إعلان

Collapse
No announcement yet.

هل تنجح هذه الفكرة معنا

Collapse
X
 
  • Filter
  • الوقت
  • Show
Clear All
new posts

  • هل تنجح هذه الفكرة معنا





    نفس طريقة تصميم الكشك الحديدي ده وبنفس الفتحة ويتكتب عليهو
    منظمة كفالة ورعاية الايتام السودانية
    مشروع جمع الملابس الفائضة

    وتنويه: يرجى وضع ملابس الأطفال فقط مع تلفونات المسئول عن المشروع

    حتكون في الاول اعلان وحضور للمنظمة في اذهان كل من يمر بهذا الكشك
    وفي نفس الوقت حتساعد في توفير ملابس بصفة دائمة للمحتاجين


    رايكم شنو والبداية حتكون من وين لو وافقتوا علي المشروع واتفقنا علي طريقة تنفيذه

  • #2
    عايزة شوية تفكير وتدبير
    هنا ناس صناع الحياة شغالين في نفس هذا المجال .
    وما تتخيل الملابس بيكون شكلها كيف ؟ لازم تعمل ليها فرز أول بأول ( من تجربتنا في هوب )
    غير أن هذا التصميم يحتاج لحراسة ع مدار الساعة

    Comment


    • #3
      طبعا مريت ومارديت...وقلت لو رديت بتقولو محبطة...بس كما قال الاخ عوض..هنا ماتنفع لانو بتتشال من الشماشه اول بي اول وقد يتم اعادة بيعها في سوق الجنوبيين......معليش مجرد وجهة نظر

      Comment


      • #4
        والله يا مدير انا من راي الجماعة انها صعب تتنفذ..
        انا كنت ضمن فريق الفرز لصناع الحياة
        زي ما قال عوض حالة الهدوم بتكون غريبة..
        في ناس بتتبرفع بالجديد والله ريحة العطر فيه كمان
        وناس اللهم بتنضف دواليبها على حس الفكرة دي...

        دي كلها مقدر عليها عملية الترتيب والتنسيق وكمان اعادة تغليف الملابس لتوزيعها...

        لكن المهم فعلا وين نلقى مكان تقدر تسيب الحاوية فيه بدون ما يحصل لطش منها او سرقة؟؟

        الا يكون الكشك مؤمن تماما بدون اي مجال للفتح..
        ويكون مدحل الملابس فتحة وحدة لا غير ولا يمكن تفتح الا من المخرج..

        يا خوفي تقلب بعدين مقلب زبالة اعزكم الله

        Comment


        • #5
          السلام عليكم ورحمة الله تعالى وبركاته *
          اولا اسف على التأخير والمتابعه معاكم فسامحموني *
          الموضوع مهم جدا لكن يا استاذ الطاهر باين من كلام اخونا عوض الخوف انو الحاويه يكسروها ويلا على سوق الاثنين وما شابه ذلك ، لكن لي اقتراح ممكن ينفذالمشروع وتوضع الحاويه في ديوان الزكاة وتحت مسئولية حراسهم ويكون المفتاح عندكم وتكون لجنه لفتح وترتيب الاشياء الموجوده واعادة تغليفها وتوزيعها *

          Comment


          • #6
            طيب انا بقول ليكم فكرة نحنا عندننا منظمة اسرية صغيرة فبنعمل الاتي تجمع الملابس فى بيت من البيوت معروف وهناك وبمساعدة جماعية يقومون بكيها وترتيبها

            يعني بيت ما حاوية
            بس تفتكر الفكرة دى تنفع مع منظمة كبيرة




            لو مدرسة من المدارس تتبني الفكرة وتجمع الملابس داخل حرم المدرسة ويكون اعلان بره


            Comment


            • #7
              المشاركة الأصلية كتبت بواسطة عوض أحمد مشاهدة المشاركة
              عايزة شوية تفكير وتدبير
              هنا ناس صناع الحياة شغالين في نفس هذا المجال .
              وما تتخيل الملابس بيكون شكلها كيف ؟ لازم تعمل ليها فرز أول بأول ( من تجربتنا في هوب )
              غير أن هذا التصميم يحتاج لحراسة ع مدار الساعة
              تسلم يا عوض واكيد كلامك مقبول جدا لانو عن تجربة
              وسيوضع في الحسبان ...

              لك فائق الود والاحترام

              Comment


              • #8
                المشاركة الأصلية كتبت بواسطة فاطمة مشاهدة المشاركة
                طبعا مريت ومارديت...وقلت لو رديت بتقولو محبطة...بس كما قال الاخ عوض..هنا ماتنفع لانو بتتشال من الشماشه اول بي اول وقد يتم اعادة بيعها في سوق الجنوبيين......معليش مجرد وجهة نظر

                وجهة نظر مقبولة ومافي اي احباط
                نحنا كلنا بنتشاور في الشي المعقول وممكن
                ونقبل جميع الاراء

                Comment


                • #9
                  المشاركة الأصلية كتبت بواسطة toqtoq2000 مشاهدة المشاركة
                  والله يا مدير انا من راي الجماعة انها صعب تتنفذ..
                  انا كنت ضمن فريق الفرز لصناع الحياة
                  زي ما قال عوض حالة الهدوم بتكون غريبة..
                  في ناس بتتبرفع بالجديد والله ريحة العطر فيه كمان
                  وناس اللهم بتنضف دواليبها على حس الفكرة دي...

                  دي كلها مقدر عليها عملية الترتيب والتنسيق وكمان اعادة تغليف الملابس لتوزيعها...

