الإهداءات


العودة   منتدى منظمة كفالة ورعاية الايتام السودانية > منتديات الأدب والثقافة والفنون > منتدى الشعر والخواطر
منتدى الشعر والخواطر (الشعر ، الخواطر ، النثر ، إبداعات الأعضاء )

إضافة رد
قديم 02-16-2010, 11:19 AM رقم المشاركة : 1
معلومات العضو
« عضو ذهبي»

الصورة الرمزية مجدي امدرمان
إحصائية العضو






مجدي امدرمان is on a distinguished road

مجدي امدرمان غير متواجد حالياً

 


المنتدى : منتدى الشعر والخواطر
افتراضي أدب المناحة

المناحة أو ادب المناحة جزء أصيل من الثقافة الادبية السودانية .. ربما تعكس كلمة مناحاة صورة صعبة او موحشة الا ان أغاني المناحة بها مفردات موغلة في الحب الحقيقي ونهايات الوفاء واسمى ايات العرفان .. لنفرد مساحة لهذا الادب ولنستفيد منكم فالغربة لم تتح لامثالي التعمق في الادب السوداني الاصيل ، فهلا ساعدتموني ؟؟






آخر تعديل مجدي امدرمان يوم 02-16-2010 في 11:19 AM.
رد مع اقتباس
قديم 02-16-2010, 12:23 PM رقم المشاركة : 2
معلومات العضو
« عضو ذهبي»

الصورة الرمزية عبد الرحمن فاروق
إحصائية العضو






عبد الرحمن فاروق is on a distinguished road

عبد الرحمن فاروق غير متواجد حالياً

 


كاتب الموضوع : مجدي امدرمان المنتدى : منتدى الشعر والخواطر
افتراضي

اسرة الخواض او الخواويض وهم من أعلام كبوشية المعروفين وهم من القراري
ويسكنون منطقة كبوشية شرقا وغربا.. ففي الشرق إلى جانب كبوشية
يوجد القراري في (كبوشية ، ديم القراي ، قوز الحاج ، والكبوشاب وغيرها)..
وغربا يوجد معظمهم في (طيبة الخواض، وما جاورها حتى قوز برة وكلى ..)

وهناك مناحة مشهورة لأحد أعيان القراري في كبوشية وهو

جدنا المرحوم (اللغا ود الخواض).. وأسمة الحقيقي محمد أحمد إبراهيم الخواض

واللغا هو لقب أطلقه عليه الأتراك عندما كانو يحكمون السودان في ذلك الوقت

وهو كان شيخ الخط لمنطقة كبوشية وما جاورها



وهو رجل كريم جداً وقالت المناحة امرأة فى مناسبة عجيبة .

إذ يحكى أن هذه المرأة خرجت من قريتها إلى كبوشية لتركب القطر
وتسافر بحثا عن ولدها الذي اختفى زمنا طويلا وسمعت أنه يقيم في
كوستي على او كريمة .
وعندما وصلت المحطة، وكان ما تحمله من مصاريف يكفي لذهابها فقط
وإن لم تجد ولدها فالله يعلم كيف تعود.. ولكن لحسن حظها صادقت
اللغا ود الخواض موجودا بالمحطة.. فأخبرته بقصتها.. فقطع لها
تذاكر سفرها من كبوشية حتى مكان ولدها وكذلك تذاكر العودة..
فسافرت وهي لا تحمل هم سوء العثور على ابنها ولاتحمل هم العودة ..
وعند عودتها، نزلت محطة كبوشية، فوجدت الكل واجما حزينا
وسرعان ما بلغها نبأ وفاة اللغا ود الخواض.. فأنشدت من حينها
هذه المرثية..
تقول في مطلعها:

كم قابّل ضيوفا يعرف أوصافا.. من قديم الدنيا قصّافا
....
وهى تسأل كانها تستنكر او تكذب نبأ الوفا ة

يا ناظر المحطة.. الليلة القطر شِن جاب؟
ما جاب اللغا البسفر الركاب ؟؟؟
قطّاع التذاكر للبعاد.. وقراب
..
يا حليل اللغا القمر البضوي .. وغاب !

