إعلان

Collapse
No announcement yet.

كيف يتم تسجيل واعتماد الايتام

Collapse
X
 
  • Filter
  • الوقت
  • Show
Clear All
new posts

  • صفاء بابكر
    replied
    [align=center]
    وعليكم السلام ورحمة الله وبركاته
    الاخت هنادى سعداء بانضمامك معنا
    بالنسبة للتسجيل الايتام حالياً التسجيل لولاي الخرطوم فقط ولكن من خططنا المستقبلية انو يكون الباب مفتوح للايتام بكافة الولايات وعندنا قناعه كبيرة انو كمية الحوجة اكبر من حوجة ايتام الخرطوم
    ولكن نحن وسطاء بين الايتام والكفلاء فلذلك نتشدد في دراسة الحالة لاسرة الايتام حتى ننقل وضع الايتام بصورة واضح جداً للكافل ، وان شاءالله يكون لدينا متطوعين لديهم خبره في دراسة الحالة بكافة الولايات ومنها نسعى لكفالتهم بالطريقة المتبعة
    [/align]

    Leave a comment:


  • هنادي ابوبكر علي
    replied
    السلام عليكم والشكر موصول لكم جميعا بس انا بستفسر عن وضع ايتام الولايات الاخرى انا
    بعرف مجموعة من الايتام محتاجين يدخلوا ضمن مشاريعكم لكن موجودين فى المحليات الطرفية لولاية البحر الاحمر.تقبل الله منا ومنكم صالح الاعمال

    Leave a comment:


  • البشير دفع الله
    replied
    أهلا ومرحبا بك أختنا هنادي , ومرحبا بك اضافة للمنظمة ولمنتدى كفالة الأيتام
    أعجبني جدا هذا السؤال المباشر للحصول على المعلومة مباشرة

    والأخ عبد الرحمن فاروق قدم اللازم من معلومات جزاه الله خيرا على ذلك والتحية له والفريق العامل معه , وربنا يجعل مساعيهم في موازين حسناتهم .

    Leave a comment:


  • toqtoq2000
    replied
    مرحب هنادي الله يديكي العافية ويتقبل منك... عبد الرحمن على قول منية كفى ووفى.. لو عندك اي استفسار ما وضحه ليك احنا حاضرين ان شاء الله

    Leave a comment:


  • منية الله
    replied
    مرحب بيك اختنا هنادي في بيتك، وعبد الرحمن كفى ووفى

    Leave a comment:


  • عبد الرحمن فاروق
    replied
    مرحب بيك أخت هنادي

    أما بالنسبة للأيتام وكيفية أعتمادهم في المنظمة

    عادة بيتصل علينا زول من طرف الايتام أمهم خالتهم جيرانهم أمام المسجد

    بعد ده بتمشي لجنة من عضوية المنظمة لدراسة الحالة في منزلهم

    عاده الأيتام الذكور لحدي عمر 15 سنة والأيتام الإناث لحدي عمر 18 سنة

    ممكن يتكفلوا معانا

    دراسة الحالة استمارة مكونة من ثلاثة ورقات بها عدد من الأسئلة

    يتم سؤال الأرملة أو الولي عنهم عنها

    بعد كده بتحدد هل الطفل اليتيم ده بيستحق أنو يتكفل معانا في المنظمة

    ولا أسرتو مستطيعة ويستطيعوا يكفلوا طفلهم هم

    يعني ممكن نلقى طفل يتيم عايش في كنف جدو

    وجدو ما شاء الله مقتدر يستطيع أنو يكفلهم أو العم أو الخال وهكذا

    ممكن تلقى طفل يتيم بس والدهم رحمه الله عليه ترك ليهم منزل ممتاز مؤجرين نص البيت بي مبلغ كويس

    أو تلقى الأم شغالة في وظيفة محترمة زائدا معاش للوالد المتوفى وتلقة منظمة كافلة واحد وديوان الزكاة بيديهم مبلغ كل 3 شهور

    ديل ما بيحتاجو كفالة في حالات تلقاهم عندهم دخل للأكل اليومي بس بتواجهمهم مشكلة في الاعياد المدارس ودي انحنا بنسميها مشاريع

    وبنوفرها ليهم أنحنا يعني ما بيكونو عندهم مبلغ مالي شهري ولكن بيدخلو في المشاريع من كسوة عيد لي الحقيبة المدرسية كيس الصائم وهكذا

    Leave a comment:


  • كيف يتم تسجيل واعتماد الايتام

    السلام عليكم ورحمة الله وبركاته
    انا سعيدة بانضمامى للمنتدى كل يوم بكتسب الجديد المفيد
    بس عايزة اعرف كيف تتم كفالة الايتام فى المنظمة والاجراءات وشروط القبول
    ونتمنى لكم التوفيق والسداد
Working...
X