إعلان

Collapse
No announcement yet.

هل تقبل بالزواج منه؟؟

Collapse
X
 
  • Filter
  • الوقت
  • Show
Clear All
new posts

  • هل تقبل بالزواج منه؟؟

    السلام عليكم
    الغريبة قبيل كان في كلام عجبني شديد وجذبني في الإذاعة الرياضية إف إم (104) على السريع كده سمعت منو زي 20 دقيقة كان الموضوع عن رأيك في الإرتباط أو الزواج بين المجتمع ومجهولي الأبوين إن صح القول.
    كان حوار جميل وهادف وبتخيل كان فيهو رسالة قيمة جداً أن كل من كان مجهول الأبوين ليس له ذنب في ما هو عليه، ليه يبقى نحملو أخطاء الغير (بغض النظر من كانو).. الحوار دار بين المذيعين والمستمعين والأغلبية كان رأيهم (وقد أتفق معهم في بعض ما قالوه)، أنو ممكن يتعاملو مع مجهولي الأبوين إلى أبعد حد لكن نقطة صعبة بنقيف عليها وهي المجتمع السوداني وما يفرضه علينا من أحكام قد تكون قاتلة .. مدمرة في بعض الأحيان
    كان رأي أحدهم في البداية أنو مافي مشكلة أنو يحصل زواج بين المجتمعين إن فصلناهم عن بعض وقلنا نحنا مجتمع ومجهولي الأبوين مجتمع.. لكن لم سألوهو هل بتقبل تعرس لبتك من واحد اتربى في دار، أو هو نفسه مجهول الأبوين؟؟ قال طبعاً ما بقدر المجتمع بحاصرني في نقاط كبيرة.. (تناقض عجيب)
    لم نفكر في حتة الزواج بنقول من ترضون دينه يعني زول أخلاقو إسلامية ومحترم، ذو مبدأ ورأي... الخ، يبقى المانع شنو من الارتباط؟ حنرجع لقصة العادات والتقاليد السودانية؟ حيقولو؟ الراجل ده جنى ولا شنو عرس لبتو راجل ما عارف امو منو؟ ولا أبوهو ولا قبيلتو؟ معقولة يجدعها كده؟
    أنا شخصياً منية الله ما حصل فكرت في القصة دي وقابليتها بالنسبة لي إذا لأختي مثلاً، لكن مبدئياً بشوف مافيها شي إذا سألو منو في مكان قومتو أصلا ولقو أنو زول سوي ومناسب ليها.. يمكن برضو بفكر عاطفياً ما عارفة
    الغريبة كمان كما يقال في منهم بكون عندهم شهادات مؤهلة وبقدمو لشغل بعد ياخدوهم، صاحب العمل لم يعرف الحقيقة دي بتم رفدهم؟؟؟ ليه؟ عشان طلع اتربى في دار أو هو مجهول الأبوين؟؟ ياخي انت داير شنو؟ عمل سليم ومتقن من قبل ذو كفاءة؟؟ ولا داير تناسبو؟؟ شي عجيب
    لكن يبقى الموضوع: هل بتقبل تعرس من إمرأة مجهولة الأبوين؟ أو تدي بتك أو أختك لواحد قام واتربى في دار مجهولي الأبوين؟ وكان ليهو صفات جميلة تتمناها كل فتاة..
    بالله اتفاعلوا معاي عشان ما أحرد ليكم؟؟



  • #2
    والله يا منية موضوعك حلو جداا وبصراحة طبعا مافكرت فهيو من قبل بس مبدئيا يعنى لو هاتكلم على المجتمع السودانى تحديدا اعتقد يعنى انهم لن يقبلو بسهولة لأنو احنا عارفين موضوع القبلية والعنصرية وموضوع الزواج من قبائل اخرى بعضها بيكون مرفوض مابالك بقى الزواج من مجهولى النسب ... اكيد هايكون مرفضو بالثلث الا عند بعض العائلات المتفتحة ذهنيا ومتحضرين فكريا

    ولى عودة

    لقيتنى كيف عاشن ماتحردى

    Comment


    • #3

      ياخي أحرد؟ تسلمي يا حبيبة
      وحقيقة هو ده مربط الفرس أن تلك العادات السودانية (نفخر بيها) بس مرات بتعقدها شوية، لكن صعبة للغاية وقد يكون ما قصة تقبل بيها أسر منفتحة ذهنياً بس لكن القصة معقدة جداً.. لأنك بعدين لم يكون عندك أولاد حيسألو عن أعمامهم وأهلهم من طرف الأب يعني.. حتواجه صعوبات كبيرة
      مستنية عودتك


