إعلان

Collapse
No announcement yet.

تلفزيون السودان يغطي مشروع المتطوع الصغير

Collapse
X
 
  • Filter
  • الوقت
  • Show
Clear All
new posts

  • تلفزيون السودان يغطي مشروع المتطوع الصغير

    اكتملت الترتيبات بتوفيق من الله سبحانه وتعالى وتعاون الاخوة المتطوعين اعضاء المنظمة لقيام مشروع المتطوع الصغير وهو حملة تهدف الى ترسيخ مبدأ العمل التطوعي الجماعي في نفوس ابناءنا منذ الصغر من خلال تطبيق هذا المشروع في مدارس الاساس واعطاء الطلبة مشروع تطوعي صغير لتطبيق وهو جمع ملابسهم الزائدة عن حاجتهم لاخوانهم المحتاجين وبذلك يشاركوننا مشروع فرحة العيد المقرر تنفيذه من قبل المنظمة قبل العيد لاسر الايتام المسجلة لديها

    تغطية التلفزيون السوداني جاءت بمساعدة وتنسيق مع الاخت رحيق الاسلام ستكون يوم الاحد المقبل الموافق 15\8 حيث سيرافقنا فريق عمل من التلفزيون في جولتنا على ثلاث مدارس خاصة كبرى في بحري الا وهي
    مدارس الرحيق المختوم الخاصة اساس
    مدارس القبس الخاصة اساس
    مدارس رياض الاسلام الخاصة اساس

    على ان تتم منتجة المحتوى وبثه يوم الثلاثاء الموافق 17\8 وبثه ضمن برنامج الصباح الجديد والفترة المفتوحة الخاصة برمضان

    دعواتكم لنا بنجاح المشروع ونتمنى من الجميع متباعه التغطية والتعليق عليها
    وشكرا
    ملاحظة هل الافضل اضافة هذه الرسالة الى البوست السابق الخاص بمشروع المتطوع الصغير ام ابقي عليها منفصلة ؟

  • #2
    السلام عليكم ورحمة الله وبركاته
    تقبل الله منكم دي مشروع كبير جداً ونقطة تحول هامة في المنظمة والعمل الطوعي عامة ...
    ياريت الاعداد يكون متقن باهمية الحدث ولكم التحية واحنا جاهزين لاي مساعدة مطلوبة ...

    Comment


    • #3
      [align=center]بصراحة انا كنت مستهونة المشروع ده وقلت اقوم بيهو براي لكن بعد ما ناس التلفزيون ضربوا واكدوا الجية اتجرست حبتين وضربت لي صفاء صفوية وقلت ليها انتي جوا الجك وانا دايرة انسحب من الموضوع ده كلو ههههههههه طبعا كلام بس
      وحسي بنرتب في الامور ودعواتكم معانا ولو في اي اقتراحات برضو
      شكرا باكراحلى[/align]

      Comment


      • #4
        ام محمد تسلمي....كنت اتمني تكون الجولة شامله مدرسة من امدرمان ياريييت
        Last edited by فاطمة; 08-13-2010, 01:39 AM.

        Comment


        • #5
          نسأل الله لكم التوفيق والسداد
          وجزاك الله خير يا ام محمد على هذه الجهود المقدره
          ربنا يكتب الاجر والثواب ان شاء الله

          Comment


          • #6
            ما شاء الله ام محمد مشروع ما ساهل
            وبالتوفيق ان شاء الله
            وجزاك الله كل خير
            احترامي

            Comment


            • #7
              الحمد لله الكريم المنان على أن جعل لنا مواسم للخيرات ويسر لنا العمل فيها ..

              ألف مبروك يا أم محمد انجازك الرائع وذاتي الفقيرة ماعملت حاجة تذكر
              كم انا فخورة بك وبانجازك .. ومعليش الواحد بيتجرس في الأول وتاني بيتعود هههههههه
              دي ميزة العمل التطوعي بيعلمنا مهارات جديدة في التعامل..

              أهمممم حاجة تحاولوا تسجلوا التغطية من التلفزيون وتنزل اليوتيوب .. ومن هنا اناشد مديرنا الطاهر مشكورا
              بالنسبة للتقرير ماتشيلي هم بظبطه لك ان شاء الله للنشر

              ياريت تورينا موعد البث بالضبط للبرنامج !!

