إعلان

Collapse
No announcement yet.

المطبخ السودانى العامر.... حبابكم عشرة ....اتفضلوا

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • ريماس هيثم
    replied
    من كل قلبي اهنيكم واشكركم على اتحافنا
    وامتاعنا بكل جديد وحصري
    وبأقلام تستحق المتابعه والاشاده
    اتمنى لكم التوفيق

    Leave a comment:


  • منية الله
    replied
    شكلها الجوعة حتخليني أرفع بوستات كتيرة هههههههههههه

    Leave a comment:


  • هنوها
    replied

    Leave a comment:


  • هنوها
    replied
    النوع التاني ملاح اللبن
    المكونات : لبن ويكاب ويكة او بصل
    اللبن في النار وعليه بصلات مقطعات يعني بصلة مقطة وممكن بدونهاا وويكاب طبعا الويكاب كما في الصورة ولانه بحمض لو كترتيهو فيكفي مقدار طرف الاصبع نكسريهوا من الطرف وترميهو في الحلة حيبدا اللون يتغير
    ويفور المحتوي وطي علي النار تماما حتي لا ينسكب ثم اضيفي الويكة بمقدار مناسب حسب الرغبة وطبعا اما كسرة او عصيدة ومعاه الشطة الخضرا

    بقتصر علي الويكاب واللبن

    ملاح اللوبا بتاكل بالكسرة والعصيدة والاطفال بحبوه بالرغيف وبحتاج قليل من الويكة وممكن حتي ماتعمليها

    ملاح الويكاب باللوبا
    مقدار كوبين لوبا مدروشة ونضيفة ومغسلة جيدا ويفضل وضع مصفي عند غسيلها

    نضعها في الحلة ومعها بصلتين وممكن ان نشوح البصلتين اول ثم نضيف الماء واللوبا و حبة طماطم( وحبة ماجي حسب الرغبة )ونتركه ليغلي قليلا ثم نضيف الويكاب ونخفض النار الويكاب بعمل عمل الكربونات يعني بهرس اللوبا تماما وبعد يغلي وتشعري انو استوي اضيفي كوب صغير زيت افضل السمسم وكوب حليب اولبن حليب وفول سوداني دكوة مقدار معلقتين طبعا ذوبيهم في قليل من الماء اضيفي البهارات التي ترغبين والملح ثم افركي بالمفراك بعدها اضيفي الويكة المطحونة بالمقدار المناسب وماتكتري الويكة لان الملاح اصلا تقيل
    بعد كده اما عصيدة واما كسرة وممكن تضيفي السمن علي الوجه
    بالنسبة للويكاب

    الويكاب راقد في سوق امدرمان محل النسوان الببيعوا الكسرة وعند بتاعين البهارات بتلقي اللوبا مدروش جاهز ونضيف ولوعايزة يطحنوا ليك بودرة وده البعمله انا للسفر

    اي سوال حاضرين
    Last edited by هنوها; 10-05-2010, 02:49 AM.

    Leave a comment:


  • دعوني أكفف دمعة
    replied
    تشكرااااااااااااااات والله
    لو عايزة ويكااااااااااااااب اجيبو من وين ؟
    ما تقولي لي الجزيرة دايرة محل في الخرتووووووووووووم دا
    وتاني شئ الويكاب بتاع اللوبا بالخبز ولا الكسرة

    تااااااااااني سؤال النوع التاني دا ياااااااااااهو ملاح اللبن؟

    Leave a comment:


  • هنوها
    replied
    مكونات الويكاب يا فطومة رماد قصب وبكون شكله كده

    Last edited by هنوها; 10-05-2010, 03:01 AM.

    Leave a comment:


  • فاطمة
    replied
    لا العطرون برااو...نحن بنجيب العطرون حجر احمممر...والويكاب بيصلنا من مدني مخصوص في شكل حجر ...لكن ما رماد

    Leave a comment:


  • هنوها
    replied
    مشكورة فطوم وصف لذيذ والويكاب خشم بيوت بعدين هو رماد القصب وليس حجر البقولوا ليهو حجر ده العطرون

    والويكاب اصله كما يقولون من اهل الغرب وليس الجزيرة

    دمتي ياغالية

    Leave a comment:


  • فاطمة
    replied
    الويكاب يا جماعة ملاح ناس الجزيرة...وهو عبارة عن حجر....بيتم بل جزو منو ويصب في خلطة مكونة من :

