إعلان

Collapse
No announcement yet.

ياحبيبة بخاف عليك....سلسلة ابيات من تأليفي

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • #31
    والله ما شاء الله عليهم قاعلين جداً ونادرين في الزمن ده..وربنا يبارك ليهم في زواجهم ويهنيهم يا رب وتفرحي بريمو يارب..


    Comment


    • #32
      المشاركة الأصلية كتبت بواسطة منية الله مشاهدة المشاركة
      وأجمل حاجة أنك ما شاء الله مواصلة في الكتابة يعني حاجة جديدة كونك تتكلمي في خليل .. وشجاعة رجالنا البنفتخر بيهم كل يوم أكتر..
      هي يابتي وووب علي بالجد ما بقدر اكتب فيهم شي...انا عايشت الضرب والاربجيهات لمدة تلاته مرات...جون قرنق..ومناوي ..وووب علي مادايرا اتذكر...واخرهم الاهبل خليل....ووووووب علي نحن تحت القصف..لاننا مواجهين السلاح...مي والله ايا" كان الهدف(ناس يقولو ليك بيشيلو قروش عشان مجندين) الشوفتو دا صعب...وهم مفترشين الشارع علي الجانبين واليوم كلو ..والضرب متواصل وجثث مرميه ما ممكن تتخيلي...دا ابسط شي والله وانا وطالعه بعد الضرب وبعاين ليهم كان لي مراد امش اسلمم عليهم واحد واحد واحيييهم تحيه عسكريه...دا رايي وهم ولادنا برضو...تسلمي ويسلموا

      Comment


      • #33
        فعلاً يا فطومة مكانكم كان صعب جداً قد يكون من الأماكن المتمركزين فيها.. ربنا ستر ولطف عليكم.. وهم يستحقون التحية والاحترام، بصراحة بعد اليوم داك كبرو في نظري واليوم داك أثر في نفوس الكثير
        ياريت نقدر نعكس احساسنا ده في سطور أو كلمات مثل تلك الكلمات الرائعة لك


        Comment


        • #34
          المشاركة الأصلية كتبت بواسطة فاطمة مشاهدة المشاركة
          (2)
          [frame="11 98"]
          ياحبيبة الدنيا غابه والغزال من طبعو لين...
          الاسود العايشا فيها تاكلو بالساهل وهين...

          حاسبي من الجاي بكره راعي دينك راعي ربك
          امشي في دربك عديييل تحمي نفسك ما بغلبك

          صدي كل القال اكشفي و لحجابك اسدليهو
          صلي وكتك..اقري حرفك..بالعلم كدي تغلبيهو

          الزمن ياحلوه قاسي دايراو منك اجتهاد
          ختي بالك في كتابك دا العلم فرض وجهاد

          برجع اذكر لي وصايا...مره مره واقبليها
          يا بتاخدي بي زمنكم يا بتعملي باللي فيها
          [/frame]

          يا سلااااااااااااااااااااااااااام يا فاطمة

          بالجد كلام جميل

          تسلمي

          Comment


          • #35
            كتر خيرك اخت هنادي وجزاك الله خير علي مرورك..سلمتي انتي وكل المسلمات

            Comment


            • #36

              (6)
              [frame="2 98"]

              ياحبيبه الكل تغير حتي للصاحب تنكر...

              ابقي عشرة علي صحابك حتي لو ماءك تعكر

              الصديق ياهو البتلقي وكتن انتي تدوري شورتو...
              ماتقولي اسيبو لحظه عقلك ينسي يمحي صورتو...

              الصديق ياهو الاخو...هو البحس بالجوه قلبك
              هو البينصح هو البوري هو البيعدل ليك دربك

              اوعي تنسي كلامي ديا زي حلق يبقي ف اضانك
              امك الدايراهو ليك بكره علمك يعلي شانك
              [/frame]
              Last edited by فاطمة; 10-05-2009, 03:48 PM.

