إعلان

Collapse
No announcement yet.

دورة تأهيل الفتيات للزواج

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • #31
    الخلاف التانى:
    الزوج و الزوجة رايحين يباركوا لبنت خالتها اللى لسة متجوزة جديد
    و ساكنة فى احدى المدن الجديدة
    الزوج بقاله ساعتين بيلف بالعربية و مش عارف يوصل للعنوان
    الزوجة تقوله ماتسأل حد من الناس اللى معدية و لا اسأل البواب اللى عالناصية ده
    الزوج ينفخ بقرب و يفضل سايق كأنه ماسمعش حاجة
    هى تستنى شوية و تكرر طلبها مرة تانية بس المرة دى بحدة اكتر
    انا مش قلتلك نسأل حد؟ احنا هنفضل نلف حوالين نفسنا كده لحد ما نتأخر عالناس!
    هو يهز راسه و يقول اللهم طولك يا روح انا مش قلتلك انى عارف السكة و هوصلك؟
    خلاص سيبينى بقى اشوف شغلى انا عارف انا باعمل ايه!
    بعد شوية يوصلوا فعلا للعنوان
    بس طول ما هم قاعدين عند الناس كل واحد فيهم مادد بوزه شبر و بيتجنب التانى
    من غير ما يفهم هو زعلان ليه
    من وجهة نظر الزوجة هى كانت بتحاول تقدم المساعدة
    لان ده بيدل بالنسبالها على الحب و الاهتمام
    و من وجهة نظر الزوج هى طعنت كرامته و اهانته ان طلب المساعدة من الغير
    فى نظر الرجل المريخى بيدل على عدم الكفاءة و العجز عن انجاز المهمة بنفسه
    يعنى هو شايف انه بتتهمه باعجز و هى شايفة انه بيرفض حبها و اهتمامها
    الحل السليم كان فى انها تحسسه بثقتها فيه و تثبتله ايمانها بقدرته على انجاز المهمة
    بالسكوت و تركه ينجزها بنفسه
    و النتيجة كانت هتبقى قضاء سهرة سعيدة و شكره عندما يعودا الى المنزل

    الخلاف الثالث:
    فى يوم فكرت الزوجة انها تعمل حاجة جديدة عشان تكسر بيها الملل
    اللى بدأ يتسرب لحياتها الزوجية
    فقررت تعمل عشا رومنسى و تفاجئ بيه جوزها
    طبعا نضفت الشقة ووقفت فى المطبخ بالساعات عشان تعمله الاصناف اللى بيحبها
    و جريت وضبت نفسها قبل ما يجى
    الزوج بيدخل من الباب تعبان و قرفان و مش شايف اى حاجة من اللى هى عملتها
    هى بتحاول تنبهه و تقوله ايه رأيك فى المفاجأة دى
    هو يتلفت حواليه و يحاول يعرف هى بتتكلم عن ايه من غير فايدة
    فتلحق و تقوله انا عملتلك الاصناف اللى بتحبها كلها و هنتعشى النهاردة على ضوء الشموع
    هو يقعد عالسفرة من غير حتى مايغير هدومه و يبدأ ياكل من سكات
    هى تسأله ايه اخبار الشغل يا حبيبى؟
    يرد باقتضاب و يقول كويس
    تقوله يعنى عملت ايه النهاردة؟
    يقولها كانه بيكلم نفسه ولا حاجة
    تقوله مالك يا حبيبى؟
    يقولها بزهق ماليش
    تقوله طيب تحب نشوف فيلم ايه بعد العشا؟
    يقولها بلا مبالاه اى حاجة
    هى تسأله انت بتحبنى؟
    هو يجاوب باستغراب و انزعاج ايوة طبعا باحبك اومال اتجوزتك ليه؟!!!
    تقوله طيب ليه مش بتتكلم معايا؟
    ليه ما بقتش تحكيلى حاجة؟
    انت اتغيرت ما بقتش تهتم بيا زى الاول
    هو يبدأ يزعق و يقول يا ستى باحبك باحبك عايزانى اعمل ايه يعنى اقطع نفسى؟
    تقوم هى معيطة و تقوله و هى بتتشحتف انت ما بتحبنيش
    انت عمرك ما حبيتنى!!!!
    طبعا يقوم واخد بعضه من غير مايكمل اللقمة اللى فى ايده و ينزل
    و يسيبها بتعيط فى البيت لوحدها
    المشكلة هنا ان الزوجة مافهمتش ان جوزها كان باله مشغول
    و الراجل لما بيبقى بيفكر فى مشكلة بيدخل الكهف زى ماتفقنا
    و لما الراجل يدخل كهفه يا ويييييييييييييييييل اللى يدخل وراه او حتى يزعجه
    هى كانت عايزة تعرف ايه اللى شاغله عشان تساعده او على الاقل تواسيه
    اما هو فكل اللى كان محتاجه هو انها تسيبه يفكر فى هدوء
    عشان يحل مشكلته بسرعة و يخرج من الكهف يتفرج معاها على الفيلم
    و يكملوا ليلتهم الرومانسية

