إعلان

Collapse
No announcement yet.

ياحبيبة بخاف عليك....سلسلة ابيات من تأليفي

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • #16
    والله يا فطومة ما شاء الله كلامك جميل جداً وحرصك على تربية الأبناء على مخافة الله والحرص على حجابها وخوفها على نفسها بالجد كلام تستاهلي عليهو كلمة شكراً وكتر ألف خيرك وربنا يكثر من أمثالك يا غالية.. ويحفظ ليك أولادك وأولاد المسلمين
    تقبلي مروري وتقديري - بالله عليك استمري وأتحفينا


    Comment


    • #17
      المشاركة الأصلية كتبت بواسطة معاذ هشام الكمالي مشاهدة المشاركة
      [align=center]فاطمة كتاباتك راقية جداً و بتحمل رسالة قوية جداً جداً ويارب رسالتك تصل لكل الناس ربنا يحفظك ان شاء الله [/align]

      تسلم ياكمالي والله انتم الراقيين ومروركم يسعدني ...ياااارب يااارب ويحفظ بناتنا وكل المسلمات يارب..الف شكر

      Comment


      • #18
        المشاركة الأصلية كتبت بواسطة منية الله مشاهدة المشاركة
        والله يا فطومة ما شاء الله كلامك جميل جداً وحرصك على تربية الأبناء على مخافة الله والحرص على حجابها وخوفها على نفسها بالجد كلام تستاهلي عليهو كلمة شكراً وكتر ألف خيرك وربنا يكثر من أمثالك يا غالية.. ويحفظ ليك أولادك وأولاد المسلمين
        تقبلي مروري وتقديري - بالله عليك استمري وأتحفينا
        الف شكر منوية ياعسل....تسلمي والله وربنا يحفظ لي ريوم وكل مسلمه...ومرورك خلاني اشعر اني فوووق...والله كتر خيرك انتي

        Comment


        • #19
          سلمت انا ملك يا فاطمة

          وفى حضرة كلماتك تصمت بقية الكلمات على شفاهى فلا املك الا الصمت والاعجاب والتصفقيق

          استمرى بقوة


          Comment


          • #20
            المشاركة الأصلية كتبت بواسطة هنوها مشاهدة المشاركة
            سلمت انا ملك يا فاطمة

            وفى حضرة كلماتك تصمت بقية الكلمات على شفاهى فلا املك الا الصمت والاعجاب والتصفقيق

            استمرى بقوة
            تسلمي هنو ...والله اخجلتموني جدا"...ليكم كل شكر علي مروركم فهو شرف لي

            Comment


            • #21

              ربنا يحفظ ليك ريومة من كل شر وأذى..
              حسي انا دخلت قلت القى لي حاجة جديدة.. والله ما من شي إلا من روعة الكلمات
              وإن كانت ريومة هي سبب تلك الكلمات فأنت فعلاً فوووووووق تستاهلي يا غالية.


              Comment


              • #22
                تسلمي ياعسل ...والله هم اعتقد 11 او 12 جزء...بس الداتا بيز راحت من المنتدي بتاعي التاني المنزلاها فيهو...بس يرجع بنزلهم...وتسلمي ومرورك لااازم عشان المعنويات...وربنا يديك ويسعدك ياربي وكل بنات المنتدي الحلوات ديل...الجاي حيعجبك بس ياداتا بيز اتلومتي.....

                Comment


                • #23
                  (3)

                  [frame="11 98"]ياحبيبه استري حالك بالقليل ابنيهو عشك...
                  لو بحبك قدريهو..سيبي لو حاول يغشك...

                  مافي عرسا بالجبر كان استمرا....
                  مره صايب والقسم بتخيب في مره...

                  شيلي بكره في عيونك احفظي الامل اللي جاي...
                  لولي لي اولادنا باكر غني ليهم من غناي...

                  غنوه عن وطنا بفتش لي ولادو الهجو سابوو...
                  دايرهم يجو جوه تاني يبنوو ليهو يعمروو...

                  يسقوو تيرابو البهفهف في ربوعو وفي قراهم...
                  يرمو بذره...يسدوا حفره تقوم سنابل بي وراهم
                  [/frame]
                  Last edited by فاطمة; 10-03-2009, 07:48 PM.

                  Comment


                  • #24
                    مشاء الله

                    حقيقه كلمات رائعه

                    ما طولي لينا الفتره بين كل جزء والتاني تخلينا ( مشحتفين ) ههههه نزليها وراء بعض وخلينا نستمتع لكن والله كلماتك جميله جدا بدون اي مجامله

                    في انتظار البقيه

                    Comment


                    • #25
                      تسلم الفاضلابي وحرررم عشان كلامك دا اها هاك الرابع والخامس....
                      والله لكن ما بقيتوني الفيتوري عدييييل...اقبل وين ياناس...كتر الف خيرك اخوي الادارة

                      Comment


                      • #26
                        (4)
                        [frame="1 98"]
                        ياحبيبه...جنوبنا غالي..والغرب في القلب جوا....
                        مافي عميل بشيلو منا...نحمي طيب نحمي قوة...