              Comment


              • #37
                (7)
                [frame="2 98"]
                ياحبيبة الحزن عشش جوا في قليبنا الحزين
                لي فراق احبابنا يبكي يملا جوفو حزن دفين

                الصحاب الباعو عشرة كان بحافظ ديما ليها
                خانو لي عهودا بنوها ياحليل الوثقو فيها

                بالرخيص باعوها عشرة بالرخيص خانو العهود
                كيف يقولو معاك ديمه وين نجيب ليهم شهود
                [/frame]

                Comment


                • #38
                  المشاركة الأصلية كتبت بواسطة فاطمة مشاهدة المشاركة
                  (7)

                  [frame="2 98"]
                  ياحبيبة الحزن عشش جوا في قليبنا الحزين
                  لي فراق احبابنا يبكي يملا جوفو حزن دفين

                  الصحاب الباعو عشرة كان بحافظ ديما ليها
                  خانو لي عهودا بنوها ياحليل الوثقو فيها

                  بالرخيص باعوها عشرة بالرخيص خانو العهود
                  كيف يقولو معاك ديمه وين نجيب ليهم شهود[/frame]

                  ياهو ذاتو يا فااااااااااااااطمة
                  هبشتي الوجع

                  Comment


                  • #39
                    دعوني ياسماسم...الخيانه مره وامرها من القراب وقراب القراب الصحاب...لا اوجعك الله بما ذاقته فاطمة..فهو اليم اليم...مرورك رغم اني المتك بس اسعدني جدا" سماسم

                    Comment


                    • #40
                      إن شاء الله ما تشوفي أي وجع لا خيانة من صديق ولا أخ.. وما أروع الصديق الصدوووووووق
                      تسلمي يا حبيبة على كل الروعة اللي سمحتي لينا أن نسعد بيها، ربنا يسعدك يا رب


                      Comment


                      • #41
                        كتر خيرك علي مرورك يا منية الله...امين يارب امين
                        Last edited by فاطمة; 10-06-2009, 02:00 PM.

                        Comment


                        • #42
                          تسلمي فطومة على البوح الجميل وراقي
                          يعجز اللسان ياغالية عن التعبير لكن كلامك هبش حاجات كتيرة
                          وحرك في الدواخل ذكريات
                          وابسط حاجة ممكن اعملها اني اثبت ليك الموضوع
                          بس بشرط تتحفينا كل يوم والتاني بالجديد
                          (اقرع ونزهي ههههه كمان بتتشرط البسمع يقول المرة كل يوم منزله موضوع جديد بعيد عنك باب النجار مخلع)
                          تسلمي ياغالية من كل شر وربنا يحفظ ليك ريومه يارب وكل بنات المسلمين
                          ولا عدمناك يارب

                          Comment


                          • #43
                            تسلمي يا حنونه ربنا يخليك....والله بالجد اخجلتموني..كتر خيرك
                            وماشاء الله عليك...ربنا يخلي ما اعطاك

                            Comment


                            • #44
                              ودا عشان التثبيييت
                              (8)
                              [frame="1 98"]
                              يا حبيبه العلم ضوا لي ضلام الجهل نور
                              اوعي تكسلي بكره منو..العلم اصبح مطور

                              كمبيوتر مره يلزم حتي موبايل كمان
                              العلم والله ماشي احسن احسن من زمان

                              وقبل علمك خلي اخلاقك جميله ودين مكمل
                              شوفي والله الصور تبقي احلي وتبقي اجمل
                              [/frame]
                              Last edited by فاطمة; 10-07-2009, 08:09 AM.

                              Comment


                              • #45
                                ونزيد الحبيب صلاة وتسليم...(اللهم صلي وسلم عليك ياحبيبي ياسيدي يارسول الله وعلي الك وصحابتك الكرام)

                                (9)
                                [frame="10 98"]ياحبيبه ليه تخلي زول اقول عنك كلام
                                ليه بتدي وليه تخلي فرصه يتلسن عليك
                                ديمه خليك في سماك عاليه ماتجيبي الملام
                                يضربوبأدبك مثل.. ويحكوا بي عيلتك وبيك
                                زيدي في هيبة ابوك.. جيبي ليهو الاحترام
                                فرحي الام بي نجاحك بي ادب زرعهو فيك
                                اصلو بت الاصل تطلع من بيوت فيها الكرام
                                [/frame]
                                Last edited by فاطمة; 10-07-2009, 08:11 AM.

                                Comment

                                Working...
                                X