      Comment


      • #4
        الصراحه يامنيه ما فى زول حيقبل يزوج بنته او ابنه لشخص مجهول النسب لان الزواج اساس ما علاقه فقط بين شخصين ولكن الاسر ايضا لها دور كبير
        عارفه افضل شى براى شنو التبنى
        الطفل بيقوم وسط اسره محاط بحبهم ورعايتهم خالى من العقد
        والاسره (تمسك خشمها )ومافى داعى للاعلان تقول ان الطفل ابن صديق توفى وامه فى حادث مثلا
        عشان الشمشارات الشمشارين
        فى السعوديه الملاجأ بيزوجوا الاولاد للبنات بعد ما يوفروا لهم فرصه عمل وسكن خاص

        Comment


        • #5
          والله يا ونجي ده الرأي الصريح اللي نحنا بنتمنى كل زول يقولو.. إن كان لديه أي رأي وحقيقة يا ونجي في نماذج حية بالزواج من مجتمع مجهولي الأبوين هنا ولغاية حسي زواجهم ناجح..
          وحقيقة قصة التبني دي حاجة جميلة إن كانت في حدود الممكن من ناحية الشريعة، يعني قصة أنو ما يورث وما ينسب.. وغيرو
          ليك التحية يا حبيبة


          Comment


          • #6
            افضل حاجة يا منية انو يتزوجو فيما بينهم

            ولمن يكونو أسرة ويجيبو أولاد

            خلاص تاني ما بيكون في مشكلة

            وافضل يمشو لي مدينة جديدة مافي زول بيعرف عنهم حاجة

            لكن في السودان مافي زول سوداني بيوافق إطلاًقاً

            Comment


            • #7
              رأي برضو وحقيقة أنا متوقعة الجميع يقول كده..


              Comment


              • #8
                لأنو الناس البتدخل هنا كلهم سودانيين.. ما قلت إلا الحق يا عبد الرحمن
                بس مرات العاطفة بتخلينا نقول ليه؟؟


                Comment


                • #9
                  الموضوع دا يا منية الله محك حقيقي انا برجع ان شاء الله ارد فيه

                  مواضيعك كالعاده مشاء الله بتتناول قضايا حساسه جدا


                  تحياتي وتقديري

                  Comment


                  • #10
                    المشاركة الأصلية كتبت بواسطة ونجى مشاهدة المشاركة
                    الصراحه يامنيه ما فى زول حيقبل يزوج بنته او ابنه لشخص مجهول النسب لان الزواج اساس ما علاقه فقط بين شخصين ولكن الاسر ايضا لها دور كبير
                    عارفه افضل شى براى شنو التبنى
                    الطفل بيقوم وسط اسره محاط بحبهم ورعايتهم خالى من العقد
                    والاسره (تمسك خشمها )ومافى داعى للاعلان تقول ان الطفل ابن صديق توفى وامه فى حادث مثلا
                    عشان الشمشارات الشمشارين
                    فى السعوديه الملاجأ بيزوجوا الاولاد للبنات بعد ما يوفروا لهم فرصه عمل وسكن خاص
                    الموضوع مهم جدا الناس تناقشوا بل ارى انه من المواضيع المفروض الناس تشتغل فيها
                    ليه ما يرضوا به
                    اختي منية الله مشكورة سالت سؤال مباشر :ان كنت اوافق ان يتزوج ابني او بنتي من شخص مجهول الابوين ول لا .وانا برد رد مباشر :انا لا ارفض ان كانت رغبة ابني او بنتي
                    اما حتة النقاش
                    المجتمع السوداني بس وقف عند وين ابوه ووين امه
                    ما جاهم الحرامي وادوه بنتهم لمجرد انه سايق لاندكروزر ول جمس ولافي عمة كبيرة ليه ما سألوه من اين لك هذا مع انهم عارفين من وين لا هو وارث ولا جاتو ليلة القدر

                    ما جاهم العامل عملة في الشرف وهم عارفين وعملوا نفسهم ما عارفين لمجرد انه عنده وعنده