    Comment


    • #32
      الخلاف الرابع:
      المنبه بيرن الصبح و الزوجة تقوم من السرير جرى عشان تعمل لجوزها الشاى
      و تحطه جنبه على الكومودينو و تصحيه
      و تجرى تكوى هدومه و تجهز الفطار
      و ترجع تصحيه تانى
      و تخش الحمام و تطلع تلبس
      و ترجع تصحيه تالت
      الزوج يقوم اخيرا و يخش الحمام و يطلع يسألها فين هدومى؟
      ترد عليه من اوضة الولاد قدامك عالسرير
      الزوجة تشطف الولاد و تلبسهم و تدخل المطبخ للمرة التالتة عشان تعمل الساندوتشات
      و تسمع جوزها بيسأل فين الشراب؟
      ترد عليه وهى بدأت تفقد اعصابها فى مكانه فى الدرج
      الزوج يسألها المرة دى سؤال مستفز : طيب البس انهى شراب الاسود ولا البنى؟
      هنا بقى الزوجة تفقد اعصابها تماما و تقول بعلو صوتها
      هو انا المسئولة عن كل حاجة فى البيت ده؟
      هو مافيش حد يعرف يعمل حاجة لوحده؟
      كل يوم تقوم متأخر و تفضل تجرينى وراك انت وولادك لحد ما ننزل
      مافيش يوم نقوم براحتنا و نوصل فى معادنا؟
      لازم كل يوم اسمعلى كلمتين من المدير و فى اخر كل شهر يخصملى نص مرتبى؟
      و تفضل الزوجة تبرطم لحد ما ينزلوا من البيت
      و هو فى حالة ذهول تام لان اللى حصل النهاردة هو اللى بيحصل كل يوم
      ايه اللى جد عشان يخليها تنفعل كدة؟
      طبعا بيرجع من شغله و هو مكشر و مبوز و مايرضاش يتغدا و يخش ينام
      الزوجة هنا معذورة لانها فضلت تقوم بدورها فى رعاية كل من فى البيت
      و الاهتمام بكل كبيرة و صغيرة و التضحية براحتها فى سبيل اسعادهم
      لكن بعد فترة بتحس انها استنزفت و مش قادرة تدى اكتر من كدة
      خصوصا لو ماحستش باى تقدير يعوضها عن تضحياتها
      لكن الزوج ماعندهوش فكرة انها تعبانة لانها عمرها ما طلبت منه مساعدة
      لان الرجال فى المريخ مش بيتبرعوا انهم يساعدوا الغير الا اذا طلب منهم
      و فى نفس الوقت هى غلطانة عشان عبرت عن استيائها بلغة لا يفهمها الرجل
      لما قالت هو انا المسئولة عن كل حاجة فى البيت ده؟مافيش حد بيعمل حاجة لوحده
      كان قصدها بلغة نساء الزهرة ان الحمل تقيل عليها
      لكن الزوج فهمها بلغة رجال المريخ على انها اتهام بانه مقصر
      و عمره ما بيعمل اى حاجة ابدا
      و لما قالت لازم كل يوم اسمعلى كلمتين من المدير و فى اخر كل شهر
      يخصملى نص المرتب؟
      كان قصدها ان بالاضافة للحمل اللى شايلاه فى البيت انها بتتحمل كمان
      ضغوط فى الشغل
      هو بقى فهم انها بتحمله مسئولية مشاكلها فى الشغل و بتتهمه انه السبب
      فى خصم مرتبها
      الحل السليم اللى الزوجة كان مفروض تعمله انها تلجأ للزوج قبل ما تتعب
      و تطلب منه المساعدة بكل وضوح و هدوء
      و الزوج كان مفروض ماياخدش كلامها بالمعنى الحرفى ويفهم انها بتنفس
      عن غضبها مش بتتهمه فيقوم بتهدئتها
      و الان بعد ان فهمنا اوجه الاختلاف بين كل من الرجال و النساء
      يمكننا ان نستخدمها لتحليل اى موقف و فهم دوافع الطرفين و تجنب الخلاف

