إعلان

Collapse
No announcement yet.

استفسار عاجل

Collapse
X
 
  • Filter
  • الوقت
  • Show
Clear All
new posts

  • استفسار عاجل

    بسم الله الرحمن الرحيم السلام عليكم ورحمة الله وبركاته


    عايزه اشتري جوال كاميرتوا واضحة واهم شي الكامير اوسعروا مناسب

    بسال برضوا عن الكاميرات الرقمية برضوا نفس المواصفات والسعر يكون ماغالي

    في كاميرات عاجباني ذي كاميرا ايمان واضحة ما شاء الله في التصوير مواصفاتها شنو ؟
    رجاء الرد
    دمتم بخير



  • #2
    المشاركة الأصلية كتبت بواسطة هنوها مشاهدة المشاركة
    بسم الله الرحمن الرحيم السلام عليكم ورحمة الله وبركاته


    عايزه اشتري جوال كاميرتوا واضحة واهم شي الكامير اوسعروا مناسب

    بسال برضوا عن الكاميرات الرقمية برضوا نفس المواصفات والسعر يكون ماغالي

    في كاميرات عاجباني ذي كاميرا ايمان واضحة ما شاء الله في التصوير مواصفاتها شنو ؟
    رجاء الرد
    دمتم بخير
    الحبيبة هنوها.. والله لو بعرف وعندي خبرة أقول ليك طوالي لكن حسي الجماعة بجوك زي الفاضلابي وباقي الشباب.. عذراً


    Comment


    • #3
      انا بحب الكاميرات الكانون والسوني

      الكانون أفضل كتير بس السعر أغلى كتير برضو

      ح اجيب ليك المواصفات

      Comment


      • #4
        المشاركة الأصلية كتبت بواسطة عبد الرحمن فاروق مشاهدة المشاركة
        انا بحب الكاميرات الكانون والسوني

        الكانون أفضل كتير بس السعر أغلى كتير برضو

        ح اجيب ليك المواصفات
        نيس شخصياً جاكِ شفت كيف؟


        Comment


        • #5
          كاميرا "إي أو اس 50 دي" من "كانون"






          كاميرا كانون الجديدة

          واشنطن: قالت شركة كانون CANON إنها سارت بسلسلة كاميرات اي او اس EOS الشهيرة نحو افاق احترافية وابداعية غير مسبوقة باطلاق الكاميرا الرقمية الفائقة ذات العدسة الاحادية العاكسة اي او اس 50 دي، والتي تتميز بسرعتها الخاطفة ودقتها المتناهية، فضلاً عن سعرها الذي يعد الاقل في الاسواق العالمية ضمن هذه الفئة من الكاميرات الرقمية. وزودت "كانون" هذه الكاميرا الاستثنائية بجهاز استشعار يعمل بتقنية CMOS بدقة 15,1 ميغابكسل، فيما تبلغ سرعتها 6,3 اطار في الثانية، كما انها مزودة بأحدث معالجات الصور.

          وتنفرد هذه الكاميرا الرقمية من "كانون" انها تضمن للمصورين البارعين والمحترفين دقة استثنائية، فائقة التفاصيل، ومتدنية التشويش، الامر الذي يجعلها مثالية للصور المراد تكبيرها او الصور الاحترافية الابداعية. كما ان العمليات التصنيعية المقرونة بالدايودات الضوئية (الفوتوديود) والعدسات المصغرة المعاد تصميمها تعزز قدرات تركيز الانارة لجهاز الاستشعار.

          وزوَدت "كانون" الكاميرا الرقمية اي او اس 50 دي بمعالج الصور DiGiC4 الذي يوفر سرعة خاطفة تصل الى 6,3 اطار في الثانية من التصوير المتواصل، وتدفق يصل الى 90 صورة بنسق "جيه بي اي جي" مع بطاقة "يو ام دي ايه". وعند اقتران هذا المعالج الفائق للصور مع نظام التركيز التلقائي ذي المنطقة العريضة الذي يسهل رصد الاجسام بدقة متناهية بفضل تسعة مجسات فردية عرضية، فان هذه الكاميرا الرقمية من "كانون" قادرة على التقاط صور متتابعة ومتلاحقة بدقة عالية حتى في الانارة المتدنية، الامر الذي يجعلها الخيار الاول لعشاق تصوير البطولات والفعاليات الرياضية او رصد الحياة الطبيعية.


