إعلان

Collapse
No announcement yet.

ياحبيبة بخاف عليك....سلسلة ابيات من تأليفي

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • ياحبيبة بخاف عليك....سلسلة ابيات من تأليفي

    (1)




    ياحبيبه بخاف عليك من زمنا الجاي بي همو....

    الوشوش ماهي الوشوش والقريب بقي مابهمو

    يقطع الرحم اللي وصي ربي بيها كمان نلمو...

    زولا" يسرق زولا" ينهب الحرام عشش في دمو

    مابخاف من الله يقتل لي اخوهو بي سم يسمو

    لبنات الحله غازل دا الزمان عرضو بيلمو....

    كيف بقينا زمنا صار الولد يلعن في امو....

    ياجماعه تعالو نسرع نلفا للباقي ونرمو....

    ننشر الخير في بلادنا والصلاح بالجد نعمو......

    كل واحدا" يبدا بي اولادو هو ثم تانيا ود عمو.....

    ينصح البقدر عليهم واللي فرا كمان يضمو...

    الصور مقلوبه ياما وبكره سودانا البينمو.....

    يبقي رايد ويبقي قدوه والشباب يقوي عزمو...

    راجيه ردا من جنابكم وكل زولا يدي اسمو....
    Last edited by فاطمة; 09-24-2009, 01:58 PM.

  • #2
    يا سلام عليك يا فطومة والله في سطور اتكلمتي عن كمية من المواضيع المهمة من صلة رحم، وخوف ود الجيران على بت جيرانو، والتعامل الرحيم بين الأبناء والوالدين..
    بحييك وليك مني كل احترام


    Comment


    • #3
      المشاركة الأصلية كتبت بواسطة منية الله مشاهدة المشاركة
      يا سلام عليك يا فطومة والله في سطور اتكلمتي عن كمية من المواضيع المهمة من صلة رحم، وخوف ود الجيران على بت جيرانو، والتعامل الرحيم بين الأبناء والوالدين..
      بحييك وليك مني كل احترام
      تسلمي يارب...كتر خيرك...دي سلسلة يمكن من 12 مقطع ما متاكدة والله عملتها لي ريوم ولكل بنت من زمنا دا...مرورك الراقي يجبر علي احترامك ياعسل
      Last edited by فاطمة; 09-24-2009, 03:58 PM.

      Comment


      • #4
        الزمن بقي صعب والله يا فاطمة
        ياريت نلحق نلمو

        زمان ونحن صغار أمي (رحمها الله) تقول:
        انتو ربنا يحضرنا زمنكم..!


        يعنى موضوع الخوف بدأ من زمان ومستمر
        بس العشم يرجع الزمن السمح
        البيتكلمو كان عنو حبوباتنا وامهاتنا

        Comment


        • #5
          امين يارب...يمكن يرجع قادر علي كل شي يا دعوني يابتي....الله كريم

          Comment


          • #6
            يحليل زمن الحبوبات والله ذكرتينا ليهم يا فاطمة

            فعلا لوما رجعنا لتاريخنا وأصلنا ما بنقدر نواصل حياتنا الجميلة

            Comment


            • #7
              اكيد اخ معاذ اكيييد...بس حبوبات زمان نوت ناو.....

              Comment


              • #8
                نقول بكره احلى ان شاء الله

                Comment


                • #9
                  تمام يا ادارة...بكره احلي..وياريت

                  Comment


                  • #10
                    نقول حاجة أمنة اتصبري ... يديكي العافية يا فاطمة ..وواصلي السلسلة وكلنا انتظااااااااااااااااار

                    Comment


                    • #11
                      تسلم اخوي امير ود جعفر...والتانية جايه..وفي التفاؤل وفي الوصية وفيهو الخوف برضو .....مروركم اسعدنا
                      Last edited by فاطمة; 09-25-2009, 03:27 PM.

                      Comment


                      • #12
                        (2)
                        [frame="11 98"]
                        ياحبيبة الدنيا غابه والغزال من طبعو لين...
                        الاسود العايشا فيها تاكلو بالساهل وهين...

                        حاسبي من الجاي بكره راعي دينك راعي ربك
                        امشي في دربك عديييل تحمي نفسك ما بغلبك

                        صدي كل القال اكشفي و لحجابك اسدليهو
                        صلي وكتك..اقري حرفك..بالعلم كدي تغلبيهو

                        الزمن ياحلوه قاسي دايراو منك اجتهاد
                        ختي بالك في كتابك دا العلم فرض وجهاد

                        برجع اذكر لي وصايا...مره مره واقبليها
                        يا بتاخدي بي زمنكم يا بتعملي باللي فيها
                        [/frame]
                        Last edited by فاطمة; 09-27-2009, 04:35 PM.

                        Comment


                        • #13
                          تسلمي فطومة على البوح الجميل
                          وتسلم ريومة وكل بنات جيلها من الجاي يارب
                          ربنا يعيد الناس زي زمان لانه الزمان مااتغير
                          لكن تغيرت النفوس وضمائر ناسه
                          لك كل التجلة على ماجاد به يراعك الرائع

                          Comment


                          • #14
                            تسلمي ياحنونه ...ربنا يخليكي ويخلي ليك ما اعطاك...ويقدرني انزل بقية الاجزاء كلها ونستفيد منها كلنا واولادنا...واه اه من تغير الضمائر ياحنونه والله ربك يعين...ولو كلو زول عاين بي وراهو اكيد بنتعظ

                            Comment


                            • #15
                              [align=center]فاطمة كتاباتك راقية جداً و بتحمل رسالة قوية جداً جداً ويارب رسالتك تصل لكل الناس ربنا يحفظك ان شاء الله [/align]

                              Comment

                              Working...
                              X