إعلان

Collapse
No announcement yet.

المطبخ السودانى العامر.... حبابكم عشرة ....اتفضلوا

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • المطبخ السودانى العامر.... حبابكم عشرة ....اتفضلوا

    ونواصل الابداع السودانى وايدكم معاى





    سلام يا قبائل


    من تكلنا العامر نحييكم


    حبابكم عشرة بلا كشرة



    ظبطت ملأح سلج روعة وقلت الاتضوقوهو


    والله اخدر خدار اااي بشكر فيهو











    اها يا احلي قبائل


    والله غايتو انا مقادير الملحات دي مابدورة الملاح بالذات بعتمد علي الاحساس هاك الاحساس ده قمت اتفلسسف ههههههههه

    طبعا حزمتين قدر الضربة سلج ولو معاه شوية سبانخ مابطال بديهو طعم هائل

    وحزمة شمار اخضر وياحبذا لو دخلتيهوا الثلاجة وطلعتي بااارد اوغسلتي بموية باردة بتديه خداااار ذيادة

    تغسليهم تقطيعيهم تورقيهن تبوخيهن بوخة بس ماغلي بدبل سريع تطفي النار

    اظبطي الشوربة لحمة نص كيلو تقريبا فيها عضام سمحة كدة

    ومعاها بصلتين

    وبهارات وتوم

    الشوربة ماتكون طموج يعني ما تكتريها مناسبة ذى ثلاث اكواب تقريبا

    المهم بعد الشوربة تظبط وريحته تملا البيت ومانخلي فيها ريم فوق ريم دي كان ماعرفتيها يامنو بشرحه ليك اها تطلعي منها اللحم والبصل وبصراحة انا بصفيه بالمصفاة وتضيفى السلج والشمار وتدي فركة مفراكية معتبرة بالعزيزة المفراكة او بمفراكة الكهرباء وبالعدم سنة وااحدة في الخلاط وهذا اسؤ الحلول ياعملات اختي منوية




    اهاااااااااااااااااا بعد داك مابياخد كتير تقومي تديهو ملعقتين سارا والسارا هي الويكة الايوقة وممكن تذيدي اوتنقصي في الويكة حسب المزاج

    ناس بتفضل لايوق لمن ماينزل من يدك الاتحكوا بليفة السلك وناس بتفضل علي خفيف

    اها شوية ماكتير وبتنضج الويكة ومع شطة خدرا تكتمل الروعة


    وكسرة او قراصة








    مطبخنا السودانى
    التكل

    عامر باكلاتنا الحلوة الحديثة والقديمة تعالوا نلمها كلها هنا ونفيد ونستفيد


    وابدا بملاح اختنا قلب حانى على الرابط
    http://www.sudanorphans.org/vb/showthread.php?t=514



    Last edited by هنوها; 05-28-2010, 10:14 PM. سبب آخر: اضافة صورة



  • #2
    الفسيخ رغم ان اصوله قد لاتكون سودانية الا انه ضيف عزيز بل سيد بيت فى المطبخ السودانى

    وده فسيخ العزيزة دعونى على الرابط
    http://www.sudanorphans.org/vb/showthread.php?t=606

    Last edited by هنوها; 03-26-2009, 07:49 PM.


    Comment


    • #3
      شكرا ليك على التوثيق يااااخ
      ههههه
      ماقصرتي


      لكن؟؟؟؟؟؟:confused:

      هنو



      لطشتي فسيخ دعوني اكفكف دمعه



      واتصلبتن فوقه


      انتي والمحرااااب:eek:


      الليله شدن حيلكن

      بتجيكن بكمشتها الساطت بيها الفسيخ

      وبتوريكن ليه

      انا بررررره;)

      ههههههههههههه

      Comment


      • #4
        المشاركة الأصلية كتبت بواسطة قلب حاني مشاهدة المشاركة
        شكرا ليك على التوثيق يااااخ
        ههههه
        ماقصرتي


        لكن؟؟؟؟؟؟:confused:

        هنو



        لطشتي فسيخ دعوني اكفكف دمعه



        واتصلبتن فوقه


        انتي والمحرااااب:eek:


        الليله شدن حيلكن

        بتجيكن بكمشتها الساطت بيها الفسيخ

        وبتوريكن ليه

        انا بررررره;)

        ههههههههههههه
        حنون شكرا على التنويه


        وحقنا للدماء قمت بتصحيح الوضع:)


        Comment


        • #5
          ملاح الويكاب:


          الويكاب هو رماد قصب عيش الفتريته يوضع في اناء مقدود من النص قد صغير يرش الماء رشه خفيفه علي الرماد يترك لتنزل خلاصة الرماد ( الفتريته )(السليلوز) في صحن يكون اسفل الاناء وبعد ذلك تجفف الخلاصه وتكون صلبه لونها بيج دا الويكاب
          طريقة عمل ملاح الويكاب
          المكونات: بصلتين كبار ، جك لبن أو جردل صغير من اللبن ، نص كباية صغيرة من الزيت أو السمن البلدي ، ملعقة صغيرة ملح ، البهارات ، مقدار كوب شاي من الويكاب ، ملعقتين ويكة ، كورية عصيدة (عيش فتريتة)
          الوجبة تكفي من واحد الى خمسة.حسب الجو لو اكانت في مطره ياساتر