                    ما جاهم تاجر العملة وزوجوه بتهم وهم عارفين

                    انا متاكدة لو جاهم مجهول الابوين وهو سايق همر حيدوه ويقولوا مسكين ما ليه ذنب
                    يا ناس نحن وبعد ظروف الحياة التي ضغطت علينا وما عاوزة ادخل في السياسة اتغيرنا بقى ما عندنا في مسألة الزواج دي مبادئ الا من رحم ربي وهم قلة , صار الاهتمام كله بالمظاهر ( البيت , السيارة , السفروين لشهر العسل وبقينا ما بنعرف غير حساب البنك كم عشان اديك بتي وصارت عبارة عريس لقطة هي السائدة . زمان لقطة لانه محترم ,ابن ناس , ابوه كادح ,متدين ,على خلق ,متعلم ............الخ ,
                    الان ايه هي مقومات العريس اللقطة ما في غير الحساب في البنك زي ما قلت ,السيارة , العمارة ......... الخ وبالمناسبة العريس الاخير دا لو كان مقطوع من شجرة احسن عشان بعدين حكاية الورثة والذي منه .
                    يا ناس خلونا صادقين مع انفسنا وبلاش لسة نصدق عنجهيتنا وبرضو نحن ما في زينا في الدنيا ( مع الاعتزار )
                    اخالفك الراي معليش يا ونجي : نعم الزواج علاقة بين الاسر ان وجدت لكن اساس الزواج تفاهم بين اثنين واتفاق على الاخلاص والوفاء .
                    ياما ناس عندها اسر ارتبطت ثم تفرقت .
                    و ياما ناس اسرهم تقابلت يوم العقد وبعد كدا مافي
                    و ياما ناس جاها عريس مريش وما قالوا ليه وين اهلك
                    كمان حكاية نخبي عن الطفل قصته دي مستحيلة مفروض يعرف ويتعامل معها وطبعا هنا يجي دور الكافل . كتير حاول الناس يخبوا حقائق ورحلوا عن البلد لكن عرفت وبعدين حتى لو خبينا الحقائق هل حنكذب على العريس او العروس ؟؟؟ حيكون اكبر خطأ ما ممكن الحياة بين اثنين تبدأ بالغش

                    حارجع ليكم تاني لانو الموضوع دا بالجد بوجعني جوا

                    Last edited by سوزي; 04-09-2010, 11:19 PM.
                    [BIMG]http://www.blue-nil.net/vip//uploads/images/blue-f72652c2dd.gif[/BIMG]

                    Comment


                    • #11
                      اخالفك الراي معليش يا ونجي
                      الاختلاف لا يفسد للود قضيه عزيزتى سوزى
                      : نعم الزواج علاقة بين الاسر ان وجدت لكن اساس الزواج تفاهم بين اثنين واتفاق على الاخلاص والوفاء . ما ياما ناس عندها اسر ارتبطت ثم تفرقت . ما ياما ناس اسرهم تقابلت يوم العقد وبعد كدا مافي ما ياما ناس جاها عريس مريش وما قالوا ليه وين اهلك
                      ما السودانين بس يا سوزى الما بيقبلوا اولادهم يتزوجوا من مجهولى النسب العالم كله هم للاسف الشديد شريحه مظلومه بتدفع تمن غلط ما ليهم ذنب فيه
                      ولسه تفكير المجتمعات مهما كانت متحضره بتبذ مجهولى النسب
                      ام الاسره ال بترضى تناسب عريس مريش من غير ما ما يقولوا وين اهلك ..ديل اتخلصوا من بتهم وخلاص دى اسمها بيعه ما جوازه
                      كمان حكاية نخبي عن الطفل قصته دي مستحيلة مفروض يعرف ويتعامل معها وطبعا هنا يجي دور الكافل

                      كده تكونى حطمتيه الغرض من الكذبه شنو المحافظه على نفسيات الطفل ما فى شى ابدا لو عرف انه ابويه ميتين افضل يفهم انه يتيم ولا يكون لقيط
                      . كتير حاول الناس يخبوا حقائق ورحلوا عن البلد لكن عرفت وبعدين حتى لو خبينا الحقائق هل حنكذب على العريس او العروس ؟؟؟ حيكون اكبر خطأ ما ممكن الحياة بين اثنين تبدأ بالغش
                      اعتقد حتى من غير ما يرحلوا تحفظى السر انت وزوجك وكلامك يكون واحد انه يتيم الابوين ما استحاله لو فعلا النيه خالصه لله ومن غير تحطيم نفسيه الطفل

                      ههههههه غش شنو يا سوزى الجات على دى ما خلاص هو حيكون اتربى وسط اسرى عارف انه يتيم لازم لقيط دى
                      ....ليه تقلبى عليه مواجعه

                      قلبك كبير يديك العافيه

                      Last edited by ونجى; 04-09-2010, 12:02 PM.