يبكنو عماتو.. التلب اللزوم.. يا دوبا
أولاد الخواض .. اتواعدو.. وفاتو
المجلس حكَر.. هم ياخدو شكراتو
ما بربطوهو ني.. با بقعدو في غلاطو
عِن(د) موجب الحديث .. قط ما بيتباطو
اكان لي عمر.. همل لي عقاباتو
واكان للـ اللغا.. حير لي عشيماتو
..
من المرسلين.. والأنبيا الفاتو
الموت نحن زرعو وحصدو وبلاداتو
ومن قديييييم الدنيا قصّافة..
....
ليك أمّا(ن) تقول.. مسّخ عليها الدور
وفي حينا قريب.. جارت عليها ام جور
يا التلب اللزوم الـ ماك عِجِل ود تور
أمر السيد نفد في حكمو شِن بنقول
من قديم الدنيا قصّافة..

ومن اسرة الخواض فى كبوشية الخواض حسين النعيم وفى مدنى اولاد العامل
وهم اولاد ابناء الخواض واسامة الخواض وجلهم ارتبطوا بكبوشية حتى المستقرين
فى طيبة الخواض ومنهم د. مجزوب الخليفة ربنا يتقبله قبول حسن درس فى كبوشية المتوسطة مع اهلوا .
أسرة الخواض أسرة زعامة وكرم وشهامة ولها مآثر عديدة يحفظها تراث
المنطقة.. ومناحة اللغا ودالخواض واحده منها ...







آخر تعديل عبد الرحمن فاروق يوم 02-16-2010 في 12:28 PM.
رد مع اقتباس
قديم 02-16-2010, 12:36 PM رقم المشاركة : 3
معلومات العضو
« عضو ذهبي»

الصورة الرمزية مجدي امدرمان
إحصائية العضو






مجدي امدرمان is on a distinguished road

مجدي امدرمان غير متواجد حالياً

 


كاتب الموضوع : مجدي امدرمان المنتدى : منتدى الشعر والخواطر
افتراضي

ياعبدالرحمن دائما المسعف الاول .. التحية لاهلنا الخواوويض وفي انتظار المزيد لتوثيق هذه الدرر .. المناحة لاتقتصر على اقليم معين دون الاخر فنجد المناحة عند اهلنا في غرب السودان بواسطة الحكامات حينما يرثون فانهن يذكرون ويخلدون مآثر الابطال والفرسان .. وحسبنا ان مرثية الاميرة مندي لوالدها السلطان عجبنا احد سلاطين جبال النوبة والذي قتل في حربه ضد الاستعمار البريطاني خير دليل والان تخلد هذه المناحة باتخاذها مارشا عسكريا من اهم المارشات في الجيش السوداني ... وايضا نجد المناحة في الشمال والشرق والجنوب وبالطبع الوسط نقطة التقاء كل الاعراق السودانية .. نواصل ..







رد مع اقتباس
قديم 02-16-2010, 12:38 PM رقم المشاركة : 4
معلومات العضو
« عضو ذهبي»

الصورة الرمزية مجدي امدرمان
إحصائية العضو






مجدي امدرمان is on a distinguished road

مجدي امدرمان غير متواجد حالياً

 


كاتب الموضوع : مجدي امدرمان المنتدى : منتدى الشعر والخواطر
افتراضي

[align=justify]حسب معلوماتي الفقيرة ...تعد مناحة (الوليد الضيف) اشهر المناحات حيث نجد الام الثكلى ترثي فلذة كبدها الضيف الذي قضى العيد مع اصحابه فى القرية واعتقد انها في الكلاكلة حيث سميت المقبرة باسم الوليد الضيف ، كثرت الاقاويل حول حقيقة وملابسات غرق الوليد الضيف وكان في رثاء امه اتهاما بشبهة جنائية وتطرقت ايضا لمكانته بين اخواته وبنات حييه ولم تظهر صراحة بأنه كان على قدر من الوسامة وكل العذارى يتمنون الزواج به ولكن كان يفهم ذلك من خلال النص .
حليلك يازمن ياعشاي
حليلك يازمن غناي
ناس الحله جو والديوان ملوه
مشوا للبحر وقالوا مالي لقوه
الوليد الضيف غرقتنوا كيف
جيبوا لي هدوموا الراقده فوق القيف
خلوني النمنح بالقرع والسيف واسواد امه الاهله في الجريف
حليلك ياهدية وحليلك يارضية
ابكن يابنات قولن ووب احيي حنته بالعشية
نواصل ونحاول ان نبحر في هذا اللج الاصييل ... وأرجوا التصحيح دائماalign]







آخر تعديل مجدي امدرمان يوم 02-16-2010 في 12:39 PM.
رد مع اقتباس
قديم 02-16-2010, 12:41 PM رقم المشاركة : 5
معلومات العضو
« عضو ذهبي»

