إعلان

Collapse
No announcement yet.

آآآآآآآآآآآه يا حميد

Collapse
X
 
  • Filter
  • الوقت
  • Show
Clear All
new posts

  • آآآآآآآآآآآه يا حميد

    السلام عليكم ورحمة الله وبركاته
    مرثية لروحك يا حميد
    من زولا فجع برحيلك واتفاجأ


    يا حميد....إت بى صُحك؟

    آ مُحُمْد شُفتا كيف؟
    شُفتا كيف النيل مِحُومِر بالدِمُوع
    والوجعة تهرد كبدة الغبش الهراها الجوع
    والآهة زى فرسّة بتناتِق فى الضلوع
    وإنتا مارق فى طريق مجهول وما خابررجوع
    شُفتا كيف؟
    شُفتا كيف الموت بعّزِلّ فى نخيلاتنا البيلدِنّ
    ويعقر الخيل البِسُبْقِنّ، ويحرم القمرا الطلوع
    لا بفاصِلّ لا بفاضِلّ بس حوارو
    زىّ حِوار هدّام وقِـيْف
    آمُحُمّد شُفتا كيف؟
    شُفتا كيف ... فى لحظة زى لمحة بصر
    (عم عبد الرحيم فى السكة إتلافا القطر)*
    وإنتا فى سكة سفر
    راصداك عربية (الكجر)*
    شان تخنق الغِنوّة فلِهاتَكْ
    شان تجرى فى (الشِّريان) نزِّيفْ
    شان تنطلق روحك ترفرف
    وإتْ إصّلكْ نسمة فى سهراج وحَرّ
    وإتْ تكِنّكْ جُغْمىّ باردِىّ على غلابه ومتعبين
    والدنيا صيف
    أو تكِنّكْ كنتا فى بيناتنا ضِيف
    آ مُحُمْدّ شُفتا كيف؟
    بس عليك البينا،
    أفتح ضلفة الروح الشفيف
    ومرة تاوِّق من صريف قلبك وعايِّن
    البِنّبلع فِيهُ عِبّرة؟ ولا عَبّرة؟ ولا جمّرة؟
    ولا سِيف؟
    آ مُحُمْدّ شُفتأ كيف؟
    بى وراك يا دُغرِى يا زول ياشريف
    مِسْختْ علينا الدِنيِىّ
    إصّلُو الدِنيِىّ ماليِيها العّفن والزِيّفْ
    ونِحنا داخرِّنك تتمِّر خَدّ غُنانا
    وبالنشِيد تسّنِد قفانا
    وتطيِّب الجرِحّْ النزِّيف
    آ مُحُمّدْ شُفتأ كيف؟
    شُفتا كيف أتحجر الغُّنا .. فى حِلوقنا
    وما فِينا زولاً... قِال ... نَطّق؟
    يا خيرى يا عاطف....ويا أبو الحااااج.. ويا قدّال
    وود عثماااان ويا محجوب ... ويا (إسر الوِلِف كتال)*
    ياشِغِيلة ... يا كلّاتة... يا تربالة يا عُمّاااال
    كيف عِرق القصيدة يَطُقّ؟
    وتحرِّن ضُمّة ... يا طبل الحقيقة تدُقّ؟
    وا مِغِيسّتنا يا حُمّيد.....
    وا غبِينّتنا... قال ود طه: (كُمْسيد الغبِينة بِشُقّ)*
    و(كُمْسيد الغبِينة)* الليلِىّ، فى جوف المِهيرِيّات
    لهِيبُو يبُقّ
    خلاص آ ضراع؟ خلاص آخيِىّ
    قفانا قِمِح؟... وإنبكمّت لِهاة البُوح
    وإنكرفس تُويب أحلامنا داب،
    نزلّ مطر العوِيلْ والنُوح؟
    وإنجرّح هديل قُمْرِيِّى جانى حِسِيسا زى مبحُوح
    وف القيدومى عِرّق الشِّيمِىّ شال الشُعرا
    وإنغّرغّر غُنانا غِرِّق.. ولِحِقْ الصُّحْ
    (وإنت براك سفينة نوح)*
    وكنا جميع (بِنّترجاكَ)* فى (مُشّرع عشّم باكِر)*
    إلاّ النّوة هابِىّ شَرِق
    وا مِغِيسّتنا واغبِينّتنا ياحُمّيد،
    (كُمّسيّد الغبِينّة بِشُق)*
    صحيح القالو ليك ود طه
    ( كُمّسيّد الغبِينّة بِشُق)*
    ( كُمّسيّد الغبِينّة بِشُق)*

    رشيد,,,,,, منقولة
    [BIMG]http://store1.up-00.com/Sep12/CeW41400.jpg[/BIMG]

  • #2
    بت كردفان مااااااااالك علينا لسة الصباح ما كمل؟؟؟ كلمات قوية ومؤلمة ومعبرة و......... أي شي ياخي


    Comment


    • #3
      بس لاكن يا منينة يا بتي
      كمسيد الغبينة ,,, بشق!!!
      منورة برغم الضلمة
      [BIMG]http://store1.up-00.com/Sep12/CeW41400.jpg[/BIMG]

      Comment


      • #4
        لا تعليق ...
        عند طيرانك ... تذّكر من يمشون على الارض ..
        فقل لهم ... انتم على حقيقة .. وانا على هواء .
        dew drop

        Comment


        • #5
          حبابك عشرة يا قطرة الندى
          عودا حميدا ,, وين ما باين
          [BIMG]http://store1.up-00.com/Sep12/CeW41400.jpg[/BIMG]

          Comment

          Working...
          X