          أنا بحب الماركة دي كانون أي كاميرا منها سمحة

          ودي متقدمة شديد وسعرها ما غالي شديد

          أشوف ليك ارخص شوية برضو

          Comment


          • #6
            اسه يا هنوها تقومي تسحري لينا كاميرتنا
            كاميرة ايمان سوني 7.1 ميجابيكسل
            لكن الفكرة في التظبيطة بتاعة الاعدادات
            والواحد هنا ممكن ينداح شوية ويفكها في الناس ....

            كاميرات الموبايل والله في سودانيز اونلاين "انور التكينة" كان مصور ايام الخريف بموبايل والصور كل الناس علقت عليها
            خليني احاول ارجع افتش البوست او كمان فتشي باسم "انور التكينة" في الربع القبل ده او القبلو ما عارف
            لكن المهم الصور صور خريف في الخرطوم والناس سالوه عن الموبايل وكتب رقمو
            لو لقيتي ده خلاص مافي داعي تشتري كاميرا تاني

            Comment


            • #7
              في النوع sony cyber -shot w350

              14.1mega pixels

              جميلة انيقة امكانياتها معقولة

              الاهم سعرها رخيص

              حوالي 200 دولار فقط

              الزوم بتاعها كويس يعني معقول لي زول هاوي وليس محترف 4x

              في نوع تاني بس w370

              الزوم بتاعو 7X

              ودي بي حوالي 230 دولار برضو رخيصة وامكانياتها افضل من الاول حبة في الزوم
              Last edited by عبد الرحمن فاروق; 06-09-2010, 05:18 PM.

              Comment


              • #8
                يا سلاااام ياخ لقيته
                نوكيا 6220
                5 ميجابيكسل

                دي اشتري طوالي وعلي مسئوليتي

                Comment


                • #9
                  المشاركة الأصلية كتبت بواسطة الطاهر عثمان مشاهدة المشاركة
                  يا سلاااام ياخ لقيته
                  نوكيا 6220
                  5 ميجابيكسل

                  دي اشتري طوالي وعلي مسئوليتي
                  بدل ما تشتريهو لي اختك وترسلو ليها

                  تقول ليها اشتريهو على مسئوليتي

                  خوتك خوة اللعوت

                  مغتربين آخر زمن

                  Comment


                  • #10
                    منوها ست ابوها مابتقصري يا غالية يكفي انك رفعتي الموضوع

                    عبدالرحمن تشكر يا اعز الاخوان والكانون سمحة بس لقيتها غالية والدنيا علينا ايجار شقة وكده ههههههههه لكن بالجد الماركة سمحة وناوين عليها
                    عيال المغتربين الله يحفظهم تخصص خراب خربوا علي كاميرا سمحة سماحة

                    ابولينا مااااااقصرت والله بشوف الجواليين خبرهم شنو في السوق وكتر خيرك ياريس


                    Comment


                    • #11
                      [align=center]هنوها كيفك
                      شوفي موبايل سماسم برضوا
                      الكاميرا بتاعته ما شاء الله واضحة شديد



                      سماسم قلنا ما شاء الله بعدين ما تقولي سحرنا الموبايل




                      [/align]

                      Comment


                      • #12
                        انشاء الله يا ايمان بس سماسم مشغولة جدا الايام دي

                        وعينك ملانة يا ام لينا

                        وكان كاميرتكم وقعت انا ماااااااااامسئولة لكن الطاهر بشيل حسي عشان كده حافظي عليها ماتقوموا ترفدوني كمان بسبب الكاميرا ههههههههه


                        Comment


                        • #13
                          المشاركة الأصلية كتبت بواسطة عبد الرحمن فاروق مشاهدة المشاركة
                          بدل ما تشتريهو لي اختك وترسلو ليها

                          تقول ليها اشتريهو على مسئوليتي

                          خوتك خوة اللعوت

                          مغتربين آخر زمن

                          تستاهل والله انته قايلوا كتير
                          نحنا بس الحاجات البسيطة دي ما بنشتغل بيها كتير
                          نظام عربية يشتروها ويرسلوها حاجات كبيرة كبيرة

                          Comment


                          • #14
                            أنا دايرة عربية..


                            Comment


                            • #15
                              المشاركة الأصلية كتبت بواسطة الطاهر عثمان مشاهدة المشاركة
                              تستاهل والله انته قايلوا كتير
                              نحنا بس الحاجات البسيطة دي ما بنشتغل بيها كتير
                              نظام عربية يشتروها ويرسلوها حاجات كبيرة كبيرة
                              ياخوانا دايرة لي عربية كويسه كده وسعرها معقول
                              وياريت تكون بي ام دبليو
                              او همر او حتي بورش
                              ساعدوني عليكم الله
                              Last edited by AZZA; 06-10-2010, 11:18 AM.

                              Comment

                              Working...
                              X