    1\ لوبة تبل بعد تنظيفها وتقشيرها واصلا بتكون مدروشه...وبلها ونقعها ...ومن ثم توضع في حله ويفضل بريستو...ومعاها بصلتين كبار يعني مثال مقدار كبايتين لوبه مع البصلتين الكوووبااار..ومويه وبث...المويه منكن تكون مقدار 4 كبابي كووبار...وادوووهو الناااار ولمدة نصف ساعة او 10 دقايق من تعوعي(تصفر) الحله...وبث...بعد تنفتح وتبردوها تدوها الخلاااااته...وهاااك ياخلت...وبعدينك ترجعوها النااار وتدوها كوباية لبن كبيرة زايد حبيبة مويه حسب القوام ...ومعلقتين كوبار زيت طعام...وبعد يفور اللبن مع المووولاح تكونو بالين الويكاب في كووباية ومويتو نقعت من التراب بتاعو ...وبث تكوبو منو مقدار لحد ما المولاح ييبقي لونو بيج او اصفر حبه ما شديد...ويتم ملايقتو بالويكه...موووباااالغه مووبااالغه


    2\ بصلة تحمريها كبيرة كدا لمن تبقي دهبيه ..ياضفتي طماطمايا يا بلاها....واحسن بلاها..وتوووبي موية حجر الويكاب فيها بتقلبا خدرا...تقووومي كدي تكوبي مقدارك من اللبن العاوزاهو في حالة البصله الكبيرة كوبايتين لبن كوووبار ماكنات مووناسبة..وتخليهم يغلو,,,وتجي تلايقي بالويكه وبس..ودا خفييف لايؤكل الا بالكسرة فقققطن...


    ملحوووزة...

    جميع الوصفات خالية من اي بوهار..ما بيستحمل بوهااار..بث ملح

    دي وصفات ناس الجزيرة وكدا يعني...

    Leave a comment:


  • هنوها
    replied
    والله ما نزلتها كسل بس يا سمسم

    وتسلمي يا غالية الويكاب حلو واولادي بحبوهو

    انتي عارفة الناس بتخلط بينو وبين المرس (بكسر الميم) والمرس هو مصارين او شحوم البطن بطن البهيمة طيبعا يضاف لها عطرون وتغلق لتتخمر اما

    الويكاب لغير الناطقين بلغة ذاك العصر هو رماد القصب مع بعض التفاصيل السرية هههههه

    ولك الود سمسمتي
    Last edited by هنوها; 10-04-2010, 06:03 AM.

    Leave a comment:


  • دعوني أكفف دمعة
    replied
    تسلمي يا هنويا
    شكلو حلو ان شاء الله تكوني نزلتي الوصفة
    لانو كتااااااااار زي ماااابيعرفو الويكاب بس سمع ساي
    لكن بنتعلمو منك ان شاء الله
    ونذوق طعمو علي ايديك

    Leave a comment:


  • هنوها
    replied



    احلي ملاح ويكاب[/SIZE]
    Last edited by هنوها; 10-05-2010, 03:03 AM.

    Leave a comment:


  • toqtoq2000
    replied
    المشاركة الأصلية كتبت بواسطة دعوني أكفف دمعة مشاهدة المشاركة
    هسي يا طقطق يعنى ملاحي دا ما عجبك؟
    خليتيهو وجريتي ترد علي فطينة
    بعدين نحن ما محتاجين عزومة ياطقطق البيت بيتنا
    وانت ست الكرم

    بعد الشكر دا شوفي الملاح ياااااااااااااااخي
    والله يا سماسم
    اقول ليك قولة..

    من شفتا صوره في الفيس بوك انا نفسي فيو
    بس شنو زي تقولي
    عملتا رايحة
    عشان ما نفسي تدخل فيو زيادة

    بعدين خفتا يختي اقول نفسي فيو زي قلت قبل كده
    تقومي تقولي لي عرفنا الفسيخ
    ده عرفتيو من وين

    فقلت بلاش اجيب لي روحي اهوا وخليني ساكتة اخير

    Leave a comment:


  • سوزي
    replied
    ما شاء الله تبارك الله
    رهيب والله رهيب من الصورة ابداع كيف على ارض الواقع
    انا بقى طماعة في الملاح الاخضر ما عاوزة عزومة انا عاوزه الحلة كلها وانتو اتصرفوا
    اكيد زي ما قالت هنوها ( ملاح معلمين )

    Leave a comment:


  • هنوها
    replied


    ماشاء الله تبارك الله تسلمي ياسمسم يديك العافية والله ملاح معلمين عديل

    الله يحفظك

    Leave a comment:

Working...
X