إعلان

Collapse
No announcement yet.

الكُربيــل - الدِّيـــس - الهِضْلِيــم

Collapse
X
 
  • Filter
  • الوقت
  • Show
Clear All
new posts

  • الكُربيــل - الدِّيـــس - الهِضْلِيــم

    اليوم أتيتُ إليكم بهذه المُسمّيات التي قد تكون أول مره تسمعون بها ..أو قد تكون معلومه لدى البعض ..
    من مقوّمات الجّمال لدى المرأه ( الشَّعر الطّويل الشديد السّواد ) ..وقد تغنّى شعراء الباديه كثيراً بجمال الحسان البدويّات حيث جمال المرأه الطّبيعي بدون مكياج أو ما شابه ذلك ..
    ومن أسماء الشَّعر عند أهل الباديه ( الدِّيس - الكُربيل - الهِضلِيــــم ) وكلّها تشير للشّعر الطويل .
    لنبدأ بهذا المقطع ..
    قال أحد شعراء الباديه من الزّياديّه :
    ام ديساً للكِتاف رَدَمِي
    بِشرِّك للجّمــل بِرمِي

    ام دِيساً كيف حبال دوِّر
    الخَلّت قلبي دي يشوِّر

    والموصوفه هنا شعرها بالغ الطّول بحيث أنّه إذا تم نصبه شركاً للجّمل فسيُكبِّل حركته ويرميه أرضاً .
    وفي المقطع الثاني نجد كلمتي ( حُبال دَوِّر ) وهي الحبال التي يُربط بها الدّلو الذي يُستخدم لإستخراج الماء من الآبار الجّوفيّه وصيغة المبالغه هنا توضّح لنا مدى طول شعر هذه الحسناء موضوع الوصف .
    وقال آخر :
    جلِيس أُمّات كُربِيل
    بازوكته تُضرُب ميل

    ورغم أن الممدوح هنا رجُل ولكن وردت الإشاره للكُربيل ( أّمات كُربيل ) أي ذوات الشّعر الطّويل اللاّئي يُجالسهُنّ هذا الفارس الشُّجاع .
    ومن ضروب الغناء الشّعبي ( الشّقلاب ) تقول إحدى الحكّامات :
    حِتّنّو الما وَصيل
    أزرق ( أسود ) سبِيب الخيل

    وفي الشّقلاب تقِف الحسناوات الرّاقِصات كاشِفات شعرهنّ الطّويل فتتغنّى الحكّامه بما معناه أن يقُمنَ بحَت هذا الشّعر الطّويل فعلاً وليس موصّلاً والذّي يشبه ( سَبِيب ) الخيل والسّبيب هنا يُقصَد به الشّعر المنسدِل .

    وقال آخر :
    شَعرِك ضَلّل الكتفين شَبَك واتعاطف
    زي عاتي الخيول المُنطَرِب يترافَف
    بريق سِنِّك بروق ضَلمَه وبِقَت تتخاطَف
    نهدِك حاكَى موجات الهوى التِّدّافَف

    وهُنا الوصف يبيِّن لنا كثافة وشِدّة سواد الشّعَر الذّي تشابك وعمل ظِل للكتفين .

    وقال أيضاً :
    يا اللاّدِن قوامِك ولون أدِيمك تِبرِي
    شَعرِك عُتمَة اللّيل أب نيازكاً تجري
    يا ام حُبّاً مقلِّقني ومقلِّل صبري
    تكتِّلي في العُشّاق من دون قصِد ما بتدري .

    وهنا يبيِّن شِدّة سواد شعر المحبوبه من ضمن وصفه لجمال جسمها ولونها .

    وقال آخر :
    وين الأصفر الحاكم الجّمال سابلِنّه
    كُربِيل ديسه لي عضم الضَّهر قاسمِنّه
    خِلقَة ود حُمُر بَرعى الكتِير وام بَنّه
    بنعَس للرُّقاد سيدو انكَسَف فات مِنّه

    وهنا يوضّح لنا بأن شعر هذه الحسناء ينسدل حتّى نصف الظّهر ..أمّا ( ود حُمُر ) فيقصد به الجّدي صغير الغزال - وكلمتي ( الكتير) تعني شجر الكِتِر ( وام بنّه ) من أسماء الأعشاب التي ترعاها الإبل في الباديه .

