إعلان

Collapse
No announcement yet.

خربشات من تصاميمي الخاصة المتواضعة

Collapse
X
 
  • Filter
  • الوقت
  • Show
Clear All
new posts

  • خربشات من تصاميمي الخاصة المتواضعة

    ان شاء الله في هذا البوست حنزل بعض التصاميم الخاصية بي والتي تعد خربشات هاوي حيث اني احب الرسم بالكومبيوتر بل هواية من اكثر الهوايات التي امارسها ( حقيقه هي تصاميم متواضعة لا تليق بمقامكم ابدا ولكن احتاج الاراء والنقد فهي دافع للتقدم

    التصميم الاول حنبدأ بية وهو بعوان ( من الادارة نرحب بكم وهو اهداء للجميع ) ان شاء الله تعجبكم التصاميم


    [مشاهدة الصور
    Last edited by الفاضلابي; 03-25-2009, 06:18 PM.

  • #2
    دا نفس التصميم مباشر بدون رابط للصورة


    Comment


    • #3
      لك التحية الأخ فاضلابي
      ماشاء الله عليك
      تصميم رائع جداً

      لو واصلت كدا حنسمع بيك ضمن قائمة
      المصممين الكبار ان شاء الله

      بالتوفيق

      Comment


      • #4
        اشكرك شديد والله يا اختي ايمان ورايك دا والله بعتبرو شهادة بعتز بيها شديد
        Last edited by الفاضلابي; 03-25-2009, 07:36 PM.

        Comment


        • #5
          تمام ياالفاضلابي واصل ونحنا متابعين
          بس فرغ ما بين اليد والكتف للطفل

          Comment


          • #6
            الاخت صفاء اشكرك علي المرور والله فعلا انا فرغتا لكن ما نفعت لان الصورة اصلا ما مناسبه للتصميم حيكون في صورة غيرها

            لكن كنت عارف مافي زول بيتنبه الا زول بتاع تصميم وانت الظاهر خطيره لذا اتمنى انك تنزلي لينا تصاميمك نستفيد منها ونبادل المنفعه

            Comment


            • #7
              جميل والله يا فاضلابي
              صفاء زي ما قلت ما ساهلة بس ما بتحب الظهور
              طالما انت فتحت الباب ده يا فاضلابي وصفاء الله يعينكم علي الطلبات
              لو لاحظتو لشعار منظمتنا قام بتصميمه الاخ محمد بروي والفكرة فيه جميلة جدا
              لكن التنفيذ فيها مازال يحتاج لبعض الجهد
              نحتاج لشخص يضع يده علي راس طفل يتيم باخراج جميل
              صورة او رسمة المهم طريقة التنفيذ
              فياريت لو تحاولو تعملوا في الخط ده حتى لو مع مصممين محترفين تعرفوهم

              وتقبلوا فائق الود والتقدير

              Comment


              • #8
                والله يا الفاضلابي لو في زول بعذبك بكون أنا .. هههههههه
                أهم حاجة في التصميم الفكرة.. والفكرة جميلة طبعاً (تسلم)
                أول شي بأيد فكرة صفوية بتاعت التفريغ..
                ثاني شي لو حاولت تمسح الخلفية حقت الولد اللي هي (الخرطوم - السودان).. لانها بتروحك مع من الإدارة نرحب بكم
                ولو حاولت تقلل من الألوان بكون أفضل.. عشان تظهر الفكرة أكثر..
                وبالنسبة لينا احنا عارفين كلمة غير هادفة للبرح.. لكن لو حاولت تخليها واضحة اكثر تكون افضل..
                وليك مني الف تحية..


                Comment


                • #9
                  المشاركة الأصلية كتبت بواسطة الطاهر عثمان مشاهدة المشاركة
                  جميل والله يا فاضلابي
                  صفاء زي ما قلت ما ساهلة بس ما بتحب الظهور
                  طالما انت فتحت الباب ده يا فاضلابي وصفاء الله يعينكم علي الطلبات
                  لو لاحظتو لشعار منظمتنا قام بتصميمه الاخ محمد بروي والفكرة فيه جميلة جدا
                  لكن التنفيذ فيها مازال يحتاج لبعض الجهد
                  نحتاج لشخص يضع يده علي راس طفل يتيم باخراج جميل
                  صورة او رسمة المهم طريقة التنفيذ
                  فياريت لو تحاولو تعملوا في الخط ده حتى لو مع مصممين محترفين تعرفوهم

                  وتقبلوا فائق الود والتقدير
                  الاخ الكريم الطاهر لك الشكر على مرورك الجميل
                  بالنسبة لشعار المنظمة مافي مشكلة ان شاء الله حيظبط بأذن الله فقط برجو منك ان تنزلو لي في البوست دا لانو الرابط ما اشتغل معاي

                  اما بخصوص الاخت صفاء فالدعوة مقدمة ليها هنا في هذا البوست لوضع تصاميمها وكل المدبعين

                  Comment


                  • #10
                    المشاركة الأصلية كتبت بواسطة الفاضلابي مشاهدة المشاركة
                    دا نفس التصميم مباشر بدون رابط للصورة



                    ماشاء الله تبارك الله
                    بالنسبو لانو بداية شخابيط زي ما قلت التصميم جميل جدا...
                    واكيد مع الزمن حتطلع باحلى منو وتعرف تختار صور انسب..
                    والوان انسب كمان..

                    انا تعليقي ليك غير عن البقية كلهم...

                    في خلفية الشعار نفسه..
                    لو لاحظتا الخلفية عندك بيضا..
                    مفروض تكون شفافة..

                    عشان تخليها شفافة طبعا من اول ما تفتح الفوتوشوب تخاتر من خصائص الملف الجديد اخر شي انو يكون شاف (ترانسبيرانسي)
                    ولما تجي تحفظ الشكل النهاي لازم تختار واحد من صيغتين
                    png , gif

                    ديل بيحافظو ليك على شفافية الخلفية بدل تقلب بيضا..

                    بالتوفيق:o

                    Comment


                    • #11


                      ده الشعار
                      لاحظ تنفيذ اليد

                      Comment


                      • #12
                        الاخت منية الله لك الشكر على المرور والملحوظات الجميلة شكلك فعلا حتتعبيني لكن حسكتك اصبري لي حنزل شغللا ما تقدري تقولي فيه شي

                        اشكرك شديد منية الله

                        Comment


                        • #13
                          الاخت طق طق ملاحظه جميلة تشكري عليها

                          ناس التصميم ظهرو يلا نحن منتظرنك تنزلي لينا تصاميم من تصاميمك الخاصة ويكون لينا شرف التعلم والاقتداء

                          Comment


                          • #14
                            الاخ الكريم الطاهر فعلا الشعار جميل لكن عاوز شوية اتقان وان شاء الله في اقرب وقت حيكون ميه ميه

                            اهم حاجه اخ الطاهر طلع لينا ناس صفاء وطق طق ديل مصممين بارعين لكن ما حيورونا الا نعصر عليهم بالنقة

                            Comment


                            • #15
                              تصميم مدن عينيك

                              مشاهدة الصور

                              Comment

                              Working...
                              X