      Comment


      • #33
        تسلمى يا مى دوره مفيده للجميع

        Comment


        • #34
          تسلمو كل من مرو على الدورة اتمنى فعلا تكون مفيدة ماهنزل الباقى الا لما نقرا الحلقات اللى فاتت جيدا
          لندخل فى الجديد

          Comment


          • #35
            الحلقة الخامسة
            خطة ابلة نظيفة
            الخطة الشاملة لترتيب المنزل:
            اولا الارضيات
            يوميا-ركزى على الاماكن اللى فيها دهس كتير زى المدخل و الممرات و المطبخ
            و لو الارضية سيراميك اكنسيها بفرشة ناعمة او مساحة عليها فوطة عشان تلم التراب
            و لو الاماكن دى فيها سجاد نضفيها بالمكنسة الكهربائية
            اسبوعيا-امسحى كل الارضيات فى الشقة حسب نوعها
            لو خشب استعملى الشاى!
            ايوة الشاى مش مكلف و امن لو فى اطفال بتزحف و مفيد للخشب
            هتنقعى ست اكياس شاى فى جردل ماء ساخن و تمسحى بيه الارضية
            بس اعصرى الفوطة كويس عشان الماية الكتير مش كويسة للخشب
            و لو سيراميك هتستعملى ماية عليها كام نقطة منظف سائل و تمسحى عادى
            و السجاد هيتنضف كويس بالمكنسة الكهربائية مرة بالطول و مرة بالعرض
            و اتعودى تفضى المكنسة فى كل مرة تستعمليها عشان قوة الشفط بتقل لما تكون مليانة
            شهريا-حركى قطع الاثاث الكبيرة زى ترابيزة السفرة و التسريحة و الكونسول و غيرها
            و نضفى تحتها
            طلعى السجاجيد فى البلكونة و نفضيها
            سنويا- لازم تبعتى السجاد يتنضف عند متخصص
            ثانيا المطبخ
            يوميا- طبعا هتشطبى الحوض و تعقمى الاسطح الرخام و الترابيزة و لوحة التقطيع
            بمسحها بماية و خل او ماية و كلور
            و تمسحى سطح البوتاجاز و الاجزاء المتسخة من الارض زى حوالين الزبالة و البوتاجاز و الحوض
            و يفضل وضع دواسة امام الحوض عشان اى ماية تطرطش و انت بتشطبى ماتلبخش المطبخ كله
            اسبوعيا- امسحى الادوات الكهربائية زى الخلاط او الكيتشن ماشين و الغلاية الكهربائية و المايكرو ويف...
            بفوطة مبلولة و معصورة جيدا و كمان الدرف الخارجية بتاعة دواليب المطبخ مع التركيز على الاماكن
            اللى حوالين المقابض
            و لو لزم الامر ممكن تنضفيها الاول باسفنجة مبلولة بماية و سائل تنضيف الاطباق
            و نضفى البوتاجاز كله من فوق و من الجناب و من جوة
            و انقعى العيون الاول فى ماء ساخن و خل قبل تنضيفها بالصابون
            و امسحى الارضية بالكامل بماية و صابون
            شهريا- نضفى الدواليب من الداخل و التلاجة
            افرزى كل اللى عندك و اتخلصى من اى حاجة انتهى تاريخها
            فكى الشفاط و اغسليه
            سيراميك الحوائط تنضيفه هيعتمد على لونه لو كان فاتح هيبقى كل كام شهر
            و لو غامق مرتين فى السنة

            <!-- / message --><!-- sig -->
            ثالثا الحمام
            يوميا- نضفى الحوض و التواليت من الداخل و نشفى الارض
            اسبوعيا- نضفى الحوض و التواليت و البانيو من الداخل و الخارج
            و ادعكى السيراميك اللى فوق الحوض و حوالين الدش
            و ادعكى الارضية بالفرشة و الصابون
            شهريا- فكى ستارة البانيو و اغسليها فى الغسالة و اشطفيها بخل
            تنضيف سيراميك الحوائط هيعتمد برضه على لونه بس هنا عكس المطبخ
            لو فاتح ممكن يستحمل الغامق هو اللى بيجير بسرعة

