حالات تحتاج كفالة عاجلة

تأثرت جداً بحالة 3 أسر تحتاج لكفالة عاجلة

أولهم أسره متعففه جدا ... لاحظنا خلو منزلهم من الأثاثات خلاف السراير وطقم جلوس قديم بتاع حديد أب مساند مما يدل على أن الأسرة (عزيز قوم ذل)
الغرفة المجاورة للصالة فاضية تماما (يعني باعو عفشهم عشان يعيشو)
أكبر الأولاد ترك الدراسة ليعمل طلبة بناء وهو شاب وجيه تظهر عليه رجولة وعزيمة وإرهاق
عمل ليعول أمه وأشقائه الستة وهو سابعهم
الأم تبيع الفول والتسالي قدام المدرسة
أمامي عداد الكهرباء به 13 كيلو وبعض كسور ... أصبحت أنظر إليه عله ينزل كسر واحد ولا حركة كانه صوره
طبعا البيت مروحة ما فيهو برغم شكله المقبول ظاهريا
الموية شالتها لينا من الزير التحت الشجرة
مربيه ليها جدادات ... شان تأكل العيال بس للأسف لسع صغار يعني ما رمن بيض
البيت ورثة في النص ساكن العم لا يقل عنهم فقراً ... ولكنهم يزيدون عزة
الأم وهي تودعنا للخارج نظراتها كأنها تقول لنا يعني مافي حاجة لينا
وقالت ترا عرفتو البيت
يا الله ... حقيقة واحده من الأسر القليلة التي أثرت في في الفترة الأخيرة

أقسى أمر هو أن تكون عزيزا وتذل

الحالة الثانية : توضح ظلم ذوي القربى
منكسرة بشده ... انتظرتنا بالشارع وساقتنا لي بيتها .. وهو ورثه من أبو عيالها
البيت نصين ... جزء مباني قديمة ولكنها مجدده والحوش بنى فيهو طابق جديد ... من الساس ... والعربية واقفة نوبيرا توووو
وهي تسكن في...أوضة طين وبرنده زنك
سألناها فقالت من حياه زوجي بنى لي أوضه الطين دي وقعدني فيها
وديك أولادو الأوائل كانو ساكنين في الأوضة الطوب
ويبدو أن العيال كبرت وبنو البيت وصلحوهو وخلو أخوانهم في حالة يرثى لها
تأسفت جداً لحالتها فهي تعول ستة من الجامعة حتى الروضة
سألتها من وين بتعيشو
قالت زملان المرحوم وهم ترزيه في سوق سعد قشرة ماسكين المكنة حقتو كل يوم ولدي بيمشي ليهم بيدوهو 20 جنيه حسب الشغل
ومرات شغل بيكون مافي وحسب الرزق
أما أشقائهم .....

الحالة الثالثة:
حالة مؤلمة جداً ... اكثرهم إيلاماً
10 أيتام أكبرهم في العشرين من عمره تقريبا ترك الدراسة ليعمل صبي حداد ليكفل أشقائه
وأصغرهم في الروضة
والدهم المرحوم كان خضرجي في السوق
...يسكنون في مساحة لا تزيد عن خمسين متر عشوائي على المزاع في الدروشاب
قالت لي عارفة الحكومة لو جات ح تكسر لينا البيت وهو غرفة واحدي طوب لبن ومطبخ وبس لا موية ولا كهرباء
كل العشرة ديل بي أمهم ساكنين في الحتيتة دي
المنقد بي فحمو حليله فيها حبيبة فاصوليا بيضاء تكفي منو ولا منو
الأم صغيرة السن دون الأربعينات
قالت أنها أمية تماما تزوجت وعمرها 14 سنة
قالت لو لقت قروش بتشتري بضاعة من سوق ليبيا حبيبة ملايات وتجي تبيعها للنسوان في الحلة
المحيرني الجيران ديل بيخسرو شنو لو جرو ليها سلك للكهرباء
عندها عندها شنو لو جابت لمبة واحدي اقتصادية
سبحان الله
لاحول ولا قوة إلا بالله
الله يعينهم الله يعينهم ... آمين يارب العالمين