الصورة الرمزية عبد الرحمن فاروق
إحصائية العضو






عبد الرحمن فاروق is on a distinguished road

عبد الرحمن فاروق غير متواجد حالياً

 


كاتب الموضوع : مجدي امدرمان المنتدى : منتدى الشعر والخواطر
افتراضي

مناحة ناظر البشاريين ود كرار

لود شوراني

وعندما مات الناظر ود كرار، جاء ود شوراني متأخراً (يوم الصدقة)، المسافة بين أم شديدة وبعلوك ليست قصيرة، وقيل قصيدة الرثاء هذه (نجرها) في الطريق.
فقال:
فارس المدرعات العينو ما بتنكال
ما اتسيطر على الناس بالملك والمال
راسي وفارس ورايو حال إشكال
زايلة وفانية راح البيهو راحة البال
***
جيب رسنك فرقتو كبيرة ناظر العامة
وانفقد البيندار للأمور الهامة
زايلة وفانية أصلها دار نقاص مي تامة
جاني الليلة خبرو الزي لدغة السامة

(جيب رسنك: كناية عن الكرم، تجيب الرسن وهو يديك الراحلة أو الناقة)...
***
ما بشيرلك على ذلة وكلام وفصاحة
ويمشي معاك لي آخر السؤال براااحة
إن بقى بري خصمك بصدو قماحة
وإن بقى مجني ما بتنجيك منو فلاحة
***
راح العندو ضيفان الهجوع مرتاحة
يكرموا في منازلو ويمشوا منو فراحة
ساااهل وصفو للداير يقوللو مناحة
كم وكم كفو بتكفي (رباحة)
***
أب رأياً حاضر عندو ما بجي عارق
قبال يبقى طول السيف مفكر وفارق
أب رسوة الصفقتو تخلي خصمو يدارق
يعجبك وكت يجيك من المكاتب مارق
***
إن حاول تمقلبو بي طريقة غش
يبقالك هلاك هو النار وإنت القش
فوق ضهرو اللزوم الراكز المو هش
راقدين الضعاف من غير زراعة وحش
***
إن دخل المكاتب يمرق الغايسات
وأن حام برة فيهو الشكرة والسطوات
ما دام فقدو بكّا العامة والجيهات
كيف شورتنا نحن اهل الخصوصيات







رد مع اقتباس
قديم 02-16-2010, 12:45 PM رقم المشاركة : 6
معلومات العضو
« عضو ذهبي»

الصورة الرمزية عبد الرحمن فاروق
إحصائية العضو






عبد الرحمن فاروق is on a distinguished road

عبد الرحمن فاروق غير متواجد حالياً

 


كاتب الموضوع : مجدي امدرمان المنتدى : منتدى الشعر والخواطر
افتراضي

اقتباس : المشاركة الأصلية كتبت بواسطة مجدي امدرمان [ مشاهدة المشاركة ]
[align=justify]حسب معلوماتي الفقيرة ...تعد مناحة (الوليد الضيف) اشهر المناحات حيث نجد الام الثكلى ترثي فلذة كبدها الضيف الذي قضى العيد مع اصحابه فى القرية واعتقد انها في الكلاكلة حيث سميت المقبرة باسم الوليد الضيف ، كثرت الاقاويل حول حقيقة وملابسات غرق الوليد الضيف وكان في رثاء امه اتهاما بشبهة جنائية وتطرقت ايضا لمكانته بين اخواته وبنات حييه ولم تظهر صراحة بأنه كان على قدر من الوسامة وكل العذارى يتمنون الزواج به ولكن كان يفهم ذلك من خلال النص .
حليلك يازمن ياعشاي
حليلك يازمن غناي
ناس الحله جو والديوان ملوه
مشوا للبحر وقالوا مالي لقوه
الوليد الضيف غرقتنوا كيف
جيبوا لي هدوموا الراقده فوق القيف
خلوني النمنح بالقرع والسيف واسواد امه الاهله في الجريف
حليلك ياهدية وحليلك يارضية
ابكن يابنات قولن ووب احيي حنته بالعشية
نواصل ونحاول ان نبحر في هذا اللج الاصييل ... وأرجوا التصحيح دائماalign]

