزين لاي مساعدة مطلوبة ...

ام محمد
08-12-2010, 11:40 PM
بصراحة انا كنت مستهونة المشروع ده وقلت اقوم بيهو براي لكن بعد ما ناس التلفزيون ضربوا واكدوا الجية اتجرست حبتين وضربت لي صفاء صفوية وقلت ليها انتي جوا الجك وانا دايرة انسحب من الموضوع ده كلو ههههههههه طبعا كلام بس
وحسي بنرتب في الامور ودعواتكم معانا ولو في اي اقتراحات برضو
شكرا باكراحلى

فاطمة
08-13-2010, 01:38 AM
ام محمد تسلمي....كنت اتمني تكون الجولة شامله مدرسة من امدرمان ياريييت

الفاضلابي
08-13-2010, 02:55 AM
نسأل الله لكم التوفيق والسداد
وجزاك الله خير يا ام محمد على هذه الجهود المقدره
ربنا يكتب الاجر والثواب ان شاء الله

دعوني أكفف دمعة
08-13-2010, 05:15 AM
ما شاء الله ام محمد مشروع ما ساهل
وبالتوفيق ان شاء الله
وجزاك الله كل خير
احترامي

رحيق الاسلام
08-13-2010, 07:52 AM
الحمد لله الكريم المنان على أن جعل لنا مواسم للخيرات ويسر لنا العمل فيها ..

ألف مبروك يا أم محمد انجازك الرائع وذاتي الفقيرة ماعملت حاجة تذكر
كم انا فخورة بك وبانجازك .. ومعليش الواحد بيتجرس في الأول وتاني بيتعود هههههههه
دي ميزة العمل التطوعي بيعلمنا مهارات جديدة في التعامل..

أهمممم حاجة تحاولوا تسجلوا التغطية من التلفزيون وتنزل اليوتيوب .. ومن هنا اناشد مديرنا الطاهر مشكورا
بالنسبة للتقرير ماتشيلي هم بظبطه لك ان شاء الله للنشر

ياريت تورينا موعد البث بالضبط للبرنامج !!

وأنا وتلفوني تحت امرك ..
متابعين باهتمام والى الأمام يا مبدعة ..

حاجة كولن كولن
08-13-2010, 09:48 AM
والله ما شاء الله الانجازات تتوافد، والفكرة دى فى حد زاتها رائعة تعلم اطفالنا المشاركة.
الله يوفقك يا ام محمد وجزاكم الله خيراً

ونجى
08-13-2010, 11:31 AM
موفقين باذن الله

سوزي
08-13-2010, 01:41 PM
الله يوفقكم
الفكرة جميلة
في ميزان حسناتك الرائعة ام محمد
قلوبنا معاكم

تيسير صالح
08-13-2010, 01:49 PM
ما شاء الله ام محمد موفقة يا رب وانتى وكل الاخوات الرائعات
مشروع ما ساهل والله وفرحة كبيرة للايتام

محراب النيل
08-13-2010, 03:26 PM
ما شاء الله خبر رائع وانجاز كبير ويارب نجاح كبير كمان
التواجد المكثف فى وسائل الاعلان سيعود بالخير ان شاء الله الايتام والمنظمة
مشكورة ام محمد والاخت رحيق الاسلام فى ميزان حسناتكم يارب

may
08-13-2010, 10:11 PM
ام محمد خطوة اكثر من ايجابية ... وبالتوفيق والحقيقة ماكنت فاكرة انو المشروع دة تحديدا سيتم بهذه السرعة اتمنى لكى التوفيق
وفعلا زى ماقالت ليك رحيق الاسلام انو العمل التطوعى بيخلق فينا مهارات جديدة فى التعامل وبيخلق بداخلنا روح الابتكار
بالتوفيق يا ام محمد

ام محمد
08-13-2010, 11:06 PM
ام محمد تسلمي....كنت اتمني تكون الجولة شامله مدرسة من امدرمان ياريييت

والله يا فطومة انا نفسي المشروع ده يشمل كان الخرطوم وام درمان وبحري على اساس انو انا امسك بحري عشان ساكنة فيها وعندي علاقات مع المدارس القريبة ومتطوعين من ام درمان يغطوا مدارس ام در وناس الخرطوم يغطوا مدارسها وهكذا لكن الترتيب كان حاياخذ وقت بيني وبينك فقلت اتوكل على الله وما اضيع ايام رمضان اللي هي انسب وقت لبدء حملة زي دي تستهدف الحث على الصدقة وعمل الخير

ام محمد
08-13-2010, 11:09 PM
الحمد لله الكريم المنان على أن جعل لنا مواسم للخيرات ويسر لنا العمل فيها ..