    يتبع.
    [imgr]http://www.mzaeen.net/upfiles/Vvl70781.gif[/imgr]
    يا فرَس كلّ القبيلة تلجِّمو..
    يكسِر قناعاتا ويفِر..
    يسكن مع البدو في الخلا ..
    ما يرضى غير الرّيح تجادلو وتقنِعو.

  • #2
    برضو العروس بيغنوا ليها اغنية شهيرة اسمها الكابي ديسا...

    Comment


    • #3
      الزيادي

      تراني مصنقر وراجي يتبع دي

      لكن وحات الله ماك هين

      Comment


      • #4
        فاطمه ... مساء الخير
        الدّيس كلمه قد لا تكون ورد ذكرها كثيراً ولذا نجد البعض لا يعلم معناها
        شاكر لك مرورك من هنا.
        [imgr]http://www.mzaeen.net/upfiles/Vvl70781.gif[/imgr]
        يا فرَس كلّ القبيلة تلجِّمو..
        يكسِر قناعاتا ويفِر..
        يسكن مع البدو في الخلا ..
        ما يرضى غير الرّيح تجادلو وتقنِعو.

        Comment


        • #5
          عبدو ... صنقر وإتحكّر في الفروه دي لحدّي ما أجيب ليك الباقي
          أصلي بجيب الكلام دا من حبوبتي ومن الناس الكبارووالدي
          تحياتي ليك .
          [imgr]http://www.mzaeen.net/upfiles/Vvl70781.gif[/imgr]
          يا فرَس كلّ القبيلة تلجِّمو..
          يكسِر قناعاتا ويفِر..
          يسكن مع البدو في الخلا ..
          ما يرضى غير الرّيح تجادلو وتقنِعو.

          Comment


          • #6
            الحبيب
            الزيادى
            والله واشتقنالك يا زيدو
            وكمان اشتقنا لروائع سكبك الدسمه هذه
            وينك يا حبيب ؟
            اها يا زول انا كمان بعقد فى الشمس دى لمن تجى واحده تظللنى بديسا
            ونشوف باقى كلامك
            كن بعافيه
            عادل عباس
            (بعنخى )

            Comment


            • #7
              عادل ..أو بعنخي كما يحلو لي مناداتك ..يا حبيب ليك وحشه وطوّلنا منّك شديد
              اها ما يكون الشمس لفحتك بس ؟؟ ههههههههههههههههه
              تشرّفني طلّتك دوماً يا صديق ..
              Last edited by الزيادي; 07-17-2010, 04:24 PM.
              [imgr]http://www.mzaeen.net/upfiles/Vvl70781.gif[/imgr]
              يا فرَس كلّ القبيلة تلجِّمو..
              يكسِر قناعاتا ويفِر..
              يسكن مع البدو في الخلا ..
              ما يرضى غير الرّيح تجادلو وتقنِعو.

              Comment


              • #8
                وأيضاً قال أحد الشعراء البدو ( ود جبريل ):
                وين الأصفر الكان ماشي إيل يتّنّى
                ديسو انشبك تحت الكتاف واتدلّى
                يوم البوّش الشّافنّه ما حقّنّه
                خِلقة ود حُمُر رقد امّهاته لقنّه ..
                والوصف كامل هنا ولكن ما نود الإشاره إليه هو الدّيس ( ديسو انشبك تحت الكتاف واتدّلّى )
                وود حمُر هو الجّدي ( الحُمُر إشاره للغزلان ) .
                [imgr]http://www.mzaeen.net/upfiles/Vvl70781.gif[/imgr]
                يا فرَس كلّ القبيلة تلجِّمو..
                يكسِر قناعاتا ويفِر..
                يسكن مع البدو في الخلا ..
                ما يرضى غير الرّيح تجادلو وتقنِعو.