                  لكن المهم فعلا وين نلقى مكان تقدر تسيب الحاوية فيه بدون ما يحصل لطش منها او سرقة؟؟

                  الا يكون الكشك مؤمن تماما بدون اي مجال للفتح..
                  ويكون مدحل الملابس فتحة وحدة لا غير ولا يمكن تفتح الا من المخرج..

                  يا خوفي تقلب بعدين مقلب زبالة اعزكم الله
                  والله يا طقطق الناس البتنضف دواليبها دي هي المشكلة
                  مفترض الناس لمه تقدم حاجه تقدم الحاجه الكويسة وفي صورة كويسة

                  تحياتي وتقديري وسيتم التنسيق والترتيب بناء علي انطباعاتكم وردود افعالكم

                  Comment


                  • #10
                    المشاركة الأصلية كتبت بواسطة الحلفاوي مشاهدة المشاركة
                    السلام عليكم ورحمة الله تعالى وبركاته *
                    اولا اسف على التأخير والمتابعه معاكم فسامحموني *
                    الموضوع مهم جدا لكن يا استاذ الطاهر باين من كلام اخونا عوض الخوف انو الحاويه يكسروها ويلا على سوق الاثنين وما شابه ذلك ، لكن لي اقتراح ممكن ينفذالمشروع وتوضع الحاويه في ديوان الزكاة وتحت مسئولية حراسهم ويكون المفتاح عندكم وتكون لجنه لفتح وترتيب الاشياء الموجوده واعادة تغليفها وتوزيعها *
                    الحلفاوي حمدا لله علي السلامة ومنور ياخي
                    اقتراحك مقبول وسيتم البحث عن مكان مقفول ومحروس
                    تقبل فائق الاحترام والود ولا تنقطع عنا

                    Comment


                    • #11
                      المشاركة الأصلية كتبت بواسطة هنوها مشاهدة المشاركة
                      طيب انا بقول ليكم فكرة نحنا عندننا منظمة اسرية صغيرة فبنعمل الاتي تجمع الملابس فى بيت من البيوت معروف وهناك وبمساعدة جماعية يقومون بكيها وترتيبها
                      يعني بيت ما حاوية
                      بس تفتكر الفكرة دى تنفع مع منظمة كبيرة

                      لو مدرسة من المدارس تتبني الفكرة وتجمع الملابس داخل حرم المدرسة ويكون اعلان بره
                      شكرا يا هنوها
                      اقتراح المدرسة ا قتراح جميل وممكن يدرس لو في طريقة ليهو
                      تقبلي فائق الاحترام والتقدير

                      Comment


                      • #12
                        والله يا الطاهر بحييك على الفكرة جميلة جداً وما صعبة أبداً.. زي ما طرحوا أخوانا الفكرة أنو يكون الصندوق في مكان مغلق وفيهو حراسة ومتحرك على الناس تنتبه ليهو وتكون كمية المتبرعين كبيرة
                        ربنا يوفق


                        Comment


                        • #13
                          [align=center]ياجماعه الفكرة دي رائعه
                          وطبعا ممكن اي فكرة الواحد يدخل عليها تعديل عشان تناسب الحتة بتاعتو او المنطقة اللي هو ساكن فيها يعني ممكن عندنا في السودان هنا زي ما قلتو مامكن تضع الحاوية في الشارع لكن ممكن تكون داخل مسجد كبير او مركز اسلامي كبير زي مراكز تحفيظ القران النسائية وممكن ما تكون حاوية ممكن تكون برميل بلاستيك كبير في الاول وحتى الهدوم اللي نظف منها دواليبنا مرات بتكون بالنسبة لبعض الناس رزق وخير كبير وانا كانت لي تجارب كثيرة في لم الهدوم ولم نكن نكويها او نغسلها فقط نفرزها ونقسمها على حسب الفئات العمرية ثم نقوم بالتوزيع والمساكين كتااااااااااااااار[/align]

                          Comment


                          • #14
                            أعتقد أنه بالإمكان عمليا عمل الصناديق في مواقع هي أصلا عليها حراسة 24 ساعة زي مداخل البنوك و الشركات و مواقع الصرافات الآلية ، قرب مراكز الشرطة و نقاط بسط الأمن الشامل ...الخ. هي المسألة محتاجة تيم اعمل مسح ميداني لتحديد المواقع.

                            لابد ان تصاحب الموضوع حملة اعلانية و توعوية و اذا لزم الأمر تدريب قصير ، و المسألة ممكن تكون مبسطة يعني ممكن بواسطة ائمة المساجد و الجمعيات الاجتماعية المنتشرة في الأحياء الأيام دي .

                            أقترح عمل عدد محدود من الصناديق في البداية و بعدين تتقيم التجربة علي مدي عدة أشهر و من ثم يتم التطبيق المرحلي الواسع.

                            Comment


                            • #15
                              ممكن لو في زول عندو علاقة بالمدارس الخاصة

                              ذي المواهب - الخرطوم العالمية - القبس

                              المدارس الكبيرة

                              ونتفق مع المدير بتاعهم ويجمعهم ويتكلم واحد من المنظمة

                              او المدير بتاعهم عن فضل كفالة اليتيم

                              ويقول ليهم نعمل يوم نجمع فيهو الملابس المستعملة أو الجديدة

                              الحاجة البتجودو بيها ويتم تحديد اليوم وتتجمع الملابس

                              ح يكون شغل عملي وممتاز في رأيي

                              Comment

                              Working...
                              X