وظائف في السودان - jobs in sudan

الاخوة والاخوات في هذا البوست نحاول جمع وإضافة جميع مواقع التوظيف في السودان ومواقع الشركات الكبرى (تحديداً روابط وظائف - careers)

فالدعوة لكم جميعاً لرفد هذا البوست بكل هذا الروابط حتى يكون مرجعاً لكل من يبحث عن وظائف في السودان ونسهل له امر البحث وباذن الله يكون بداية موفقة للكثيرين ممن يسعون لوظيفة ....

طبعا نرحب جداً باخبار الوظائف من عينة (ناس زين قالوا عايزين مهندسين)

وللاخوة الموجودين في السودان - اي خبر تلقوه في الجرائد عن اعلان وظائف تعالوا نزلوه لينا هنا بالله

تحياتي للجميع وبسم الله نبدأ

بسم الله نبدا بمجموع 17 وظيفة ممتازة متاحة في الخرطوم فيها (محاسبين - مهندسين - مصممين مواقع - موظفة مبيعات- صيادلة - مناديب مبيعات وغيرها ) علي موقع وظائف - الشرق الاوسط

وظائف كوم - الشرق الاوسط

موقع وظائف الامم المتحدة به العديد من الوظائف الممتازة في الحسابات والادارة والعديد من الوظائف الممتازة

وظائف الامم المتحدة


من المواقع السودانية المتخصصة في التوظيف هو موقع سودان جوبس sudanjobs
ويستلزم التسجيل المجاني في الموقع

موقع وظائف السودان


وظائف في زين - حالياً هناك وظيفة Business Intelligence Specialist
ويمكن البحث بصفة دورية عن الوظائف في السودان

الرابط المباشر لوظائف زين في السودان

موقع كنار ولكن لا توجد وظائف حالياً
وظائف كنار


رابط مباشر لموقع فتش وبه حالياً عدد من الوظائف المتاحة في الخرطوم منها مهندس مدني وسكرتيرة - مندوبي مبيعات - شيف - وغيرها

رابط الوظائف في السودان لموقع فتش

وظائف شركة مجموعة دال وحاليا المتاح وظيفتين

دال قروب

[align=center]شكرا يا مدير بوست جميل ومفيد

برضو خارج السودان في ناس بتفش وظائف فممكن برضو لو في وظائف في مثلا

( وظائف في السعودية ) وظائف في الرياض . وظائف في جده . وظائف في الامارات . وظائف في العين [/align]

ياسلام عليك يامدير وان شاء الله كل الاخبار حنجيبا وننزلا وان شاءالله نكون سبب في توظيف ناس تعول اسر وتقيهم شر السؤال

والله تمام خالص..
بالتوفيق للعواطلية كلهم يا رب والنجاح :)

الله عليك يا الطاهر وابداعاتك .. ما تقول أنا حسي بفتش لي لشغل!!! (ناس شركتنا ما معانا في المنتدى الحمد لله)

الشكر لكم جميعا للمرور والمشاركة ويا اخواني ارجو منكم جميعا المساهمة في هذا البوست وتحديدا اخوانا الموجودين في السودان - اكيد في وكالات جديدة بتاعة توظيف - في مواقع - في اشياء نحن ما عارفنها

اكيد يا اخ الطاهر الجرايد في السودان بتنشر وظائف يمكن المغتربين ما يلاقوها و ده ما حا يساعد العايزين يرجعوا لا نهم ما بيكونوا عارفين سوق العمل في السودان شكلو كيف لذلك حا نقوم باضافة اي وظيفة تلاقينا في الجرائد و نتمنى ان يستفيد النااس من الفكرة دي و يا ريت لو واحد وجد وظيفة عن طريق البوست ده او حتى لو دخل معاينة بغض النظر عن النتيجة يدينا خبر عشان نحس اننا عملنا حاجة و نواصل باجتهاد اكثر

ما قصرتا اخى الطاهر وياريت يكون مرجع لكل باحث عن وظيفة
ويستفيد الجميع

والله العظيم يا الطاهر تصدق انا لس يادوب واخدة بالى من البوست دة شكلى بقيت مطششة ولا شنو بس اقوليك كلام الفكرة حلوة جدااا .. وبصارحة انا من او ل الناس اللى لو لقيت فرصة شغل فى السودان بمشى طوالى وكتير بصارحة فتشت على شغل بس لسة مافى نصيب
وياما دخلت المواقع السودانية للشركات الكبرى
بشكرك بشدة وعنف يا رئيسنا دائما افكارك جديدة

عزيزي الطاهر
سلام وتحية
الفكرة ممتازة وبتدينا أمل انو نفكر نشد الرحال فى العودة الطوعية (ذى اللاجئين يعني !!)
بس وين نحن من اللاأت الثلاثة
- over qualified
- over paid
- عندك توصية؟؟؟؟
الله المستعان

الطاهر اخونا .. ارجو تثبيت البوست دة ضرورى .. لأنه مهم ومفيد جدا

صلاح ياسين ومي تحياتي وتقديري
ناس الخرطوم معقول اصلو ما قابلتكم جريدة فيها اعلان بتاع وظيفة ولا موقع بتاع وظائف

وظيفة شاغرة
5/9/2009
ترغب مؤسسة في تعيين موظف للارشفة وفقا للشرووط و المؤهلات التالية :-
1-ان يكون حاصلا على شهادة جامعية في مجال الارشفة
2-خبرة لا تقل عن خمس سنوات في هذا المجال
3-ان يجيد اللغة الانجليزية و التعامل مع برامج الكومبيوتر
ترسل الطلبات في صندوق البريد ص.ب 218
الخرطوم في فترة اقصاها شهر من تاريخ الاعلان

مؤسسة ريد تاي العالمية المقدمة لخدمة الحياة مولي ترغب في تعيين عدد 3 مندوبات مبيعات تسويق عبر الهاتف للعمل المكتبي بدوام نهاري حسب الشروط التالية:
1- حسن المظهر.
2- اللباقة في الحديث.
3- شهادة جامعية.
4- يفضل القاطنين في بحري وأمدرمان
الاتصال لتحديد مواعيد المقابلة على الرقم 0121080608
تاريخ الإعلان: يوم الأحد الموافق 6/9/2009م