          الطريقة: يوضع الحليب -على النار ويقطع فيه البصل قطع صغيرة ثم يحرك حتى لا يفور اللبن ويتدفق على الكانون ويطفي النار فيهيج الرماد اثناء تحريك مزيج الحليب مع البصل يلاحظ البصل لو مات قليلاً تضاف باقي المقادير.
          يقدم ساخناً في صحن عميق


          Comment


          • #6
            المشاركة الأصلية كتبت بواسطة هنوها مشاهدة المشاركة
            ملاح الويكاب:


            الويكاب هو رماد قصب عيش الفتريته يوضع في اناء مقدود من النص قد صغير يرش الماء رشه خفيفه علي الرماد يترك لتنزل خلاصة الرماد ( الفتريته )(السليلوز) في صحن يكون اسفل الاناء وبعد ذلك تجفف الخلاصه وتكون صلبه لونها بيج دا الويكاب
            طريقة عمل ملاح الويكاب
            المكونات: بصلتين كبار ، جك لبن أو جردل صغير من اللبن ، نص كباية صغيرة من الزيت أو السمن البلدي ، ملعقة صغيرة ملح ، البهارات ، مقدار كوب شاي من الويكاب ، ملعقتين ويكة ، كورية عصيدة (عيش فتريتة)
            الوجبة تكفي من واحد الى خمسة.حسب الجو لو اكانت في مطره ياساتر


            الطريقة: يوضع الحليب -على النار ويقطع فيه البصل قطع صغيرة ثم يحرك حتى لا يفور اللبن ويتدفق على الكانون ويطفي النار فيهيج الرماد اثناء تحريك مزيج الحليب مع البصل يلاحظ البصل لو مات قليلاً تضاف باقي المقادير.
            يقدم ساخناً في صحن عميق
            تسلمى يا هنو بس انتى عارفه اننا بنحب الصور الصور شوفى لينا لقطه لقطتين كدا يا شطوره

            Comment


            • #7
              [align=center]
              ملاح التقلية
              غني عن التعريف
              [/align]


              Comment


              • #8
                ياسلام بالله ريحة الفسيخ والملاح الاخضركان شفته بخضر والتقلية الخطيييييييره
                وصلن فى المنتدى الاجتماعى قفلت الصفحة وجرى على الفسسسسسسسسسسسسسسسسيخ

                هوى يا قلب
                مالك كدى شوفى الرابط بتاع الفسييييييييييييييييييييييييييييييييييخ بى اسم منو
                Last edited by محراب النيل; 03-30-2009, 02:41 AM.

                Comment


                • #9
                  السخينة

                  اكلة شعبية رائعة الطعم
                  وغنية بقيمتها الغذائية
                  علي الرابط
                  http://www.sudanorphans.org/vb/showthread.php?p=7264


                  Last edited by دعوني أكفف دمعة; 04-13-2009, 11:41 PM.

                  Comment


                  • #10
                    بجد مشكورة يا عسل امى بتعمل الاكل السودانى بس بجد او مرة اسمع على السخينة بجد كمان شكله تجنن مشكورة ياعسل نرجو المزيد

                    Comment


                    • #11
                      تسلم ايدك ياهنو لكن عندي سؤال فني
                      الويكاب بتاكل بالكسرة ولا قراصة ولالقمة
                      ولا عيش

                      Comment


                      • #12
                        ملاح الروب باللقمة

                        ملاح الروب بالعصيدة (اللقمة)



                        ولا بالكسرة

                        Comment


                        • #13
                          المشاركة الأصلية كتبت بواسطة همس المواني مشاهدة المشاركة
                          تسلم ايدك ياهنو لكن عندي سؤال فني
                          الويكاب بتاكل بالكسرة ولا قراصة ولالقمة
                          ولا عيش

                          يخليك حبيبتى

                          الويكاب بتاكل بكل الذكرتيهم ديل

                          حسب الرغبة

                          لكن فى الغالب بالكسرة والعصيدة

                          تسلمى


                          Comment


                          • #14
                            المشاركة الأصلية كتبت بواسطة دعوني أكفف دمعة مشاهدة المشاركة
                            ملاح الروب بالعصيدة (اللقمة)



                            ولا بالكسرة




                            سمسوم مشتاقون

                            صدقى ملاحك ده لقيتو ملطوش فى واحد من المنتديات وكنت ناوية اجيبو وارجع الحقوق لاصحابها

                            تسلمى ياست الكل





                            Comment


                            • #15
                              أم رقيقة

                              ملاح أم رقيقة




                              ولو معاها ضلع كمان تكون كملت

                              Comment

                              Working...
                              X