إعلان

Collapse
No announcement yet.

أمكن يطل من بين جداول الانتظار أجمل وطن

Collapse
X
 
  • Filter
  • الوقت
  • Show
Clear All
new posts

  • أمكن يطل من بين جداول الانتظار أجمل وطن

    قبل ما يفوتني ريدك جيت
    عهدك علي شوقين
    يوم كنت مستنيك تكوني الغيمة
    وضميت فيك وتر
    وبديت اغنيك
    كنت نايم لما اذن فيني حبك
    كنت لابسك في نغم بارد
    وعشقك في حياتي شتاء
    ومشاعري كانت في جليد صدك الم
    وقدرت اعيش لحنك مغص
    وقدرت اتخطى الوحل
    ومشيت مسافاتك فشل
    وصلت باب ريدك مريض
    وبديت اقضي الفاتني من هجرك
    وكان عهدك علي شوقين
    وبديت اغنيك
    شلت من دم المعاناة بذور
    زرعت صبري عليك سنين
    نحت صخرك في حياتي حزن
    وكتبت في دفتر غرورك كلمتين
    الأولى
    من أول بدايتك خاينه
    ومن آخر طريقك ببدأ أتوسع عليك
    وبوقف الريد من عروقي عشان تجف
    وبفر مشاعري جناح كسير
    وبتشجع أشيل جرحي
    واحلق في خواطري رحيل
    وأعيد مع نفسي العهود
    واهدِك في حياتي مطاف
    وما بغنيك
    بشيل قلمي
    وبكتب ليك في دفتر غرورك
    آخر كلمة
    وداعاً
    من اللحظة بنكس في فؤدي هواك
    وما ندمان أكيد الدنيا بي خيرها
    بشيل وردة نفس من جوه وجداني
    واسترخى في بستان أمل أمكن يطل
    من بين جداول الانتظار أجمل وطن
    www.sudanorphans.org

  • #2
    فقدنا وجودك وقلمك غربة وشوق إن شاء الله ترجعو لينا تاني كل من غاب عن المنتدى..


    Comment


    • #3
      انت وجدان عاش جواي.
      ياهو ريدك من عرفت الدنيا
      صعب المنال
      ياك سحاب مطر
      فرق شملوا الهوا
      راجيا المطر وصدقني راجيك
      بعد الحصل لقاك اصبح مستحيل
      الا المنام كان طيفك عبر
      خبرني عن حال المقام

      Comment

      Working...
      X