                        نجمع الشمل اللي فرق بين حبايب بين اهل...
                        ننشر العلم البضوي نمحي للجوع للكسل......

                        انتي من جانبك شويه..واحنا بالكد والعمل
                        نبني سودانا الجديد ندحر الخوف والفشل
                        [/frame]

                        Comment


                        • #27
                          (5)


                          [frame="3 98"]ياحبيبه رجالنا قدوه ضربوا في امدرمان مثال
                          لعدوهم وقفوا وقفة ديل رجالا من رجال...

                          لخليل الكلب صدوا وللي زيوا كمان ابوو
                          لعميلا يخش بلادهم للشهاده كمان سعوو

                          ياحبيبه تشوفي ليهم ديل رجال بالجد وجد
                          لاعيونم لحظة زاغت لاهزيمة تقل عدد..

                          اسمع النضم البقولو ياخليل الغازي لينا
                          طالما ديل هم ولادنا مافي كلب بقدر علينا
                          [/frame]

                          Comment


                          • #28
                            والله يا فطومة غلبنا زاتو نقول ليك شنو؟؟ ما شاء الله عليك ربنا يحفظك ويخليك لينا قدوة حقيقية لكل أم..
                            جميل أنك تنصحي الفتاة السودانية في أنها تفتش على السترة قبل أي حاجة، وحقيقة نحنا محتاجين لنصائح زي دي لأننا بقينا في زمن (بعض الفتيات) يبحثن عن المال قبل الأخلاق أو يغضن البصر عن أي شي في سبيل المال .. وسودانا لسة بخير والحمد لله
                            تسلمي يا غااااااالية وأنا طماعة اكتر من الفاضلابي .. وين الباااااااااقي؟؟؟؟؟؟


                            Comment


                            • #29
                              وأجمل حاجة أنك ما شاء الله مواصلة في الكتابة يعني حاجة جديدة كونك تتكلمي في خليل .. وشجاعة رجالنا البنفتخر بيهم كل يوم أكتر..


                              Comment


                              • #30
                                المشاركة الأصلية كتبت بواسطة منية الله مشاهدة المشاركة
                                والله يا فطومة غلبنا زاتو نقول ليك شنو؟؟ ما شاء الله عليك ربنا يحفظك ويخليك لينا قدوة حقيقية لكل أم..
                                جميل أنك تنصحي الفتاة السودانية في أنها تفتش على السترة قبل أي حاجة، وحقيقة نحنا محتاجين لنصائح زي دي لأننا بقينا في زمن (بعض الفتيات) يبحثن عن المال قبل الأخلاق أو يغضن البصر عن أي شي في سبيل المال .. وسودانا لسة بخير والحمد لله
                                تسلمي يا غااااااالية وأنا طماعة اكتر من الفاضلابي .. وين الباااااااااقي؟؟؟؟؟؟
                                ماتقولي شي مرورك متحدث براااهو....منية الله...لي قريب ود خالي...وزول مقتدر وجدا"...عارفا تزوج كيف؟؟ لاحظي ابوهو ميسور الحال جدا" وبي امكانو عمل تلاته اعراس فخمه ...تزوج كالاتي....في رمضان..ونحن بنجهز في صينية الفطور دخل خالي من بيتو يفطر معانا ...قال الولد دا مابسمع كلامي ماشي يجيب مرتو(لانو كان عاقد وعقد برررضو عادي ) وقال خلاص كدا عرس...امي فرحت ليك فرحه...قالت ليو عاااقل وفاااهم..ابوهو هرج وانا داير افرح بيو..المهم الولد وظف اي قرش عندو في تجهيز شقتو...وطلعت جميله جدا...والبت ذااااتا عاااااقله ماشاء الله تبارك الله...بعد رمضان ولمن ناس امي حنسوهو ضبح ليهم ولماهم فطور بسييط بررضو وفي شقتو وعزم اصحابو وانتهينا...اها كيف؟؟؟لاااحظي للمرة التالته مقتدرين جدا" والولد دا كان بيصرف وبيسافر وبيتفسح وكذلك البت لكن ختوها في راسم وكبرو دماغم علي قولة مي والمصريين...اها هل بنلقي ناس عاقله كدا ؟؟؟ الستره بتجي بس بالعقل...مرور جميييل ياعسل
                                Last edited by فاطمة; 10-04-2009, 01:30 PM.

                                Comment

                                Working...
                                X