ألف مبروك يا أم محمد انجازك الرائع وذاتي الفقيرة ماعملت حاجة تذكر
كم انا فخورة بك وبانجازك .. ومعليش الواحد بيتجرس في الأول وتاني بيتعود هههههههه
دي ميزة العمل التطوعي بيعلمنا مهارات جديدة في التعامل..

أهمممم حاجة تحاولوا تسجلوا التغطية من التلفزيون وتنزل اليوتيوب .. ومن هنا اناشد مديرنا الطاهر مشكورا
بالنسبة للتقرير ماتشيلي هم بظبطه لك ان شاء الله للنشر

ياريت تورينا موعد البث بالضبط للبرنامج !!

وأنا وتلفوني تحت امرك ..
متابعين باهتمام والى الأمام يا مبدعة ..


الاخت رحيق شايفاك مستهونة بي روحك شديد هههههه انت الخير والبركة وان شاء المولى حاكون متابعه معاك وحاتصل عليك لما اعرف تفاصيل البث بالتحديد

ام محمد
08-13-2010, 11:13 PM
ام محمد خطوة اكثر من ايجابية ... وبالتوفيق والحقيقة ماكنت فاكرة انو المشروع دة تحديدا سيتم بهذه السرعة اتمنى لكى التوفيق
وفعلا زى ماقالت ليك رحيق الاسلام انو العمل التطوعى بيخلق فينا مهارات جديدة فى التعامل وبيخلق بداخلنا روح الابتكار
بالتوفيق يا ام محمد

والله العمل التطوعي اداني كثير يا مي وغير لي نفسياتي خالص وهذا المشروع كان زي حلم بالنسبة لي وبتوفيق من الله كما اسلفت وثم تشجيع كبير من المدير السيد الطاهر عثمان والاخوة المتطوعين حيشوف النور باذن الله

ابوكريم
08-14-2010, 10:31 AM
بالتوفيق يارب

كهاتين
08-14-2010, 02:43 PM
ما دام كل العمل لله تعالى

ف ان شاء الله موفقين

الله يحفظكم

الطاهر عثمان
08-14-2010, 11:10 PM
ياسلام علي الاخبار الجميلة
يعني الواحد يغيب يوم بس يجي يلقى الاخبار الحلوة المفرحة دي
رحيق وام محمد شكر خاص وتقدير لما تقومون به وحقيقة شي جميل جدا ومفرح
ياريت في التقرير يا رحيق تركزوا علي تعريف المنظمة الكامل

(منظمة كفالة ورعاية الايتام السودانية هي منظمة طوعية خيرية مستقلة غير هادفة للربح تسعى للتنسيق بين الكافل واليتيم وتنفيذ مشاريع موسمية تستهدف اليتيم)

وممكن تعرجوا علي انجازات المنظمة ونشاطاتها المختلفة وتدو موجز بسيط جدا علي حسب الزمن المتاح
ملف مختصر وموجز للمشاريع يمكن تحميله بالضغط هنا (http://www.mediafire.com/?lhxd1x99qwbucxu)

ثم الجزء الاخير من التقرير يكون وسيلة الاتصال لمن رغب بالمساعدة او التواصل مع المنظمة
عبر موقع المنظمة علي الانترنت sudanorphans.org والهاتف 0912423606
والموقع يمكن الوصول اليه مباشرة او عبر جوجل بالبحث عن منظمة كفالة ورعاية الايتام

ام محمد ورحيق هذه الايام اتدارس مع مجموعة اخرى انشاء وحدة علاقات عامة وإعلام تكون مختصة باشياء كثيرة وباذن الله يسعدنا ان تكونوا اعضاء في هذه الوحدة
وباذن الله سنصل عبركم والمجموعة الاخرى لتواجد دائم ومنظم في وسائط الاعلام المختلفة
دي فكرة بسيطة كده علي السريع لكن حيكون بينا تنسيق كبير لحدي ما تتولد الوحدة دي ويتم الربط بينكم والاخرين