لا حول ولا قوة الا بالله .. ربنا يسخر ليهم من ينظر في حالهم العفيف ويعينهم على الحياة البسيطة بالنسبة ليهم توفير ما يظلهم وما يسكت جوعهم الله كريم

بسم الله الرحمن الرحيم

والله ياعبد الرحمن ربنا يتقبل منكم ويجعله فى ميزان الحسنات لكن والله حالات جد صعبة جدا للغاية لكن رغم هذا انهم مقتنعين وراضين بكل هذا علمونا اشئياء كيثرة منههاااا القناعة بماقسم الله لهم والعفة وعلموناا معنى الكرم رغم الحاجة المتاحة لديهم والطيبة ونسال الله لهم من يسخره لرعاية هذا الاسر المحتاجة جد رعاية سريعة جدا (((( برضو لو نزلت الموضوع فى الفيس يكون احسن عس الله يجعل فاعل خير ))))

بسم الله الرحمن الرحيم

اللهم يسر أمرهم وفرج كربهم
اللهم سخر لهم من يكفلهم

حالات تحتاج لكفاله عاجلة

السلام عليكم ورحمة الله وبركاته
عايزة اعرف بس لو ممكن نلاقى
شغل للابن الاكبر سواق مثلا لانو بكده ممكن
يتفرغ لدوام ثانى

الحالة الثالثة:
حالة مؤلمة جداً ... اكثرهم إيلاماً
10 أيتام أكبرهم في العشرين من عمره تقريبا ترك الدراسة ليعمل صبي حداد ليكفل أشقائه
وأصغرهم في الروضة
والدهم المرحوم كان خضرجي في السوق
...يسكنون في مساحة لا تزيد عن خمسين متر عشوائي على المزاع في الدروشاب
قالت لي عارفة الحكومة لو جات ح تكسر لينا البيت وهو غرفة واحدي طوب لبن ومطبخ وبس لا موية ولا كهرباء
كل العشرة ديل بي أمهم ساكنين في الحتيتة دي
المنقد بي فحمو حليله فيها حبيبة فاصوليا بيضاء تكفي منو ولا منو
الأم صغيرة السن دون الأربعينات
قالت أنها أمية تماما تزوجت وعمرها 14 سنة
قالت لو لقت قروش بتشتري بضاعة من سوق ليبيا حبيبة ملايات وتجي تبيعها للنسوان في الحلة
المحيرني الجيران ديل بيخسرو شنو لو جرو ليها سلك للكهرباء

عندها عندها شنو لو جابت لمبة واحدي اقتصادية
سبحان الله
لاحول ولا قوة إلا بالله
الله يعينهم الله يعينهم ... آمين يارب العالمين

كنت كتبت موضوع عن حل مشكلة سكن ولو مؤقتا بس فهمت إنو مافي مشكلة سكن بالنسبة للايتام واسرهم
بس دىمعاناه حقيقية وبتمنى الخيرين يتفاعلو معاهم