                Comment


                • #9
                  في أغنية نعيم الدّنيا :
                  كيف الحياه غير ليمك من بعدك أمسى
                  حظي زي لون هضليمك يا نعيم الدُّنيا ..
                  إشاره لشدّة سواد الحظ ( إلهي ما يورّيكم حظ أسود زي دا )
                  [imgr]http://www.mzaeen.net/upfiles/Vvl70781.gif[/imgr]
                  يا فرَس كلّ القبيلة تلجِّمو..
                  يكسِر قناعاتا ويفِر..
                  يسكن مع البدو في الخلا ..
                  ما يرضى غير الرّيح تجادلو وتقنِعو.

                  Comment


                  • #10
                    [align=justify] والله يالزيادي احييك على ماتقدم لهذا المنتدى وبكل تفاني واريحية ... مع اني أحب هذه الاغنية الا اني ماكنت اعرف معنى الهضليم (من بعدك اصبح حظي زي لون هضليمك ) ... أما الديس فقبل كده سمعت هذه الاغنية في عرس زول كده !! (الكابي ديسه) !!!!!!!! وايضا في اغنية ورائعة العبادي ببكي وبنوح وبصيح حين قال ( الجيدا طال واتني ودر جـماعـة متـلنا ) .. كان الجيد اوالديس او الهضليم في ذلك العصر من الاشياء التي لاترى الا بالصدفة وليس بالمتاح ابدا كيف لا وان كنت لاترى العروس الا في ليلة الزفاف ، لذلك كان الهضليم مثيرا لقرائح الشعراء كما العيون تماما .. الان في هذا الزمان (زمن العجايب) ترى الهضليم امامك اشكال والوان وفكرك يبقى حاير مابين ده لون احمر وداك لون اصفر .. مشكور يالزيادي امانة عليك واصل بحثك ....[/align]
                    Last edited by مجدي امدرمان; 07-18-2010, 06:28 AM.
                    [align=center]العين التي لا تبكي لا تبصر في الواقع شيئاً[/align]

                    Comment


                    • #11
                      هلا بالغالي والصديق العزيز مجدي
                      صدقت يا رجل .. زمان الشعراء والجماعه ديل كانوا ممكونين شديد ياخي ومعذّبين والواحد بيتمنّى بس يشوفها من بعيد
                      واحد من الشعراء قالوا اشتغل بتاع لبن عشان بس يشوف عيون البت الوقع في شباكها لما تفتح الباب .. شفت كيف؟؟
                      لك التحيه وانت تعطّر الأجواء هنا .
                      [imgr]http://www.mzaeen.net/upfiles/Vvl70781.gif[/imgr]
                      يا فرَس كلّ القبيلة تلجِّمو..
                      يكسِر قناعاتا ويفِر..
                      يسكن مع البدو في الخلا ..
                      ما يرضى غير الرّيح تجادلو وتقنِعو.

                      Comment


                      • #12
                        والله يا الزيادي لو ما الترجمة حقتك دي كان دخلت وطلعت وما فهمت أي شي.. تسلم بالله كتر لينا من الترجمة


                        Comment


                        • #13
                          اشكرك على المعلومات القيمة وفي انتظار الزيادة

                          Comment


                          • #14
                            منية الله
                            ههههههههههههههههه
                            كيف الكلام دا عاد ؟؟ ..بس مافي مشكله وان شاء الله البوست الجاي كلام كلو الا بالشرح


                            ميرفت ..شكراً للمرور واتمنى تكوني عرفتي معلومه جديده
                            تحياتي
                            [imgr]http://www.mzaeen.net/upfiles/Vvl70781.gif[/imgr]
                            يا فرَس كلّ القبيلة تلجِّمو..
                            يكسِر قناعاتا ويفِر..
                            يسكن مع البدو في الخلا ..
                            ما يرضى غير الرّيح تجادلو وتقنِعو.

                            Comment

                            Working...
                            X