            <!-- / message --><!-- sig -->

            Comment


            • #36
              رابعا غرف النوم
              يوميا- هترتبى السراير و تعلقى الهدوم و تلمى الغسيل
              اسبوعيا- غيرى الملايات و لمعى البنور و الخشب و نضفى السجاجيد بالمكنسة و امسحى الارض
              شهريا- نضفى المرتبة بالمكنسة الكهربائية و شمسيها
              و لو سريرك جنابه نازلة للارض و مش بتطولى تنضفى تحته اسبوعيا يبقى شيلى الملة بالمرة
              و المرتبة بتتشمس و نضفى تحته
              خامسا غرف الاطفال
              يوميا- عوديهم يشيلوا كل اللعب فى اماكنها قبل النوم و لو صغيرين ساعديهم بس لازم ده يكون روتين يومى
              اسبوعيا- افرزى محتويات الادراج و اتخلصى من الورق المقطع و الاقلام الفارغة و اللعب المكسورة ...
              شهريا- اعملى تدوير للعب بتاعتهم يعنى خلى جزء قدامهم يلعبوا بيه و جزء شيليه
              و كل شهر بدلى عشان ما يزهقوش
              سادسا الشبابيك و البلكونات و الابواب
              يوميا-حاولى تكنسى البلكونات
              خصوصا اللى بتقعدى فيها و اللى بتنشرى فيها الغسيل
              عشان تحافظى على نضافة الشقة من الداخل و التراب مايخشش مع الرجلين
              اسبوعيا-هتنضفى الشيش و السلك بالفرشة و تلمعى الزجاج و تنضفى السور بتاع البلكونة و تمسحى الارض
              شهريا-صبنى الابواب ودرف الشبابيك من الداخل و ركزى على الاجزاء اللى حوالين المقابض و على الحلوق
              سنويا-خلى حد يخلعلك الاشياش و اغسليها بس بسرعة من غير ما تفضل فى الماية مدة طويلة
              و درف الالوميتال كمان ممكن تتخلغ و تتغسل

              <!-- / message --><!-- sig -->
              سابعا التنظيف السريع
              فى حالة لو ضيوف هيجولك فجأة هاتى سبت غسيل او كرتونة فاضية و اعملى مسابقة للولاد
              خليهم يلموا اى حاجة مش فى مكانها قبل عشر دقايق ما يخلصوا
              نضفى الحمام و خليه زى الفل لان ده المكان اللى الضيف هيدخله لوحده و يقعد يتفحصه براحته
              نضفى الريسبشن بالمكنسة سريعا و اقفلى بيبان بقية الغرف
              لمعى التراب من على الترابيزات بالريشة
              لو ماعندكيش الفواحة بتاعة الزيوت ممكن تحطى حلة صغيرة على النار
              و تحطى فيها قرفة و قرنفل و قشر تفاح او برتقال هتدى ريحة جميلة
              و نصيحة اخيرة اى حاجة مش محتاجة تنضيف ماتضيعيش فيها وقت ركزى على المهم



              Comment


              • #37
                منظفات طبيعية:
                اولا الخل
                1-يعقم لوحة التقطيع الخشبية
                2-يزيل الروائح الكريهة من البالوعات عند تركه فيها لمدة 30 دقيقة قبل فتح الماء
                2-يزيل بقع العرق من الملابس قبل غسلها
                4-يمنع ظهور النمل عند استخدامه لمسح الارضيات و الاسطح و داخل الدواليب فى المطبخ
                5-يساعد على سرعة شطف و تنعيم الاقمشة عند اضافة مقدار كوب منه فى مرحلة شطف الغسيل
                6-يلمع الاكواب و الاطباق و يجعلها خالية من البقع عند اضافة كوب منه فى غسالة الاطباق
                7-يمنع ظهور الفطريات عند استخدامه فى تنظيف البانيو و التواليت
                ثانيا بيكرونات الصودا
                1-تزيل الروايح الكريهة من السجاد عند رشها و تركها لمدة 15 دقيقة ثم ازالتها بالمكنسة الكهربائية
                2-تزيل الروائح الكريهة من الاحذية الرياضية و حاويات القمامة
                3-تمتص الروائح من الثلاجة عند ترك كمية منها فى علبة مفتوحة داخل الثلاجة
                4-تعمل على تسليك البالوعات عند خلطها مع الخل و صبها داخل البالوعة

                Comment


                • #38
                  التعامل مع الغسيل



                  1-افرزى الغسيل الى ابيض و الوان و غوامق و لانجيريهات و اغسلى كل منها على حدى


                  2-نضفى اى بقعة اول باول قبل ان تجف حتى لو كنتى مش هتغسلى القطعة بالكامل


                  رغى على الجزء المتبقع بالصابون العادى بتاع الايدين و ادعكيه و اشطفيه


                  و بعدين رغى عليه تانى و سيبيه مع بقية الهدوم لحد يوم الغسيل


                  3-انشرى الغسيل فورا بعد غسله عشان ما يتكرمشش و تسهلى على نفسك المكوى


                  و لو بتستخدمى مججف يبقى طلعى الهدوم قبل ماتجف تماما و علقيها


                  4-الملابس الجديدة اللى شاكة فيها اغسلى طرفها على ايدك عشان تتأكدى اذا كان اللون ثابت ولا لأ