ام محمد ياريت وقت عرض البرنامج يوم الثلاثاء الساعة كم بالظبط حتى نقوم بتسجيله

تقبلوا فائق احترامي وتقديري

رحيق الاسلام
08-15-2010, 09:13 AM
واكيد يسعدنا ويشرفنا خدمة المنظمة بكل مانملك والانضمام لوحدة العلاقات العامة والاعلام

بالنسبة لامكاناتي في الاعلام فهي معرفة بعض معدي البرامج التلفزيونية فقط من خلال مشاريع سابقة
وباذن الله سيفتح لنا هذا المشروع آفاق جديدة

وللاسف لاأعرف أحدا من الصحافة لانزال التقارير الصحفية في الجرائد

ولكن بامكاني اعداد التقارير واطلاعكم عليها ومن ثم ارسالها من قبلكم للصحفيين أو ايصالي بهم
ليتم تسليمهم التقارير والتعاون معهم مستقبلا ..


أم محمد الأن في المدرسة بانتظار التلفزيون وتطلب منكم الدعوات بالتوفيق لأنها متجرسة حبتين :)
قلوبنا معاك يا أم محمد وفي تشوق لانجازاتك الجميلة ..

منية الله
08-15-2010, 09:40 AM
يا سلام على أم محمد من يوم دخلتي علينا وديك يا المفاجآت وأختنا رحيق الاسلام ما سهلة يعني اتلموتو على بعض حتطلعو لينا أكبر انجازات ان شاء الله ونحنا وراكم بدعواتنا وكل ما نستطيع ..
أهم شي صفوية تدخليها الجك..

منية الله
08-15-2010, 02:24 PM
ام محمد جزاها الله خير حضرت معاها الأخت صفاء وأخونا حوتة وأسامة ما شاء الله ما قصروا وكان حضور التلفزيون القومي جزاهم الله خير على تغطيتهم للمشروع وبثه إن شاء الله يوم الأربعاء الساعة الخامسة عصراً..
وتجيكم ام محمد تقول التفاصيل..

الطاهر عثمان
08-15-2010, 02:39 PM
مشكورة يا منية لاعلامنا بما تم
ومشكورين ومثابين الشباب الرائع - جزاهم الله كل خير
وباذن الله يوم الاربعاء نقوم بتسجيل الحلقة

منية الله
08-15-2010, 02:47 PM
إن شاء الله يا الطاهر هي تقريباً زي ما قالت أم محمد زي 10 دقائق بس أكيد ليها دور كبير في نشر فكرة المنظمة والمشروع.. ربنا يهون

الطاهر عثمان
08-15-2010, 02:53 PM
اكيد يا منية 10 دقائق في تلفزيون السودان ما ساهلة واكيد ليها دور كبير
ربنا يجزيهم خير ويوفقهم في مشروع المتطوع الصغير

كهاتين
08-15-2010, 03:06 PM
ما شاء الله

بفضل الله والجهود المبذولة

من الاخوة بالخرطوم على راسهم الاخوات الكريمات

صفاء ام محمد ورحيق وبقية العقد الفريد

استطاعت المنظمة ان تبث رؤاها وبرامجها التطوعية والخيرية (وفي اقل من شهر)

عبر وسائل الاعلام المختلفة المرئية والمسموعة بالسودان

دون المنظمات الخيرية الاخرى

تليفزيون الشروق والاذاعات (ام درمان والقوات المسلحة وغيره)

والان مع التليفزيون القومي

نسال الله لكم المزيد من عونه وتوفيقه

صفاء بابكر
08-16-2010, 10:31 AM
السلام عليكم ورحمة الله
البارحة كانت البداية لمشروع المتطوع الصغير وهو فكرة اختنا ام محمد
يهدف المشروع الى ترغيب الاطفال في العمل الطوعي منذ الصغر

كانت البداية بمدرسة رياض الاسلام ببحري
وام محمد ما قصرت عرفتهم على المنظمة وابدوا اعجابهم بعمل المنظمة وكانوا متعاونين معنا
التلفزيون القومي اخذ افادة اولاً من ام محمد عن المشروع
بعدها في ساحة المدرسة تم تجميع بعض الطلبة وتحدث احد اساتذة المدرسة عن عمل الخير في رمضان وشكر المنظمة
وبعدها تحدثت احدى الطالبات
ومن قبلنا تم شرح فكرة المتطوع الصغير وبالتحديد تجميع الملابس لفرحة الايتام
وقمنا بتوزيع ورق على الطلبة شرح فيها فكرة المشروع وتذكريهم بامرارها على الوالد و الوالدة
ووعدوا جميعا للمشاركة معنا في هذا المشروع
وتم المرور ايضاً على بعض الفصول وتنويرهم بالمشروع
ونذكر انو سيتم بثها يوم الاربعاء الساعة الخامسة