                      Comment


                      • #12
                        نحن دورنا شنو
                        الناس المؤمنة بقضية هذه الشريحة دورهم وين
                        لما نحن يكون دا راينا كيف حتتحل القضية
                        وكيف يعيشوا في المجتمع اعضاء فاعلين اذا كنا نمارس عليهم العزلة
                        كيف اقول انه يتيم الابوين لكن ما عنده خال ما عندو عم لمن يسالك عنهم ماذا تقولي
                        القضية اكبر من مجرد اقتراحات
                        [BIMG]http://www.blue-nil.net/vip//uploads/images/blue-f72652c2dd.gif[/BIMG]

                        Comment


                        • #13
                          [ المجتمع السوداني بس وقف عند وين ابوه ووين امه
                          ما جاهم الحرامي وادوه بنتهم لمجرد انه سايق لاندكروزر ول جمس ولافي عمة كبيرة ليه ما سألوه من اين لك هذا مع انهم عارفين من وين لا هو وارث ولا جاتو ليلة القدر

                          ما جاهم العامل عملة في الشرف وهم عارفين وعملوا نفسهم ما عارفين لمجرد انه عنده وعنده

                          ما جاهم تاجر العملة وزوجوه بتهم وهم عارفين

                          انا متاكدة لو جاهم مجهول الابوين وهو سايق همر حيدوه ويقولوا مسكين ما ليه ذنب

                          اوافق 100%

                          وايضا ياسوزي وبكل اسف زي مابيجي بالشبح والعمارة وماادارك ؟؟ وفي الاخر تعاني الفتاة من من زوج يطلع حرامي مثلا في حين رفض طلب يتيم على دين وخلق وقادر يفتح بيت !! الاحسن منوا ؟؟؟ وممكن برضوا وحصلت يجي واحد طول وعرض وصوت جهوري وعضلات تقولي بس ياهو الكلس !! وفي الاخر يطلع من اشباه الرجال !! المسألة ليست مناصب واو مال او مظهر كذاب لبعض اشباه الرجال ذوي العضلات البدون قلب ولا رجولة .. لكن مربط الفرس والاساس هو الدين والكفاءة .
                          Last edited by مجدي امدرمان; 04-11-2010, 09:27 AM.
                          [align=center]العين التي لا تبكي لا تبصر في الواقع شيئاً[/align]

                          Comment


                          • #14
                            معليش ومن خلال تجربة اراها امامي ماثله...

                            سيقوم كافلي الطفل بعد ان يعي ما حوله ويدرك...باخباره من اين احضروه ولكن اكيد بطريقة جميلة ويمكن له تقبلها....انا لا اتحمل كيفية اخباره ولحبي له لا اعتقد اني ساتمكن من مقابلته الا بعد ان يستوعب الفكرة واعرف شعوره...مؤلمه مؤلمة والله...خاصة بعد ان اندرج في اطار الاسرة الكافلة واعتقد ان فلانا" خاله وان علانة عمته...كيف يصبح يوما" وهم اغراب؟؟؟؟!!! استغفر الله...ولكن الحقيقة دوما هي سبيل النجاة....وربنا يسهل

                            ولست منحازة او متعصبة ولكن ياسوزي نحن نعيش في مجتمع ...ولو رضينا بهذا المضمون علينا بالرضي بما يسنه المجتمع ان لم يخالف الشرع....واعتقد فيما يخص الزواج للكل حرية اختيار ما يشاء من غير اثم

                            Comment


                            • #15
                              بسم الله الرحمن الرحيم لك التحية والتقدير منية وأنت تطرقين أبواب المسكوت عنه /و كل ماذكر من تداخلات الإخوة هو أراء و فهم لشرائح المجتمع حول هذا الموضوع وقد يأخذ رأيي من كل منهم جزء لكن ما اؤكده لك أن هنالك زيجات قد تمت بالفعل وكان أحد الزوجين من هذه الفئة سواء العريس أو العروس وهي ناجحة حتى الآن وإستطاع المجتمع أن يتعايش مع هذا الوضع لأن في نهاية الأمر ينحصر الموضوع في قناعة الطرفين فقط،ويبقى دور الأسرة ثانوياً حيث أن قوة إرادة هذين الطرفين في مواجهة المجتمع والأسرة هي التي تفرض عليه تقبل الأمر. (ملحوظة:لكن في كل الحالات التي أعرفها تربى الطفل مع أسرة تبنته ،وعرف عن الأسر حسن الخلق من تربوا في كنفهم مشهود لهم بذلك)أما في حالة التربية في الملاجئ فهذه تحتاج لمعرفة البيئة التي تربى وسطها الطفل، (وفي رأيي البسيط عند تربية هؤلاء في الملاجئ ،يجب فصل الجنسين عند التربية ،وكذلك يجب إخضاع المربيات للتوعية والتدريب على الرعاية، حتى نجد أفراد سويين يمكنهم أن يكونوا أسراً معافية من الأمراض النفسية المجتمعية، وسليمة وفعالة داخل المجتمع) .ودمتم بخير

                              Comment

                              Working...
                              X