إعلان

Collapse
No announcement yet.

قاموس شايقى

Collapse
X
 
  • Filter
  • الوقت
  • Show
Clear All
new posts

  • قاموس شايقى

    السلام عليكم ورحمة الله تعالى وبركاته
    يا شباب لقيت فى أحد المنتديات بعض الكلمات الشايقية ومعانيها وحبيت الناس تستفيد منها والعندو اضافات عليها ما يبخل علينا بيها لتعم المعرفة والاستفادة للجميع

    بسم الله نبدأ :
    الكرارة : لسحب العجين فى الدوكة ( عواسة الكسرة )

    الكركعوب : حصى المنقة والدوم

    الكركتى : طين الجروف

    يتكن : وضع البذور داخل الأرض وبالذات فوق الجداول.

    يمتق : يمتق العيش وهو مرحلة من مراحل نمو الذرة قبيل الحصاد

    الخوصة: السكين

    الكيم : الركن

    الجر : إناء فخاري زي الزير

    جاو : نوع من أنواع التمر

    أنتقو : جروا ... أنزعه

    أرمو : أرميهو بعيد

    مبنقر : ناطي

    هبتروك : قبضة الذرة (هين من الذرة)

    ـ تيلان : السقايي التالتي للنبات

    ـ فاريق : الشي البيزرعوه في الجروف جنب النيل.

    ـ اركج : الولد البيساعد في الزراعة

    ـ أروتي : الولد البيقعد فوق الساقية وهي شغالة

    الاشميق : الليف

    السلب : الحبال

    الدونكه : المطبخ

    الكشر : مفتاح الخشب

    الديناب : لحجرة الجلوس الكبيرة

    الدانقة : للصالة

    الدونكا : للمطبخ

    الهبود : الرماد

    ألارنيق : الامينة تنتصب فى منتصف الحجرة تسند المرق

    الكبد : الباب

    الكشر : مفتاح الباب

    الكتاريق : البيوت المهدمة القديمة

    الباريق : الزقاق الضيق

    ألارتيق : ظل الجدار الشرقى فى صباح الصيف

    التكيقة : شمس الجدار الغربى فى صباح الشتاء

    الكرقة : الراكوبة

    الكادق : البخسة يحفظ فيها اللبن

    الكشمير : مثلث الارجل تعلق منه القربة فيها الماء والسعن فيه الماء او اللبن يخض فتخرج منه الفرصة والروب

    البشنتيق : قطع البرش القديم

    الكفريق : فصوص القصب الجاف

    الدفيق : اول اطوار التمر يكون اخضر ثم يصفر او يحمر فيكون رطبا ثم يصير ام رأس اى يبدأ النضج من رأسه واخيرا يصير تمرا

    الكروق : مابقى على جزع النخلة من اصول الجريد بعد قطعه
    [frame="1 10"]يمة العزيزة الشوق غلب ليك يا الحبيبة وللبلد[/frame]

  • #2
    ههههه ده عربي يا محجوب
    ياخ بالغته تضحك فينا الجماعة اسه

    Comment


    • #3
      طيب يا المحجوب انت كتبت الكلمات ومعانيها كيف نعرف نقراها
      اديك فكرة : سجلها بالصوت عشان نعرف النطق الصحيح
      [BIMG]http://www.blue-nil.net/vip//uploads/images/blue-f72652c2dd.gif[/BIMG]

      Comment


      • #4
        المشاركة الأصلية كتبت بواسطة الطاهر عثمان مشاهدة المشاركة
        ههههه ده عربي يا محجوب
        ياخ بالغته تضحك فينا الجماعة اسه
        أخونا الطاهر
        مرحب بيك
        هو عربى أكيد لكن الجماعة ديل ويمكن أغلبية فيهم ما عارفين معانى كلماتنا بدليل اختنا سوزى قالت عايزاهو قاموس ناطق كمان
        ههههههههههههههههههههههههه
        [frame="1 10"]يمة العزيزة الشوق غلب ليك يا الحبيبة وللبلد[/frame]

        Comment


        • #5
          المشاركة الأصلية كتبت بواسطة سوزي مشاهدة المشاركة
          طيب يا المحجوب انت كتبت الكلمات ومعانيها كيف نعرف نقراها
          اديك فكرة : سجلها بالصوت عشان نعرف النطق الصحيح
          اختنا الفاضلة - سوزى
          حتى انت طلعت شهادة عربية كمان كنت متوقعك فهمتى معانى الكلمات كلها
          ههههههههههههههههههههه
          [frame="1 10"]يمة العزيزة الشوق غلب ليك يا الحبيبة وللبلد[/frame]

          Comment


          • #6
            انا والله يا محجوب ما شهادة عربية
            لكن اخوانا الشوايقة عندهم لهجة براهم بعرفوها
            مصرة على القاموس الناطق
            [BIMG]http://www.blue-nil.net/vip//uploads/images/blue-f72652c2dd.gif[/BIMG]

            Comment

            Working...
            X