إعلان

Collapse
No announcement yet.

الرجاء عدم اصطحاب الاطفال والموبايلااات

Collapse
X
 
  • Filter
  • الوقت
  • Show
Clear All
new posts

  • الرجاء عدم اصطحاب الاطفال والموبايلااات

    قاربت بنا العربة لمكان الحفل الخاص بعادة الجرتق السودانية...وولجنا لباحة الصالة بالخرطوم وعند البوابة استقبلنا ابن خالة العروس..للتأكد من كروت او بطاقة الدعوة وانها علي عددنا..تمااام اربعة كروت ..معليش في واحدة معاها موبايل؟؟؟ جات امو من بعيد وقالت ليو خالاتك الاتنين الكبار ما بعرفن يصورن ولا بيمسكن الموبايل الا لي قولة الو..اهااا الصغار وطبعا" ديل نحن وكدا..مااا جبناو من البيت...

    دخلنا الصالة نسمع في همهمات واحتجاجات علا صوتها اخيرا من امرأة هائجة ومائجة وتقول كيف اترك هذه بالبيت..(ووب علي ام العروس تقول لي اتفضلي بيها؟؟)....المرة طلعت وساقت بتها ذات ال3 سنوات ومرقت..للحق صالة الحفل خالية من الاطفال حتي اهل العروس ولاا طفل رغم عيالهم الكتييرة..لا احد مهم يحمل موبايل..يعني التزموا بما كتبوا...واحدة معانا بالطاولة قالت ...ديل نحن ما بنتغير يقولو لينا شي ما بنلتزم بيو...الناس قالو لا اطفال لا موبايلات...ونبهت الغناية بالمايك بلاش زول يحمل موبايل ..رجاء اخرجو الموبايلات.....

    الحمدلله الحفل تم علي خير وكان الرجل الوحيد بالحفل هو العريس....

    ما اريد مناقشتو معاكم..وخااصة ستات النخبة ..اهااا لو قالو ليك ممنوع اصطحاب الاطفال والموبايلات..رايك شنووو؟؟؟

  • #2
    الموبايل معليش اخليو ما فارق كتير واصلا فى الحفله لا حاسمعو لا حاقدر ارد لكن حفلة شنو لى وانا طفلى ما معاى
    برجع طواااااااااااااااااااااااااااااااااااااااااااالى

    Comment


    • #3
      هلا بيك سمية ...طيب اصلا مكتوب في الكرت اللي عزموك فيو ومفترض تخشي بيو...ممنوع اصطحاب الاتنين....يبقي ليه جيتي بيهم من البييت؟؟؟؟

      وهل بنتقبل طريقة العزايم دي؟؟؟؟

      Comment


      • #4
        اهلا سمية عباس منورة

        اكيد دي عادات دخيلة علينا
        بس لو جاني الكرت ممنوع اصطحاب الاطفال لازم التزم ولو ما عند حد اسيب معاه العيال ما بمشي

        دمت طيبة فاطمة
        [BIMG]http://www.blue-nil.net/vip//uploads/images/blue-f72652c2dd.gif[/BIMG]