ام محمد وين :crying::crying: مفروض تجي تقول الكلام دا

منية الله
08-16-2010, 10:47 AM
ما شاء الله يا صفوية والله ما قصرتو وموفقين .. عجزنا عن الحضور معكم لكن بالدعوات والله

الطاهر عثمان
08-16-2010, 11:01 AM
السلام عليكم ورحمة الله
البارحة كانت البداية لمشروع المتطوع الصغير وهو فكرة اختنا ام محمد
يهدف المشروع الى ترغيب الاطفال في العمل الطوعي منذ الصغر

كانت البداية بمدرسة رياض الاسلام ببحري
وام محمد ما قصرت عرفتهم على المنظمة وابدوا اعجابهم بعمل المنظمة وكانوا متعاونين معنا
التلفزيون القومي اخذ افادة اولاً من ام محمد عن المشروع
بعدها في ساحة المدرسة تم تجميع بعض الطلبة وتحدث احد اساتذة المدرسة عن عمل الخير في رمضان وشكر المنظمة
وبعدها تحدثت احدى الطالبات
ومن قبلنا تم شرح فكرة المتطوع الصغير وبالتحديد تجميع الملابس لفرحة الايتام
وقمنا بتوزيع ورق على الطلبة شرح فيها فكرة المشروع وتذكريهم بامرارها على الوالد و الوالدة
ووعدوا جميعا للمشاركة معنا في هذا المشروع
وتم المرور ايضاً على بعض الفصول وتنويرهم بالمشروع
ونذكر انو سيتم بثها يوم الاربعاء الساعة الخامسة



ام محمد وين :crying::crying: مفروض تجي تقول الكلام دا





مشكورة يا صفاء - عمل كبير
ربنا يتقبل منكم

باكر أحلى
08-16-2010, 11:05 AM
السلام عليكم ورحمة الله وبركاته
ما قصرتو كالعادة سباقين للخير ومبادرين ، المشروع زي ما قلت ليكم نقطة تحول في العمل الطوعي ...
وياريت ما نقيف عند هذا الحد يجب ان يصل جميع المدارس على الاقل بولاية الخرطوم وما صعب لو فكرنا في الية للعمل ...

ام محمد
08-16-2010, 11:46 AM
السلام عليكم
والله بعد ما رجعنا من المدرسة لقيت الكهربا عندنا قاطعه وما جات الا 11 بالليل (يعني يا صفاء واسامة ومحمود لو كنتو قبلتو عزومتي للافطار معنا في البيت كان اتمقلبتو حتى المويات شربناها سخنة خخخخخخخ) مشكورة يا صفاء على التفاصيل ومافي شي اقدر اضيفو فقط انو كان نفسنا لو غطينا التلات مدارس في يوم واحد لكن وقت انصراف الطلبة حان وما كان في طريقة ان شاء المولى باقي المدارس حاغطيهاخلال الاسبوع الحالي وبشكر الاخ محمود حوته واسامة يعني بالجد الله يحفظكم ويبارك فيكم كانوا خير عون لنا في هذا المشروع والاخت الغالية صفاء نظرا لتاخر بعثة التلفزيون في الحضور وجدنا الفرصة لنتعرف اكثر على بعض

ومواعيد البث تغيرت من الثلاثاء الى الاربعاء الساعه الخامسة مساءا كفقرة ضمن الفترة المفتوحة الخاصة برمضان ولو في اي تغيير سوف نطلعكم فورا
بالنسبة للصحافة يا رحيق انا اعرف مليون صحفي ومدراء تحرير حتى قلت لصفاء قبل رمضان بس كانت مشغولة شوية ممكن عبرهم ننزل تقارير كاملة عن المنظمة في اكبر صحف البلد فايه رايك نتساعد في هذا الامر بعد التشاور مع المدير ان شاء الله على العموم انا جاهزة

الصور ارسلتها للمدير ولرحيق الاسلام

منية الله
08-16-2010, 12:06 PM
تسلمي أم محمد مجهودك مقدر وكتر خيرك
ورااااااااااااجيين الصور ياخي

سوزي
08-16-2010, 12:13 PM
ما شاء الله ام محمد وبارك الله فيكم
والشباب دائما سباقين جزاهم الله عنه خيرا
مجهود ضخم ربنا يكون في عونكم ويقدركم على فعل الخير
كنا عاوزين نعرف زمن بث الحلقة ( يعني الساعة كم ؟؟ )

منية الله
08-16-2010, 12:17 PM
سوزي الحبيبة..
زمن بث الفقرة يوم الأربعاء الساعة الخامسة عصراً بتوقيت السودان ومدتها تقريباً 10 دقائق إن شاء الله..

