إعلان

Collapse
No announcement yet.

واحشني شاهيك باللبن

Collapse
X
 
  • Filter
  • الوقت
  • Show
Clear All
new posts

  • واحشني شاهيك باللبن

    واحشني شاهيك باللبن برادك اللونو السواد وأنا سود أيامي الزمن قنانتك العطر البفتق من يباس عمري الحزن وأنا يمة مليت العذاب كوسيلي في عينيك سكن واحشني شاهيك باللبن وأنا هسي بتقريف دموع مافضلت دمعة عيون مربوط لسان حال الكلام غيرك ولاقادر أكون عينيك مرفا الإنتظار راحة المسافر في الظنون ذمنا مكلفت بالوجع مفتوح علي شارع الجنون واحشني شاهيك باللبن وأنا داير أقول ليك جملتين حطب العواسة حذاري منو عماكي ماخلا لي عين قدد مسام روح تعب ملا دفتري المن لاكي ديل منعول أبو المابفقدك ويعرف زمانو بلاكي شين واحشني شاهيك باللبن وأنا داير أقول لك يا الحنينة زي التكنو هواك معاي يايمة هداني التعب فتق حبال صبري وقواي يايمة زي ماقلت ليكي لقيت قمر ليلي وسماي نوري ووهج ضلمة حروفي مصب كلامي ومنتهاي زي التقول ماكان في شي فكاني في أول طريق والريد عذاب مابتمشي سال الدمع يايمة رقراق قشقشي وبعد المتاهات الودار خليني جنبك أنتشي وأنايمة ماخليتلو شي والله سكنتو الوريد والله ماطل الصباح قبال يضخ لي جسمي ريد والله كل مايكون حداي أنا قاعد أحس الدنيا عيد حذن المسام الشابي في جوف الحكاوي بكون سعيد أديني شاهيك باللبن هسع أقبل أمشي وين أرجع أقول للناس شنو وهي الناس كلاما مسيخ وشين ،وينو الكتبتو علي دماي سميتو ضو ليلي الحذين ولا اللهيب الفي حشاي اتناسا ويبرد لامتين ناوليني شاييك باللبن .
    لا إله إلا أنت سبحانك إني كنت من الظالمين

  • #2
    واحشني شاهيك باللبن برادك اللونو السواد وأنا سود أيامي الزمن
    جميل يا معاذ
    حزينة وبتفتح جروح

    Comment


    • #3
      صراحة روعة يا معاذ...


      Comment


      • #4
        تسلمو كتير
        الاخت أميره ومنية الله
        لا إله إلا أنت سبحانك إني كنت من الظالمين

        Comment


        • #5
          روعة واحساس حنين

          Comment


          • #6
            القرياف كاتلك يا ولدي وانت في بلدك !!!!!!
            عاد في الغربة تبقى كيف ؟؟؟
            تسلم يا معاذ
            [BIMG]http://store1.up-00.com/Sep12/CeW41400.jpg[/BIMG]

            Comment

            Working...
            X