إعلان

Collapse
No announcement yet.

ياحبيبة بخاف عليك....سلسلة ابيات من تأليفي

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • بت السودان
    replied
    ما يفوتني في السانحة دي اثني علي كتابات سنهورية وبوحها الجميل ونحن في انتظار المزيد
    كوني بخير

    Leave a comment:


  • بت السودان
    replied
    حقيقي عاجزة عن التعبير قمة الإبداع والروعة صياغة سلسلة ومفردات جميلة ومعاني وقيم ونصائح يفتقر ليها مجتمعنا اليوم ربنا يزيدك ويوفقك ويحفظ ليك ريوم ويحفظنا ويحفظ كل بنات ونساء المسلمين ومبروك علي الجائزة حقيقي تستاهلي اكتر من مجرد جائزة لك مني كل الود والتقدير
    تقبلي مروري

    Leave a comment:


  • منية الله
    replied
    بالجد يا فطومة ما شاء الله عليك البوست قديم بس بستاهل الواحد يقراهو .. ربنا يخلي ليك ريومة

    Leave a comment:


  • فاطمة
    replied
    المشاركة الأصلية كتبت بواسطة فاطمة مشاهدة المشاركة
    (5)


    [frame="3 98"]ياحبيبه رجالنا قدوه ضربوا في امدرمان مثال
    لعدوهم وقفوا وقفة ديل رجالا من رجال...

    لخليل الكلب صدوا وللي زيوا كمان ابوو
    لعميلا يخش بلادهم للشهاده كمان سعوو

    ياحبيبه تشوفي ليهم ديل رجال بالجد وجد
    لاعيونم لحظة زاغت لاهزيمة تقل عدد..

    اسمع النضم البقولو ياخليل الغازي لينا
    طالما ديل هم ولادنا مافي كلب بقدر علينا
    [/frame]

    ياريت والله ياريت...

    Leave a comment:


  • فاطمة
    replied
    المشاركة الأصلية كتبت بواسطة فاطمة مشاهدة المشاركة
    (3)

    [frame="11 98"]ياحبيبه استري حالك بالقليل ابنيهو عشك...
    لو بحبك قدريهو..سيبي لو حاول يغشك...

    مافي عرسا بالجبر كان استمرا....
    مره صايب والقسم بتخيب في مره...

    شيلي بكره في عيونك احفظي الامل اللي جاي...
    لولي لي اولادنا باكر غني ليهم من غناي...

    غنوه عن وطنا بفتش لي ولادو الهجو سابوو...
    دايرهم يجو جوه تاني يبنوو ليهو يعمروو...

    يسقوو تيرابو البهفهف في ربوعو وفي قراهم...
    يرمو بذره...يسدوا حفره تقوم سنابل بي وراهم
    [/frame]

    مش احسن بدل الحرب والتناوش نتلم كلنا في وكت عاوز مننا تعمير ما حرب؟!!

    Leave a comment:


  • الراسيات
    replied
    ماشاء الله تبارك الله زادك الله توفيقا فطومة وربنا يحفظ ليك ريومة
    كلمات نابعة من احاسيس صادقة شعرك جميييييييييييل بالجد وتستاهلي أكتر من جائزة ربنا يحفظك

    Leave a comment:


  • منية الله
    replied
    حقيقة ما شاء الله على فطومة أبدعت

    Leave a comment:


  • خالد مقاشي
    replied
    المشاركة الأصلية كتبت بواسطة فاطمة مشاهدة المشاركة
    (11)

    [frame="2 98"]
    ياحبيبة صديقنا خاين كل يوم لابس قناع

    اخدي بالك احذريهو بالبعد والامتناع

    امحي لدروب الخيانة.. الكذب عمانا شاع

    الصدق مابعلموهو الصدق خلقة وطباع

    واللي خانك ادي ضهرك واللي اتنازل وباع

    ماتكبي عليو دموعك اصلو رايح وعمرو ضاع
    [/frame]
    شوفو يا إخـوانا فاطمـة ,,,أبدعــت والله إبداع

    وبالشعروالكلم المقفي امتعت لي روحنا إمتاع

    فعلاً القلتيهو صح صح الصدق خلقـة وطبــاع

    ربي يحفــظ لي شــعورك وتاني تدينا إنطبــاع
    Last edited by خالد مقاشي; 02-18-2011, 04:39 AM.

    Leave a comment:


  • اسامة حاتم
    replied
    شكرا =)

    Leave a comment:


  • فاطمة
    replied
    جدا اسامة طوالي.....مشكور علي رفع البوست

    Leave a comment:


  • اسامة حاتم
    replied
    المشاركة الأصلية كتبت بواسطة فاطمة مشاهدة المشاركة
    (12)

    [frame="11 98"]ياحبيبة بناتنا جنن شوفي لابسات كيف وكيف
    الخلق بالجد عجيبه واللبس ضيق شفيف
    والعجب لو شفتي سوسو الشكل مقلوب مخيف
    ابيض احمر بني واخدر الخمار فوق الكتيف
    غتي راسك ياحبيبة شوفي بحترمك ويقيف
    يحكي بيكي وعن جمالك بي قلب طيب نضيف
    وسعي الاسكيرتي حبه طوليو يصل الرصيف
    الاسم مره الشريعه واخرهم شطيف وحيف
    مش كدا العيب ليك طايل؟ تقلي العقل الرهيف
    [/frame]
    من بعد اذنك حخت الابيات دي في الاستيتس عندي في الفيسبوك

    Leave a comment:


  • اسامة حاتم
    replied
    ماشاء الله عليك والله ماعرف اعلق على شنو ولا شنو .. ابداع حقيقي وبعكس الواقع الاحنا فيهو بحذافيره.. تسلمي يا صاحبة الانامل الذهبية فاطمة على هذا الابداع وعلى كل النصائح.. وياريت الناس يعملو بيها.. ربنا يحفظ ريومة من كل شر ومن ذئاب هذا الزمن ويجعلها من الصالحات..
    Last edited by اسامة حاتم; 08-30-2010, 05:29 PM.

    Leave a comment:


  • فاطمة
    replied
    يستاهلك الخير يا سكر...الجايزة مبلغ مالي اعتقد...بس التوريطة مع دكتورنا اني لازم اقيف القي القصيدة وانا منكسفه جدا" معرفش اقيف قدام دكاترتي الدرسوني والقي كلام....
    Last edited by فاطمة; 06-16-2010, 04:32 PM.

    Leave a comment:


  • سوزي
    replied
    المشاركة الأصلية كتبت بواسطة فاطمة مشاهدة المشاركة
    ياجمااعه...جاني خبر اني فزت بي جايزة في مسابقة ثقافية بالكلية عن القصيدة دي.....لسه ما عارفا الجايزة شنو


    انا فرحانه وبس

    مبروك يا عسل وتستاهلي

    بالجنبة : ابقي ورينا الجائزة شنو

    Leave a comment:


  • مجدي امدرمان
    replied
    المشاركة الأصلية كتبت بواسطة فاطمة مشاهدة المشاركة
    ياجمااعه...جاني خبر اني فزت بي جايزة في مسابقة ثقافية بالكلية عن القصيدة دي.....لسه ما عارفا الجايزة شنو


    انا فرحانه وبس
    من جد وجد ومن زرع حصد .. ألف مبروك وللامام دائما وان شاء الله دائما كده رافعها راسنا .. تستاهلي ...

    Leave a comment:

Working...
X