منتدى منظمة كفالة ورعاية الايتام السودانية

منتدى منظمة كفالة ورعاية الايتام السودانية (http://www.sudanorphans.org/vb/index.php)
-   منتدى الشعر والخواطر (http://www.sudanorphans.org/vb/forumdisplay.php?f=60)
-   -   ياحبيبة بخاف عليك....سلسلة ابيات من تأليفي (http://www.sudanorphans.org/vb/showthread.php?t=2855)

فاطمة 09-24-2009 01:57 PM

ياحبيبة بخاف عليك....سلسلة ابيات من تأليفي
 
(1)




ياحبيبه بخاف عليك من زمنا الجاي بي همو....

الوشوش ماهي الوشوش والقريب بقي مابهمو

يقطع الرحم اللي وصي ربي بيها كمان نلمو...

زولا" يسرق زولا" ينهب الحرام عشش في دمو

مابخاف من الله يقتل لي اخوهو بي سم يسمو

لبنات الحله غازل دا الزمان عرضو بيلمو....

كيف بقينا زمنا صار الولد يلعن في امو....

ياجماعه تعالو نسرع نلفا للباقي ونرمو....

ننشر الخير في بلادنا والصلاح بالجد نعمو......

كل واحدا" يبدا بي اولادو هو ثم تانيا ود عمو.....

ينصح البقدر عليهم واللي فرا كمان يضمو...

الصور مقلوبه ياما وبكره سودانا البينمو.....

يبقي رايد ويبقي قدوه والشباب يقوي عزمو...

راجيه ردا من جنابكم وكل زولا يدي اسمو....

منية الله 09-24-2009 03:48 PM

يا سلام عليك يا فطومة والله في سطور اتكلمتي عن كمية من المواضيع المهمة من صلة رحم، وخوف ود الجيران على بت جيرانو، والتعامل الرحيم بين الأبناء والوالدين..
بحييك وليك مني كل احترام

فاطمة 09-24-2009 03:56 PM

اقتباس:

المشاركة الأصلية كتبت بواسطة منية الله (المشاركة 25813)
يا سلام عليك يا فطومة والله في سطور اتكلمتي عن كمية من المواضيع المهمة من صلة رحم، وخوف ود الجيران على بت جيرانو، والتعامل الرحيم بين الأبناء والوالدين..
بحييك وليك مني كل احترام

تسلمي يارب...كتر خيرك...دي سلسلة يمكن من 12 مقطع ما متاكدة والله عملتها لي ريوم ولكل بنت من زمنا دا...مرورك الراقي يجبر علي احترامك ياعسل

دعوني أكفف دمعة 09-24-2009 07:59 PM

الزمن بقي صعب والله يا فاطمة
ياريت نلحق نلمو

زمان ونحن صغار أمي (رحمها الله) تقول:
انتو ربنا يحضرنا زمنكم..!


يعنى موضوع الخوف بدأ من زمان ومستمر
بس العشم يرجع الزمن السمح
البيتكلمو كان عنو حبوباتنا وامهاتنا

فاطمة 09-24-2009 09:45 PM

امين يارب...يمكن يرجع قادر علي كل شي يا دعوني يابتي....الله كريم

معاذ هشام الكمالي 09-24-2009 09:53 PM

يحليل زمن الحبوبات والله ذكرتينا ليهم يا فاطمة

فعلا لوما رجعنا لتاريخنا وأصلنا ما بنقدر نواصل حياتنا الجميلة

فاطمة 09-24-2009 09:57 PM

اكيد اخ معاذ اكيييد...بس حبوبات زمان نوت ناو.....

الفاضلابي 09-24-2009 09:59 PM

نقول بكره احلى ان شاء الله

فاطمة 09-24-2009 10:01 PM

تمام يا ادارة...بكره احلي..وياريت

امير جعفر 09-25-2009 02:02 PM

نقول حاجة أمنة اتصبري ... يديكي العافية يا فاطمة ..وواصلي السلسلة وكلنا انتظااااااااااااااااار


الساعة الآن 10:07 PM.

 email: [email protected]
Powered by vBulletin® Version 3.8.10 Beta 1
.Copyright ©2000 - 2019, Jelsoft Enterprises Ltd
المشاركات والآراء المنشورة في منتديات المنظمة سواء كانت بأسماء حقيقية أو مستعارة تـمـثـل وجهة نظر كاتبها
منظمة كفالة ورعاية الأيتام السودانية هي منظمة طوعية خيرية مستقلة غير هادفة للربح تسعى للتنسيق بين الكافل واليتيم مباشرة

Security byi.s.s.w

 

vEhdaa 1.1 by NLP ©2009