        Comment


        • #5
          [align=justify] اختي فاطمة .. هل الحفلة جرتق فقط ام كا هناك تلك العادة المؤلمة رقص العروس ؟؟؟ ممنوع دخول الرجال !! ماذا عن العريس !! انا رجل كيف اسمح لزوجتي تكون في صالة يفترض مافيها رجال الا العريس !! منع الموبايل ابو كاميرا !! ماذا عن عيون الناس والحساد ؟؟ هل هناك ابلغ من الوصف الدقيق لمحاسن المرأة ؟؟ الا يحدث هذا ؟ صباحا بدري تسمع (كان شفتي السماحة وووالخ) لماذا مصرين على هذه العادات ؟؟ الا تفتتن المرأة بالمرأة ؟ هل المرأة بمامن من المراة ؟؟ لاأعني هذه الحفلة ولكن تكررت هذه الشروط في الحفلات وخاصة لما يكون في رقيص العروس وبالملابس القصير الغير محتشمه عشان كده ممنوع التصوير !! وماذا عن المصوراتية امهات عيون ولسان طويل ؟؟ بكره يشيلن حال العروس وآخر وصف ونجيه وكشف حال والعريس مبسوط جابوا فيه قووون !!! اتقوا الله في ازواجكم ونساؤكم !! هذا مجرد رأيي خاص بي ولااعني به احد بل مجرد وجهة نظر !! العروس حلال الزوج فقط ومايظهر نتيجة للبس القصير ولايجوز ان يظهر حتى للنساء .. ياعرسان واخوان العروس شوية نخوة بالله عليكم .... يااخي أقبل عزومة الغداء ونحضر العقد وكل زول يسوق اولاده الى بيته راضيا مرضيا . (قمت بتعديل المشاركة اكثر من مرة )[/align]
          Last edited by مجدي امدرمان; 12-13-2010, 06:07 PM.
          [align=center]العين التي لا تبكي لا تبصر في الواقع شيئاً[/align]

          Comment


          • #6
            اهلا سوزي ومرحب بي مرورك...مش كدا بالله التزم باللي قالو ولا اصلا" ما اجي..بس حركة الطرد برضو ماجميلة

            Comment


            • #7
              والله يامجدي راجل غير العريس جوا الصالة ماافي...وكلامك الفوق كولو صاح والله يمرق البنية من العين جد.....والعجب كمان بنات الاكاديمية الطبية بتاعة دكتور ماموون... شي عجييب الله يهديهن في اللبس بجيبن لي روحن عيين
              Last edited by فاطمة; 12-12-2010, 08:43 AM.

              Comment


              • #8
                انا بتفق تماما مع الاخ مجدي في انه اصلا مافي داعي للعادات دي لانه ضررها اكبر من نفعها اما لب الموضوع وهو طريقة الدعوة والاشتراط ...انا بقول الموبايل احسن يشترط انه لا يحمل الي الصاله لانه ممكن يعرض البعض للمشاكل من قبل ضعيفات النفوس اذا اقدمت واحده من الحاضرات على تصوير مقطع شاذ وشفنا قبل كدا تسرب جرتق واحد من كبار المذيعين مع زوجته وهي ايضا من كبار المذيعات وكان مشهد مأساوي جد اما الاطفال فمن المفترض يكون هناك تنبيه فقط الي انه يجب السيطره على الاطفال داخل الصاله دون منعهم من الحضور ...واصلا كيف نقدر نعيش الفرح من دون الاطفال وهم اجمل مافي الحياة

                Comment


                • #9
                  تمام يا فاضلابي ...والله حتي بالبيوت بقو يصورو....وزي ما بيقولن اماااتنا الرقصت نقصت...بمعني حيعيبوووكي حيهيبووكي فبلاش منو

                  Comment


                  • #10
                    طيب يا فطومة مع أني لاقيتك أمبارح بس برضو مشتاقين يعلم الله وفقدناك أمبارح..
                    أول حاجة لو جاني كرت ممنوع اصطحاب الأطفال بحترم رغبتهم وبمشي براي لو ما عندي طريقة أخلي طفلي طوالي بقعد في البيت من غير زعل..
                    تاني شي من ناحية رقيص العروس بتفق مليون في المية مع أخونا مجدي وبالجد تسلم على رأيك الحكيم - طبعاً في الأخير كل زول ورغبته لكن في رأي الخاص جداً وما بعرف أخواتي لم يعرسو حيعملو شنو.. لكن ما بأيد نهائي فكرة رقيص العروس لأنو لو التصوير رحمك والله عيون الناس ما بترحمك ومافي داعي زاتو للقصة دي كفاية يوم العرس وناس عندهم الحنة والجرتق وخلاص - رأي خاص جداً
                    وزي ما كان بقول أخوي الكبير ربنا يديهو الصحة والعافية بقول لينا ( هو حرام الرجال يكونو حاضرين وأي شي لكن من عيون النسوان أحسن يحضرو الرجال) يعني ما قصدو يحلل قصة الرجال يحضرو اليوم ده لكن فهمو نظرة الراجل أرحم من عين المره اللي حتعاين بيها..