أخي مجدي تحياتي

طبعاً المناحة دي مشهور عندنا شديد نحن أولاد عطبرة

لأنو بيغنيها الفنان الكبير مصطفى مضوي

وتخيل الناس بيرقصو عليها وممكن يغنيها ليك في عرس زاااتو

بس على ما أظن

المناحة قالتها أمرأة من المنطقة مش ام المتوفى

يعني هي بتقول الوليد الضيف يعني ضيفهم هم أهل المنطقة

تقريباَ والله أعلم






رد مع اقتباس
قديم 02-16-2010, 01:19 PM رقم المشاركة : 7
معلومات العضو
« عضو ذهبي»

الصورة الرمزية عبد الرحمن فاروق
إحصائية العضو






عبد الرحمن فاروق is on a distinguished road

عبد الرحمن فاروق غير متواجد حالياً

 


كاتب الموضوع : مجدي امدرمان المنتدى : منتدى الشعر والخواطر
افتراضي

ما هو الفافنوس

شاعرة هذه القصيدة هي بنونه بت المك نمر مك الجعليين ولقد قالت هذه القصيدة في أخيها عمارة والذي مات على فراش المرض ولم يمت في ساحة الوغى

ماهو الفافنوس
شعر بنونه بت المك نمر

ما هو الفافنوس ماهو الغليد البوص
ود المك عريس خيلا بجن عركوس
احى على سيفه البحد الروس
***
ما دايرالك الميته أم رمادا شح
دايراك يوم لُقاء بدميك تتوشح
الميت مسولب والعجاج يكتح
احى على سيفه البسوى التاح
***
إن وردن بجيك في أول الواردات
مرنا مو نشيط إن قبلن شاردات
أسد بيشه المكرمد قمزاته متطابقات
وبرضع في ضرايع العنز الفاردات
***
كوفيتك الخوده أم عصا بولاد
ودرعك في أم لهيب زى الشمس وقاد
وسيفك من سقايتو استعجب الحداد
وقارحك غير شكال ما بقربه الشدّاد
***
يا جرعة عقود السم
يا مقنع بنات جعل العزاز من جم
الخيل عركسن ما قال عدادن كم
فرتاق حافلن ملاى سروجن دم







رد مع اقتباس
قديم 02-16-2010, 01:48 PM رقم المشاركة : 8
معلومات العضو
« عضو ذهبي»

الصورة الرمزية عبد الرحمن فاروق
إحصائية العضو






عبد الرحمن فاروق is on a distinguished road

عبد الرحمن فاروق غير متواجد حالياً

 


كاتب الموضوع : مجدي امدرمان المنتدى : منتدى الشعر والخواطر
افتراضي

الواعي ما بوصوه

مناحة شاعرتها بت مسيمس

وأتقالت في الشهيد عبد القادر ود حبوبة على ما أظن


الواعي ما بوصوه من أمس الضحى
تورى أب قرون ساقوه يا مقنع ولياتو
الواعي ما بوصوه الفتح الدرب خلى العريب يمشوه
***
غنيت بجيب مسدار
المكنه بتكاكى جنك مدافع النار
يا قصر الرجال اللي الفقر عصار
يا قصر الفراسه اللي الضلع كسار
يا نار الزبل الما بندركلك حال
يا رحل الكحل لا بتنزاح ولا بتندار
عوج الطنضبه الما بتعدلو النار
درعولو أم خريز العسكر الزنهار
مأمن بالقماحه اتقدلت ليك برجال
***
الليله عليك غنيت
بلع الألف كلو قال ولا استكفيت
يوم جوك للحرب لا سخيت ولا ضليت
صامت بالقماحه أتفرشت واتغطيت
دا تور الجواميس العليهو الرك
دا عقد الحديد لى الحلبى ما بنفك
دا سم الغدور الفى الحلق عشرق
منو غيرك دق فى الحراجه مدافع الحق
***
الليله عليك غنيت يا مطرق الجراح
قلت ليهم عشارى مسكو يفوح
ما ختف البدينقا وما جفل مجروح
بلع الألف كلو درب الجبين مطروح
جابوك بى أم خريز الزدخانه تفوح
سيفك بشيل الفقر ومعاها ملاح المخ
***
من كوجه وكجيج لي عند بلاد العين
جابونا الضحى في مركز الكامنين
الأهبل يقول أدوه عشره سنين
والعاقل يقول حكموا عليهو بسنتين
وكتا جانا الجنا الطبق الجنيه في أتنين
كملت العمد والمشايخه وحلانين
***
ابشر يا صقر ما تكتر الحلقان
تأكل ليك مطايبا ما لحم سخلان
تأكل في المطايب ما لحم عيران
تأكل في المطايب فوق ضهر سلطان
تتغدى وتفوت كبده وكلا ومصران
شن منك نقول لامات عقيد مرجان
***
تكلم يا لساني تكلم المنطوق
عن مدافع الحق الفى مشيها بروق
قال قاسم اليمين كان اليمين مطلوق
زى كاسر الأسود ما بشنقوه في السوق