سوزي
08-16-2010, 12:21 PM
شكرا يا غالية

ام محمد
08-17-2010, 12:27 AM
دي بعض الصور
ووالله النت بطيئة جدا حاولت مية مرة ارسلها على ايميل المدير او رحيق في النهاية قلت اجرب ارفعها هنا وخلاص

http://www.alhnuf.com/up/pics-gif/upload/uploads/images/alhnuff4f66d3d0c.jpgرفع صور (http://www.alhnuf.com/up/)


http://www.alhnuf.com/up/pics-gif/upload/uploads/images/alhnuff00199c597.jpgرفع صور (http://www.alhnuf.com/up/)

http://www.alhnuf.com/up/pics-gif/upload/uploads/images/alhnufb926dfa649.jpgرفع صور (http://www.alhnuf.com/up/)

http://www.alhnuf.com/up/pics-gif/upload/uploads/images/alhnuf4c9f10c484.jpgرفع صور (http://www.alhnuf.com/up/)

http://www.alhnuf.com/up/pics-gif/upload/uploads/images/alhnufeff2649cb0.jpgرفع صور (http://www.alhnuf.com/up/)

ام محمد
08-17-2010, 12:34 AM
http://www.alhnuf.com/up/pics-gif/upload/uploads/images/alhnufb4c9d63e50.jpgرفع صور (http://www.alhnuf.com/up/)


http://www.alhnuf.com/up/pics-gif/upload/uploads/images/alhnufc6d368adf2.jpgرفع صور (http://www.alhnuf.com/up/)

سوزي
08-17-2010, 12:46 AM
ما شاء الله موفقين دائما

منية الله
08-17-2010, 10:32 AM
يا سلام يا أم محمد والله الصور جميلة ربنا يديكم العافية ما قصرتو

منية الله
08-17-2010, 10:34 AM
شمار: إنتو أولاد المدارس ديل بختو في شنو في الصندوق؟؟

رحيق الاسلام
08-17-2010, 10:44 AM
تسلم أياديك يا أم محمد على النقل الرائع
وان شاء الله التقرير سيكون جاهز قريبا للنشر في الصحف والمواقع

منية :) ... معاك حق
اللي فهمته أنهم جايبين الصندوق للملابس لكن ماشاء الله من أول اليوم الأطفال جايين بتبرعاتهم ؟؟

موفقين يارب ..

منية الله
08-17-2010, 10:59 AM
ما شاء الله عليهم والله.. ربنا يجازيهم خير أطفال المدارس وأهاليهم ويعينكم

منية الله
08-17-2010, 11:01 AM
أفادتني الأخت أم محمد أن البث سوف يكون اليوم (الثلاثاء) الساعة الخامسة عصراً نتمنى من الجميع الحضور

الطاهر عثمان
08-17-2010, 12:11 PM
ماشاء الله تبارك الله
انجاز وشي مفرح والله
ربنا يجزيكم خير

ام محمد
08-18-2010, 12:33 AM
شمار: إنتو أولاد المدارس ديل بختو في شنو في الصندوق؟؟

يعني حيكونوا بيختو في شنو يا منوية ؟ هدوم طبعا
الحصل انو ناس التلفزيون قالو لازم يكون في تبرعات من اول يوم عشان التصوير بيكون مرة واحدة وما بيقدروا يجوا تاني يصوروا لم الهدوم وكانت فكرتهم كويسة والله

ام محمد
08-18-2010, 12:36 AM
دي الورقة اللي وزعناها على الطلبة كان رحيق طلبت تشوفها

http://www.alhnuf.com/up/pics-gif/upload/uploads/images/alhnuf540d6e012c.jpgرفع صور (http://www.alhnuf.com/up/)

منية الله
08-18-2010, 11:20 AM
ورقة شاملة ما شاء الله..