                    Comment


                    • #11
                      هلا منويه تسلمي ومشتاقين اكتر والله..وفقدتكم كتير...

                      كلامك صااح وكلام اخوك...
                      الله يستر البنية من عيون الناس امس والله

                      Comment


                      • #12
                        السلام عليكم ورحمة الله وبركاته
                        خالتو فاطمة تصدقي في حياتي لم اذهب لجرتق او رقيص عروس لكن بسمع عنو كتير امكن زمان كان اللبس فيه محترم ومحتشم أكتر من الان
                        واتفق تماما مع الاخ مجدي جزاه الله خير وكنت عاوزة اقول نفس كلامه بارك الله فيه
                        أما بالنسبة للاطفال كما قالت الاخوات سمية ومنية وجزاكم الله خير
                        ولو عزموك مرة رقيص عروس أووووووووووووع تسوقي اختي الصغييرة ريومة عشان ماتشوف اللبس دا اتفقنا ياخالتى الحبيبة
                        فَلا تَغُرَّنَّكَ الدُّنْيــا وَزِينَتُها******وانْظُرْ إلى فِعْلِهــا في الأَهْلِ والوَطَنِ
                        وانْظُرْ إِلى مَنْ حَوَى الدُّنْيا بِأَجْمَعِها******هَلْ رَاحَ مِنْها بِغَيْرِ الحَنْطِ والكَفَنِ
                        خُذِ القَنـَاعَةَ مِنْ دُنْيَاك وارْضَ بِها********لَوْ لم يَكُنْ لَكَ إِلا رَاحَةُ البَدَنِ
                        يَـا زَارِعَ الخَيْرِ تحصُدْ بَعْدَهُ ثَمَراً******يَا زَارِعَ الشَّرِّ مَوْقُوفٌ عَلَى الوَهَنِ

                        Comment


                        • #13
                          الفاضلابي ومنية والراسيات والجميع .. أشكركم جدا وهذا عهدي وثقتي بكم .. نسأل الله لكم الثبات في الدنيا والاخرة ، هذا زمن القابض في على دينه كالقابض على الجمر .. ياراجل عيب عليك عروسك تظهر بالمنظر ده وبكره الناس يكونوا شافوها بالكلام والوصف .. عيب ياعريس تقيف وترقص مع عروسك بهذا الشكل الغير مقبول !! متى ستغير عليها ؟؟ مش عيب تمنع العروس تجيب فيك قوون !!!!!!! يااخوان ويااخوات اعتذر ولكن لازم نمس شيء في الناس حتى تحس وتعيد النظر في كثير من الممارسات !! لازم نكتب ويصل صوتنا .. كفاية علينا البرنامج البيهرينا كل خميس والمخصص للاعراس !! ليه انا اتصل ويجو ناس الفضائية يصوروا زواجي وعروسي في ابهى حلة وانا فرحان ومبسوووط بعروسي الحلوة قدام الرجال تتراقص وسط الدايرة ونايرة !!!!!!!!!! ليه اسمح لعروسي العالم كله يشوفها ويشوف اخواتي وهن بيرقصن !!!!!!! انا تزوجت وماعملت الهباب ده ولو حاتزوج تاني وتالت والعايز يمتع عينوا الصينية ترحمنوا وتملأ عينوا ان شاء الله وبعد الغداء مداحين بس !!! وياريت لو كل الناس تعمل كده ومافي داعي الناس تشوف عرضك يتمايل لأنه المشاهد دي بترسخ في الذاكرة تمام .. تمام ياهمام .
                          Last edited by مجدي امدرمان; 12-12-2010, 06:41 PM.
                          [align=center]العين التي لا تبكي لا تبصر في الواقع شيئاً[/align]

                          Comment

                          Working...
                          X