إعلان

Collapse
No announcement yet.

بنك الطعام للايتام

Collapse
X
 
  • Filter
  • الوقت
  • Show
Clear All
new posts

  • معاذ محمد
    replied
    السلام عليكم
    الأخ المعذ الفكره جيده ولكن مثلا إذا قمنا بالتنسيق مع المتبرع والاسره إحتمال الكافل مايواصل مع الأسره فيعطيهم الشهر الاول ثم يمتنع ، لكن الأفضل ان تتم جمع التبرعات ثم نقوم بالإتصال بالأسر لنضمن أن كل أسره أخذت حصتها هذا رأي الشخصي .
    ولابأس بأن نسمع بقية الأراء والأتفاق علي رأي واحد فيجب علينا المشوره جميعا وأن نجتهد في هذا الموضوع لنعم بالمصلحة والفائدة لليتيم.
    والله لايضيع أجر من أحسن عملا وجذاكم الله خير وشكرا. تحياتي معاذ

    Leave a comment:


  • المعز عثمان محجوب
    replied
    شكرآ لترحيبك- وعلي تحياتك الرائعة ابومثاني الجميلة- الموضوع كبير ومحتاج دراسة واستشارة بس ماصعب المسالة عايز استيعاب وياريت نختو في بالنا حتي ولو في المستقبل يعني ممكن نبدا بالسلع المهمة زي السكر والدقيق وغيرو وطبعآ حنستهدف المصانع وكبار موزعي السلع الممكن تتحفظ وممكن كمان الحبوب واهل الخير كتيير يعني ممكن كل شهر يكون في اسرة معتمده عندها كرت او بطاقة تاخد سكر من مصنع او موزع بعد التنسيق معاهو وكذلك بقية السلع من غير ما ننقلها للمقر يعني من المصدرلاسرة اليتيم بعد التنسيق ونحنا ننسق مابين الاسرة والجهة المانحة كل شهر كمية او مقدار معين يجي يستلمو احد افراد الاسرة ببطاقة او مستند معتمد مننا. وربنا يوفق ممكن نجرب بعد تحديد الاسر المحتاجة جدآ لسلع غذائية تساعدها علي مشقة الحياة ومساندة اليتيم بالمساهمة في تغذيتو- ولكم ودي.

    Leave a comment:


  • صديق محمد الامين البشير
    replied
    بسم الله الرحمن الرحيم
    السلام عليكم ورحمة الله وبركاته
    ماقلت ليكم نحنا كسبناااااااااا ابو الافكار زاتووووووووو اولا نحيك فى بيتك ومنظمتك ومنتداك ونرحب بالفكرة بتاعة بنك الطعام بس بتحتاج لدراسة شوية وامكانيات لانو غالب الطعام كل اسر الايتام بتحتاج له الاشكالية فى طريقة الحصول على المواد التموينية وطريقة توزيعها طبعا دى مامشكلة بس كيف تتجمع واين نضعهاا مع العلم اننا لدينا مشكلة مقر دائم للمنظمة ومرة تانية نحيك اخى عزوووو ومزيد من الافكاررررر وبالله التوفيق ...

    Leave a comment:


  • المعز عثمان محجوب
    replied
    شكري وتقديري علي ردودكم وتفاعلكم مع الفكرة وياريت نعمل علي طرحها بصورة اكبر واذا كان ممكن تتنفذ ولو بتعديل يناسب الظروف والاحوال للاسر- لكم ودي.

    Leave a comment:


  • شهد زعمان
    replied
    السلام عليكم ورحمة الله وبركاته
    مؤيدة وبشدة
    فكرة رائعة اتمنى لها النجاح

    Leave a comment:


  • معاذ محمد
    replied
    السلام عليكم
    في الحقيقة والله الفكره جيده لكن تحتاج لبعض الوقت والدراسة لكي تنفذ وأيضا تحتاج إلي المشوره بين الأعضاء رأي الخاص بأيد الفكرة وشكرا

    Leave a comment:


  • منية الله
    replied
    مرحب بيك يا المعز والله طبعاً أي فكرة ليها فايدة للأيتام بتكون مقبولة بس محتاجة لدراسة وراي من الناس
    دايماً كنا خاصة في مشروع رمضان بنفتح باب التبرعات من الناس والشركات والمصانع عشان يشاركونا بالسكر والمعلبات وغيرو من الحاجات اللي بتفيد الأسر أو كان كمان في مشروع المدارس لدعمهم ببعض المواد التموينية اللي ممكن تفيدهم زي المربى والطحنية ..
    في وقتنا الحاضر عدد الأيتام بقى أكبر زايد عن 1600 يتيم من عدد أسر بزيد عن الـ 520 أسرة، وطبعاً هي مصنفة حسب الحوجة لكل أسرة، فكرة المشروع محتاجة لدراسة ومشورة عشان نعرف راي الناس فيها
    وشكراً ليك على فكرتك..

    Leave a comment:


  • بنك الطعام للايتام

    السلام عليكم خطرت علي بالي فكرة مشروع بنك الطعام للايتام- وعايز رايكم فيها- هل ممكن نقدر نجمع بعض البقوليات مثلآ والدقيق والسكر ويكون مخزون لصرفه للايتام بطريقة مدروسة علي حسب حوجة كل اسرة- ياريت اراءكم شباب- وطبعآ حنستهدف التجار وغيرهو .
Working...
X