                  5-الالوان الغير ثابتة انقعيها الاول فى ماية باردة بخل عشان يثبت اللون


                  6-الملابس التريكو و اى حاجة قابلة انها تتمط حطيها فى كيس مخدة و اربطيه قبل ما تحطيها فى الغسالة


                  7-اى حاجة فيها سوستة اقفليها الاول قبل ما تحطيها فى الغسالة


                  8-الفوط بتاعة الوش و اكياس المخدات يا ريت تغسليهم لوحدهم


                  9-الزراير شيكى عليهم و اللى مش ثابت ثبتيه كويس عشان مايضعش او يسد فلتر الغسالة


                  10-كل فترة شغلى الغسالة على الفاضى بماية بس من غير صابون او بماية و خل


                  عشان يزيل رواسب الصابون من جواها و اخلعى درج المسحوق و اغسليه و افتحى الفلتر و نضفيه

                  <!-- / message --><!-- sig -->

                  Comment


                  • #39
                    الحلقة السادسة
                    الحموات الفاتنات
                    انواع الحموات




                    نحن نعلم أن الحماه هى الصوره الأقل جمالا والأكثر حساسيه فى حياة بعض الرجال والنساء


                    لذلك سنضع خطوط عريضه


                    لتصنيف الحماه ثم نتطرق لكل نقطه على حدا فى موضوعات متتاليه


                    فالحموات أنواع


                    :


                    1-الحماة المثالية


                    وهى التى تؤمن حضورا حيويا ومحبة وخدومة وتكون حاضرة عند الحاجه اليها فقط وهى أفضل صديق لأحفادها


                    :


                    2-الحماة الكابوس


                    وهى التى تعتبر نفسها الكلفى الكل تتدخل فى كل شىء وتحاول فرض آرائها ووجهة نظرها فى كل الأمور بالقوة و مايعجبها هو المفروض على الجميع تنفيذه وهى فى جدال دائم مع أحفادها ولا تتحملهم أبدا


                    :


                    3-الحماة المتحرره


                    أمرأه ذكية بنت لنفسها مركزا مهنيا مرموقا تتناقش وتمد يد العون أحيانا لكنها مقتنعة أن لديها أمور خاصة أهم


                    :


                    4-الحماة غيرالكفوء


                    هى أمرأة لا يمكن تحميلها أية مسئولية لأنها أم فوضوية ومشتتة الذهن أو لا تحسن القيام ببعض الأمور ومع ذلك فهى لطيفة محبة ومستعدة لمد يد العون


                    :


                    5-الحماة الأجتماعية


                    هى أمرأة لا تقوم بأى عمل ولا تقدم أى مساعدة لزوجة الابن والأحفاد فهى تزور ابنها للتسليه وتضيع الوقت فقط ومسايرة الجيران والزوار


                    :


                    6-الحماة المتملكة


                    وهى التى تحب أبنها أكثر من أى شىء فى العالم وتعتبره كنز لا تستحقه أمرأة أخرى تغار من زوجة أبنها غيره عمياء لا تداعب الأطفال ولا تهتم بهم ألا فى حضور أبنها لأظهار أحسن نواياها


                    :


                    7-الحماة المتسلطة


                    وهى عادة تعيش فى بيت واحد مع أبنها وهى الآمرة الناهية فى البيت ولا تسمح لأحد أن يتعدى على صلاحيتها ودائما تفرض نظامها الخاص على الجميع


                    :


                    8-الحماة المدللة


                    وهى أمرأه رائعه الى أبعد الحدود وحنونة الى درجة أفساد أحفادها كل ما ترفضيه خوفا على أبنك من الأفساد هى تفعله والعقاب لهم غير وارد نهائيا


                    بل من الممكن أن تحرض أحفادها على والديهم عندما يقسون عليهم مما يجعل التربيه أمر شبه مستحيل معها


                    لكن يحبها أحفادها جدااااااا



                    والان مع شرح كل نوع بالتفصيل

                    Comment


                    • #40
                      الحماة المثالية




                      وهى التى تؤمن حضورا حيويا ومحبة وخدومة وتكون حاضرة عند الحاجة اليها فقط وهى أفضل صديقة لأحفادها



                      وتعتبر هذه الحماة من أفضل أنواع الحموات



                      حيث أنها



                      - يسهل التعامل معها



                      - يسهل كسب ودها ورضاها



                      - تقدر الجميل
                      لذلك يجب الحرص على برها ورضاها
                      الحماة الكابوس