              وأنا وتلفوني تحت امرك ..
              متابعين باهتمام والى الأمام يا مبدعة ..

              Comment


              • #8
                والله ما شاء الله الانجازات تتوافد، والفكرة دى فى حد زاتها رائعة تعلم اطفالنا المشاركة.
                الله يوفقك يا ام محمد وجزاكم الله خيراً

                Comment


                • #9
                  موفقين باذن الله

                  Comment


                  • #10
                    الله يوفقكم
                    الفكرة جميلة
                    في ميزان حسناتك الرائعة ام محمد
                    قلوبنا معاكم
                    [BIMG]http://www.blue-nil.net/vip//uploads/images/blue-f72652c2dd.gif[/BIMG]

                    Comment


                    • #11
                      ما شاء الله ام محمد موفقة يا رب وانتى وكل الاخوات الرائعات
                      مشروع ما ساهل والله وفرحة كبيرة للايتام
                      sigpic

                      أحزان قلبي لن تزول حتى أبشر بالقبول وأرى كتابي في يميني وتسر عيني بالرسول

                      Comment


                      • #12
                        ما شاء الله خبر رائع وانجاز كبير ويارب نجاح كبير كمان
                        التواجد المكثف فى وسائل الاعلان سيعود بالخير ان شاء الله الايتام والمنظمة
                        مشكورة ام محمد والاخت رحيق الاسلام فى ميزان حسناتكم يارب

                        Comment


                        • #13
                          ام محمد خطوة اكثر من ايجابية ... وبالتوفيق والحقيقة ماكنت فاكرة انو المشروع دة تحديدا سيتم بهذه السرعة اتمنى لكى التوفيق
                          وفعلا زى ماقالت ليك رحيق الاسلام انو العمل التطوعى بيخلق فينا مهارات جديدة فى التعامل وبيخلق بداخلنا روح الابتكار
                          بالتوفيق يا ام محمد

                          Comment


                          • #14
                            المشاركة الأصلية كتبت بواسطة فاطمة مشاهدة المشاركة
                            ام محمد تسلمي....كنت اتمني تكون الجولة شامله مدرسة من امدرمان ياريييت
                            والله يا فطومة انا نفسي المشروع ده يشمل كان الخرطوم وام درمان وبحري على اساس انو انا امسك بحري عشان ساكنة فيها وعندي علاقات مع المدارس القريبة ومتطوعين من ام درمان يغطوا مدارس ام در وناس الخرطوم يغطوا مدارسها وهكذا لكن الترتيب كان حاياخذ وقت بيني وبينك فقلت اتوكل على الله وما اضيع ايام رمضان اللي هي انسب وقت لبدء حملة زي دي تستهدف الحث على الصدقة وعمل الخير

                            Comment


                            • #15
                              المشاركة الأصلية كتبت بواسطة رحيق الاسلام مشاهدة المشاركة
                              الحمد لله الكريم المنان على أن جعل لنا مواسم للخيرات ويسر لنا العمل فيها ..

                              ألف مبروك يا أم محمد انجازك الرائع وذاتي الفقيرة ماعملت حاجة تذكر
                              كم انا فخورة بك وبانجازك .. ومعليش الواحد بيتجرس في الأول وتاني بيتعود هههههههه
                              دي ميزة العمل التطوعي بيعلمنا مهارات جديدة في التعامل..

                              أهمممم حاجة تحاولوا تسجلوا التغطية من التلفزيون وتنزل اليوتيوب .. ومن هنا اناشد مديرنا الطاهر مشكورا
                              بالنسبة للتقرير ماتشيلي هم بظبطه لك ان شاء الله للنشر

                              ياريت تورينا موعد البث بالضبط للبرنامج !!

                              وأنا وتلفوني تحت امرك ..
                              متابعين باهتمام والى الأمام يا مبدعة ..

                              الاخت رحيق شايفاك مستهونة بي روحك شديد هههههه انت الخير والبركة وان شاء المولى حاكون متابعه معاك وحاتصل عليك لما اعرف تفاصيل البث بالتحديد

                              Comment

                              Working...
                              X