إعلان

Collapse
No announcement yet.

من ذكريات الطفولة .... عمك تنقو

Collapse
X
 
  • Filter
  • الوقت
  • Show
Clear All
new posts

  • من ذكريات الطفولة .... عمك تنقو

    على مدى 60 عاماً ظلت شخصية عمك تنقو هي الأبقى في أذهان الكبار والصغار من قراء مجلة الصبيان السودانية التى تعد من أوائل مجلات الأطفال المتخصصة بالوطن العربي حيث ارتبط اسم العازة بالعم تنقو في الشعر القصصي الذي يعالج قضايا المجتمع بأسلوب ساخر على شاكلة.. عمك تنقو عقد الراي يمشي أمريكا يلاقي كلاي..في الجولة الأولى كلاي عفاهو..في الجولة الثانية كفتو رماهو

    من منا لا يتذكر مجله الصبيان والاستاذ الفنان شرحبيل ,,كانت مجله الصبيان من اشهر المجلات كان ود نفاش او عمك تنقوا الشخصيه الاساسيه فيها...اظن مجله الصبيان من اجمل المجلات حيث كنت من متابعيها ومشتركيها واظنها لو واصلت حتى الان لكانت المتصدره وهى تحمل قيم سودانيه اصيله



  • #2
    [align=center]
    عمّـك تنقـو بتعرفوه أكيد **** يا أخـواني ويا أحبابي
    زول زول الله ساكي العيشة *** جاري وراها اساسق إدابي
    همّـو الأول يربي أولاده *** يخرج جيل يفخر بيه و بالانساب
    أولاد عمّـك ديل واعيين وناس راقين *** فهم وثقافة ونشاط طلابي
    لمن دخلوا الجامعـة هاك يا مشاكل *** جاتم نازلة من غير اسباب
    رسـوم في رسـوم معاها هِـموم *** عمّـك فكّـر بقـى سبابي
    يجاري العيشـة ال ما بتتجارى *** ولا ينحرف يبقـى إرهابي
    والعـازة تنقنق فوقو صباح وعشية *** ويدعـوا عليها يقرصك دابي
    كره العيشـة وكره النِقـة وكره العازة ** قال ماشي ابيت الليلة مع اصحابي

    ****
    مشـى لاصـحابة ناس ود نايرة *** يغـير جـو ودمـاهـو الفايرة
    ياريت ما جاهـم أخير ليه العازة *** تنقنق وتسبسب العيشة الطايرة
    غسـلو مخيخوا بي مشاريع *** كلها لف في لف في دايرة
    برّم شنـبوا وحـكّ الصـلعـة *** وقال أجرب والصايرة صـايرة
    لا همّـاه حرام لا غش لا خـدعـة *** كل القصـة شيكات طايرة
    خليها تطير محل ما تطير *** ما كل الناس طايرة وفايرة
    أول شيك سـواه مليون وكمان البعـده *** وأكبر شيك لي ود نايرة
    قال صاحبي بأخـّره ليـهو *** وزول بضمنّي والارباح جاريـة
    لكن العكس كان الحاصل *** خنقوا وزنقوا ومحاكم دايرة
    إتبهـدل حـالوا والسمعـة إتخربت *** وبنيتو الكبيرة صبحت بايرة
    ده الصحاه وصحى ضميره وأنب نفسو * كشف الحاصل مجرد حلمة صايرة
    طبق نعلاتو قُبال تصبح رجع للعازة ** قام قال ليها أرحم إنت من أولاد نايرة


    عمك تنقو وأحلام اليقظة
    [/align]

    Comment


    • #3
      [align=center]عمك تنقو شخصيه خرافه *** بطوله في مجله الصبيان

      يحكي همومنا في احلامو *** بحلم يحل مشاكل السودان

      مره يحلم ساكاهو الكشه *** نفسو مقطوع من البنبان

      ومره راقد طاقاهو ملاريا *** ويومي يدافر في صف الدكان

      داير يسافر حجه وزوغه *** يلحقلو شغيله مع الرعيان

      طوالي العازه بارياو بالنقه *** دايراهو يصير من الاعيان

      يجيب القفه ملايانه مطايب *** يجيب ويجيب من وين ما كان

      لازم يجيب مصروفي اليومي *** وما تنسي مصاريف اولادو كمان

      عمك تنقو شخصيه ملمه *** حاويه طرايف اشكال والوان

      كل مايحكي نعيش القصه *** وفجاء يفز يطب مركوبو يقول حلمان
      [/align]<!-- google_ad_section_end -->

      Comment


      • #4


        شكرا لاعادة تلك الذكريات الجميلة
        تسلم معاذ

        Comment


        • #5
          [align=center]
          تسلمي محراب على إضافة الصور الجميلة

          ربنا يخليك لينا
          [/align]

          Comment


          • #6
            تسلم يا معاذ ولو في قصص بتعكس قيمنا السودانية كده ياريت لو كانت تستمر بصراحة اطفالنا في حوجة ليها ..وقد يكون ما اطفالنا بس حتى نحنا الكبار ممكن نستمتع بيها..


            Comment


            • #7
              عمك تنقو شخصية خالده في النفس عندما نتذكرها نتذكر الماضي الجميل

              لك الشكر اخ معاذ

              Comment


              • #8
                تسلم ود الكمالي
                هيجت فينا الشجون والله
                ذكريات الماضي الجميل
                الا رحم الله زمان وايام زمان
                زمن مريود والصبيان
                وغيرها من مجلاتنا الرائعة
                تسلم ود الكمالي

                Comment


                • #9
                  [align=center]
                  والله العم تنقو شخصية دارت ودارت وكل الناس حبتها شديد وانا كنت من الناس لو ما قريتها ما برتاح

                  تسلمو ان شاء الله أحبائي
                  [/align]

                  Comment


                  • #10
                    الا ليت ايام الطفولة تعود ودهر تولي يامعاذ يعود

                    بحب عمو التنقو شديد

                    مافي اجمل من ايام الطفوله جميله جميله جميله علي الاطلاق
                    Last edited by يقين الإسلام; 07-23-2009, 02:21 PM.
                    [align=center]كن لله كما يريد يكن لك فوق ماتريد[/align]

                    Comment


                    • #11
                      السلام عليكم ورحمة الله وبركاته

                      شكرا جزيلا يا معاذ
                      Last edited by معاذ هشام الكمالي; 07-24-2009, 10:53 PM.

                      Comment

                      Working...
                      X