                      وهى التى تعتبر نفسها الكل فى الكل وتتدخل فى كل شىء وتحاول فرض آرائها ووجهة نظرها فى كل الأمور وبالقوة و ما يعجبها هو المفروض على الجميع تنفيذه وهى فى جدال دائم مع أحفادها ولا تتحملهم أبدا


                      و هذا النوع من الحموات يتصف بالفضولية



                      كيفية التعامل معها:



                      1-أشبعى فضولها بدون أن تدخليها فى خصوصيات ولا تسردى لها كل ما فى الحياة الزوجية ولاتهمليها لأن فضولها يجعلها كابوس بالنسبة لحياتك تعاملى معها بذكاء ودهاء.


                      2- قولى لحماتك ياماما هذه الكلمة واقعها كالسحر على آذانها.


                      3-أكثرى من أستشارتها فى الأمور المنزلية وأن كنت على علم بها.
                      مثلة على طرق التعامل معها:

                      الحوار الاول

                      زوجة الأبن: ماما قوليلى بتعملى الباشميل أزاى بصراحة أكلك بيعجبنى قوى
                      الحماة: شوفى يا ستى بعملها بكذا طريقه كذا وكذا........
                      زوجة الأبن:هحاول أجرب طريقتك بس يارب تطلع جميلة زى ما بدوقها عندك
                      الحماة: أصل أنا بعملها من زمان وأنت لسة فى بدايتك
                      زوجة الأبن: يعنى أن شاء الله فى أمل فيا أبقى ست بيت شاطرة زى حضرتك
                      الحماة:أنت وشاطرتك
                      زوجة الأبن: هحاول أكون شاطرة بنفسك طبعا يا ماما
                      الحماة: يا ستى وأن معرفتيش ونفسكوا فيها قولولى وأنا أعملهالكم
                      زوجة الأبن:طب وبعدين ياماما هناخد على كدة وهنتعبك معانا أنا عاوزة أشيل من على كتافك مش حضرتك تشيلى همنا على العموم هجرب وأكيد هحتاج ملاحظاتك ولازم تبقى أول واحدة تدوق عمايل أديا ومش هزعل من أى ملاحظه تقوليها لى علشان عاوزه أتعلم وأستفاد منك
                      :
                      حاولى أن يكون شاغلك الشاغل كسب ثقة حماتك وأن تجعليها تحبك بحواراتك الشيقة
                      شاركيها فى قضية سمعتيها وأهتمى بالتفاصيل فالحماه تعودت أن تكون مسؤلة دائما بحكم أنها أم قامت بتربية أبناءها والسهر عليهم وفجأة أصبحت لا تشعر بهذه المسؤلية
                      هذا ما يحدث الفراغ لديها ويجعلها تبحث دائما عن ما يشغلها فكونى لبقة وحاولى أن تشغلى بالها دائما وأن تشاركيها التفكر معك فى الأشياء التى ترينها هى كفء لها
                      أهم شىء لا تحسسيها بالمثل الذى يقول (ربى يا خيبه للغايبه)

                      الحوار الثانى
                      الحماة:كنت فين دا أنا مستنياك من بدرى
                      وزجة الأبن:آه ياماما دا أنا من بدرى مستنية تاكس او /تتصورى ياماما العربيه عملتها معايا ووقفت والطريق زحمة بطريقه صعبة جدا
                      (مش هتسيبك برده الفضول هيجننها)
                      الحماة:المهم كنت فين
                      (انت طبعا كنتى فى مكان مش عايزة تقوليلها عليه زى الدكتور مثلا)
                      زوجة الأبن:كنت بالف على المحلات و اتفرج على الفتارين
                      الحماة: يعنى مش شيفاكى جايبة حاجة
                      زوجة الأبن: دورت على شىء مناسب متتخيليش يا ماما الأسعار عاملة ازاى
                      حاجة ولا فى الخيال مش عارفة الدنيا جرا فيها أيه
                      الحماة: آه يابنتى الأسعار بقت صعبة جدا
                      زوجة الأبن: آه ياماما بس مهما الواحد أتكلم عن زيادة الأسعار وسمع عنها مش زيى اللى شفته أنهاردة
                      حماتك: أمال أنت فاكرة أيه الله يكون فى عون الرجالة عليهم مسؤليات ومصاريف والدنيا مولعة
                      زوجة الأبن: ما هو دا ياماما اللى خلانى أغير رأيي وأقول حرام وأرجع بجد كان نفسى تيجى معايا علشان تشوفى بنفسك الأسعار وصلت لحد فين على العموم المره اللى جاية لما أنزل هعدى عليكى
                      الحماة: وعلى أيه هو أنا ناقصه حرقة دم
                      فاكرين أساس الحوار كان على أيه أكيد نسيتوا
                      هو دا بالظبط اللى أنت بتعمليه مع حماتك بتنسيها هى أساسا كانت بتكلمك على أيه يعنى بتتوهيها
                      من هنا بأقول لكم حاولوا أن تجعلوا لغتكم لغة حوار جميلة وشيقة تشبعى بها فضول حماتك بل ممكن تتحول حماتك الى أم حقيقيه لكى وتريد ودك باستمرار لأنك وضعت يدك على نقطة الفراغ التى تصيبها وقمت بأشباعها