حاليا ما عندهم مشكلة سكن

بس لي قدام محتاجين

بس الحالات المحتاجة لي سكن كتيرة بس حل دائم لانهم حاليا كلهم في المؤقت

ياتو واحد الذكرتي أن يعمل كسائق؟

الله يوفقكم

ويفك كربهم

الاخ عبد الرحمن جزاكم الله خيرا وجعل ما تقومون به في ميزان حسناتكم - اعتقد ان الحالات دي مؤلمة جدا - وانتم ناس السودان ما قصرتم تكبدتم المشاوير وحققتم وطرحتم المشكلة او الحالات - والموضوع ينقسم الى قسمين:-
- جمع مبالغ اسعافية بالاخص من الاخوة من الداخل
- تأمين كفالة للاسر
ومن هنا اسمح لي ان اوجه نداء للاخوة المقتدرين بالاخص المغتربين ربما يكونوا احسن حال من اخوتهم بالداخل للتبرع بما تجود به انفسهم باسرع ما يمكن مذكرا الجميع بقول الله تعالى: ﴿ لا خَيْرَ فِي كَثِيرٍ مِنْ نَجْوَاهُمْ إِلا مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلاحٍ بَيْنَ النَّاسِ وَمَنْ يَفْعَلْ ذَلِكَ ابْتِغَاءَ مَرْضَاةِ اللَّهِ فَسَوْفَ نُؤْتِيهِ أَجْرًا عَظِيمًا ﴾ قال العلامة الشيخ عبد الرحمن بن سعدي في تفسيره:أي لا خير في كثير مما يتناجى به الناس ويتخاطبون، وإذا لم يكن فيه خير، فإما لا فائدة فيه كفضول الكلام المباح، وإما شر ومضرة محضة كالكلام المحرم بجميع أنواعه. ثم استثنى تعالى فقال: { إِلا مَنْ أَمَرَ بِصَدَقَةٍ } من مال أو علم أو أي نفع كان،{ أَوْ مَعْرُوفٍ } وهو الإحسان والطاعة وكل ما عرف في الشرع والعقل حسنه،. { أَوْ إِصْلاحٍ بَيْنَ النَّاسِ } والإصلاح لا يكون إلا بين متنازعين متخاصمين.

ومن هنا ابادر بكفالة الاسرة الثالثة لمدة 6 شهور وسوف ادبر المبلغ اللازم واحوله لكم باذن الله خلال الايام القادمة - يلا ياجماعة قول خير وكل واحد يطلع اللي يقدر عليه انشاء الله خمسة ألف بالقديم - يا جماعة الاعمال بالنيات

كفالة عاجلة

تأثرت جداً بحالة 3 أسر تحتاج لكفالة عاجلة

أولهم أسره متعففه جدا ... لاحظنا خلو منزلهم من الأثاثات خلاف السراير وطقم جلوس قديم بتاع حديد أب مساند مما يدل على أن الأسرة (عزيز قوم ذل)
الغرفة المجاورة للصالة فاضية تماما (يعني باعو عفشهم عشان يعيشو)
أكبر الأولاد ترك الدراسة ليعمل طلبة بناء وهو شاب وجيه تظهر عليه رجولة وعزيمة وإرهاق
عمل ليعول أمه وأشقائه الستة وهو سابعهم
الأم تبيع الفول والتسالي قدام المدرسة
أمامي عداد الكهرباء به 13 كيلو وبعض كسور ... أصبحت أنظر إليه عله ينزل كسر واحد ولا حركة كانه صوره
طبعا البيت مروحة ما فيهو برغم شكله المقبول ظاهريا
الموية شالتها لينا من الزير التحت الشجرة
مربيه ليها جدادات ... شان تأكل العيال بس للأسف لسع صغار يعني ما رمن بيض
البيت ورثة في النص ساكن العم لا يقل عنهم فقراً ... ولكنهم يزيدون عزة
الأم وهي تودعنا للخارج نظراتها كأنها تقول لنا يعني مافي حاجة لينا
وقالت ترا عرفتو البيت
يا الله ... حقيقة واحده من الأسر القليلة التي أثرت في في الفترة الأخيرة

أقسى أمر هو أن تكون عزيزا وتذل

قصدي علي الاسره دي بس ياريت تتاكد من انو عندو مؤهل أو ممكن تساعدوه انو يحمل المؤهل المطلوب

ربنا يسخر لهم من يعولهم ياااااااااااااااارب يا كريم ....

والله نسأل إذا كان عندو رخصة ولا لا بس ما أظن