                      Comment


                      • #41
                        الحماة المتسلطة




                        وهى التى تعيش فى بيت واحد مع الأبن أو هما يعيشان معها وهى الآمرة الناهية فى البيت ولا تسمح لأحد أن يتعدى على صلاحيتها ودائما تفرض نظامها الخاص على الجميع




                        هذه النوعيه من الحموات صفاتهم كالآتى:


                        التسلط: التسلط لدرجة التحكم فى الزوج والأبناء


                        التصيد: فهى دائما ما تتصيد الأخطاء الآخرين


                        ظالمة:هى دائمة الظلم ودائما ما تحلف بالله كذبا ويصل بها ظلمها الى حد قذف المحصنات.


                        حب الأمتلاك: فهوايتها دائما الأستيلاء على ممتلكات الغير وتعتبره حق من حقوقها.


                        ماكرة:فهى تستخدم سلاح المكر دائما للايقاع بفريستها فهى تخطط بدهاء


                        وتبيت النيه للغدر دون أن يشك بها أحد.


                        متقلبة المزاج: فهى دائما متقلبة المزاج وصعبة العشرة


                        صاحبة وجهين: أى منافقة فهى تسمعك كلاما حلواوتقول غير ذلك من وراء ظهرك.


                        نكدية:فالنكد بالنسبه لها ملاذ حيث أنها تتمكن بهذا النكد من تنفيذ أوامرها.


                        غيورة: رغم كبر سنها ألا أنها لا تقدر فارق العمر بينها وبين زوجةأبنها فتتغلب عليها الغيرة وتعامل زوجة أبنها وكأنها ضرة لها وتشاكسها وتقف دائماعلى كل كلمه وتتعامل معها على أنها كائن لا وجود له فهى دائمة التحدث مع أبنها ولاتعيرها أى أهتمام.




                        هذه النوعية من الحموات يريدون دائما التحكم بتصرفاتهم أمام المجتمع الخارجى


                        لكن دائما ما تصدر منهم أخطاء يجب أن نأخذها فى الأعتبار


                        فالطبع يغلب التطبع خصوصا فى سلوكها مع زوجها وأبنها( العريس )


                        على الرغم من تسلط هذه الأم ألا أنها تنجب نوعين منالأبناء:


                        ابن عديم الشخصية


                        و ابن ذو شخصية مستقلة

                        Comment


                        • #42
                          اولا فى حالة الأبن عديم الشخصية


                          يكون هذا الابن عديم الفائدة و لا يستطيع أن يفعل شىء دون الرجوع لوالدته ويستشيرها فى أدق تفاصيل حياته وهى دائما تختار له شريكة حياته وأن لم تعجبه لا يستطيع أن يقول لها ذلك أو يبدى رأيه وهذا الأبن دائما ما يفشل فى حياته الزوجية لأنه يريد أن يمارس ما سلبته والدته منه وهى رجولته فعندما يخرجها تكون دائما فى صورة غضب وثورة وهو دائم الغضب والخلاف مع زوجته ويترك المنزل دائما ويميل للجلوس فى أحضان والدته وهذا ما لا تستطيع الزوجه تحمله فيحدث الأنفصال

                          يجب على العروسة ملاحظة هذا قبل الاربتاط فتعيد حساباتها


                          و تفكر بعقلها ولا تتردد فى الانسحاب من هذا الارتباط


                          ثانيا فى حالة الابن ذو الشخصية المستقلة




                          هذه الحماه المتسلطة بما تحمله من العيوب السابق ذكرها لا تستطيع أن تسيطر على أبنها ذو الشخصية


                          لأن هذا الأبن نتاج تربية أم متسلطة وأب ذو شخصية قوية


                          هذا الأب على الرغم من عيوب زوجته التى يصعب على أى رجل معاشرتها ألا أنه يحتفظ بها حفاظا على كيان الأسرة وهنا أتذكر المثل الذى يقول الأم تعشش والأب يطفشلكن فى هذه الحاله تبدلت الأدوار


                          وأصبح الأب هو من يعشش ويستحمل حتى لا يهدم كيان الأسرة وهو شخص قوى ومتحضر


                          فيكون تأثيره على الأبناء أكثرمن تأثير هذه الأم المتسلطة فينحاز له الأبناء


                          وكلما كبروا زاد أحترامهم لوالدهم وفهمهم أكثر لطبيعة والدتهم وكيفية التصدى لها


                          فعندما يكبر هذا الأبن ويأخذ قرار الزواج ويختار شريكة حياته دائما ما تقع مشكلة بين هذا الأبن وهذه الأمالمتسلطة لأنه لم يعطها فرصة لممارسة تسلطها عليه فتوافق أن تخطب له


                          وهى تبيت النية بأن تنهى هذه الخطبة بطريقتها.

                          لحلول لتفادى هذه الحماة المتسلطة:



                          1-الأستقلالية:يجب على الزوجين الأستقلال بشقه بعيدا عن هذه الحماه الشرسه أن أمكن أن لم تتمكنوا من ذلك فلتقومى بعمل برواز لك كلما حاولت أختراقه لا تتمكن منه


                          هذا البرواز يعتمد على مدى اللياقه والأدب والذوق فى المعاملة أطار هذا البرواز هوالوفاق الدائم والأنسجام والتناغم بينك وبين زوجك وأن أختلفتم فى الرأى فلا يكون أمامها لديكما منزل تستطيعوا التحدث فى كل شىء


                          نختلف ونتفق داخل هذا المنزل أما غير ذلك لا تختلفوا أطلاقا لأنها تتصيد الأخطاء وعندها المقدرة على أحداث فجوة عميقه بين الزوج وزوجته


                          2-أرضاء غرورها:أرضى غرورها باتخاذها بعض القرارات العاديه مثلا خارجين كلكم كعائلة فقالت حماتك أنا عاوزة أروح السينما أنهاردة أسرعى أنت بالرد وانا معاك يا ماما أنا كمان عاوزة أروح السينما.


                          مثلا أعملوا حسابكوا بكرةهتتغدوا معانا مفيش مشكله


                          بس مش علطول حاولى تكونى تقيلة مش كل ما تقولك أنزلوا تروحوا تنزلوا علشان متخدش على كده كمان منعا من أى تصادم كل ما خففنا القاءات نتفادى المشاكل


                          3- عدم الأصطدام بها:سمعتى كلمه منها حاولى تتجنبيها وحاولى دائما تكونى مع زوجك عند أى مقابلة لك مع حماتك فأذا آذتك بكلمه سيقف أبنها ويوقفها وفى نفس الوقت سكوتك سوف تكسبى به تعاطف زوجك وهذا يوفر عليك الشكوى و مامتك قالت وعادت



                          حتى تستطيع زوجة الأبن التعايش مع هذه الحماه المتسلطه يجب أن تتحلى بالصفات الآتيه:



                          1- الذكاء والفطنة:بالحب والدلال والدلع والكلمة الحلوة تكسبى زوجك ويصبح بذلك لديك الحصن الذى يمنع عنك أى أختراق فلا يفل الحديد ألاالحديد


                          2- حلاوة اللسان:لا تضعى زوجك فى موقف المفاضلة بينك وبين والدته لأن هذه المفاضلة ستكونى أنت الوحيدة الخاسرة واللى ملوش خير فى أهله ملوشخير فى حد لهذا أجعلى كلامك مهما قالت لك حماتك حلو هذا يكسبك أكثر تعاطف زوجك ويصد عنك أى أذى ويحاول أن يستقل بحياته ويبعد المسافات بينك وبين والدته تفاديا للمشاكل

                          <!-- / message --><!-- sig -->

                          Last edited by may; 11-07-2010, 01:20 PM.

                          Comment


                          • #43
                            هذا البوست ليث للتثبيت فقط بل هو مرجع مهم ومهم ومهم .. شكرا مي واتمنى من الجميع قراءة وحفظ وتطبيق كل ماجاء به واضافة ماعندهم من خبرات ....
                            [align=center]العين التي لا تبكي لا تبصر في الواقع شيئاً[/align]

                            Comment


                            • #44
                              مشكور يا مجدى على مرورك تسلم
                              خليك متابع معانا

                              Comment


                              • #45
                                ياخي ربنا يخليك يا ميوية العسل


                                Comment

                                Working...
                                X