آخر تعديل عبد الرحمن فاروق يوم 02-16-2010 في 03:26 PM.
رد مع اقتباس
قديم 02-16-2010, 02:18 PM رقم المشاركة : 9
معلومات العضو
« عضو ذهبي»

الصورة الرمزية فاطمة
إحصائية العضو






فاطمة is on a distinguished road

فاطمة غير متواجد حالياً

 


كاتب الموضوع : مجدي امدرمان المنتدى : منتدى الشعر والخواطر
افتراضي

طبعا اشهر المناحات واللي كل ما اقراها ابكي بتاعة الوليد الضيف..
و اجملها واصعبها معاني هي مناحة الفافنوس







آخر تعديل فاطمة يوم 02-16-2010 في 02:19 PM.
رد مع اقتباس
قديم 02-17-2010, 08:23 AM رقم المشاركة : 10
معلومات العضو
« عضو ذهبي»

الصورة الرمزية مجدي امدرمان
إحصائية العضو






مجدي امدرمان is on a distinguished road

مجدي امدرمان غير متواجد حالياً

 


كاتب الموضوع : مجدي امدرمان المنتدى : منتدى الشعر والخواطر
افتراضي

ياعبدالرحمن مشكور على التوضيح ياحبيب ويافاطمة أحيي مرورك الطيب ..المناحاة ايضا تكون لفقد حبيب وارى من وجهة نظري المتواضعة هي اكثر الما وحرقة عندما تعبر عن فقد حبيب ..كيف لا فالحبيب هو المنى والامل واسباب الحياة فلا نشوى بعد فراق الحبيب او الحبيبة ... في رائعة للفنان مصطفى مضوي اغنية مسكين انا .. وهي مرثية فقد فيها الشاب (الشاعر) حبيبته حيث غيبها الموت وكان قاب قوسين اوادنى للزواج بها بل شرع في تجهيزات الزواج ولكن يد القدر كانت اسرع اقدر فكانت هذه المناحاة المؤلمة المحرقة والتي ابكتني كثيرا وكثيرا وكثيرا ...(ارجوا التصحيح حول قصة المناحة) ..

مسكين أنا
يا حليلو مشوار السنين
حليله قصة حبنا

مسكين أنا
ما جني أخوات التقيل مسكن لإيدي وحنن
وما بشروا الشبان علي وسط البنات البرقصن
ما جن بنات حلتنا ماسون دلال ما سرحن
وما جلسن جداتي في آخر الصفوف واتبلمن
ما جوكي أنتي باركوا ليك ولي خدودك يقبلن
وما قالوا لي أنا بيت عيال مبروك عليك ودعن

لوحة جمال فنان بديع يتأمله
احتار وقف قال الصلاة
ريحة دعاش زمن الرشاش عم البنادر والخلا
ما سيد بلد ما روعه جد
ما تقولوا قل هو الله أحد
والنازعات والبسملة
من كل بلى تحميها بس تحصنها
حليلو مشوار السنين
حليلو يا ناس حبنا

غيمة سواد تعلن حداد
ظلت سمانا وأرضنا
طوفان جراد وقت الحصاد
أفنى وأباد محصول سنه
قلبي أنجرح بعد الفرح
ونزيف غزير من دمنا
دي الدنيا ما بترحم صغير
والدنيا ما بتعرف جنى






آخر تعديل مجدي امدرمان يوم 02-17-2010 في 08:38 AM.
رد مع اقتباس
إضافة رد

العلامات المرجعية

يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



Loading...


 email: [email protected]
Powered by vBulletin® Version 3.8.10 Beta 1
.Copyright ©2000 - 2019, Jelsoft Enterprises Ltd
المشاركات والآراء المنشورة في منتديات المنظمة سواء كانت بأسماء حقيقية أو مستعارة تـمـثـل وجهة نظر كاتبها
منظمة كفالة ورعاية الأيتام السودانية هي منظمة طوعية خيرية مستقلة غير هادفة للربح تسعى للتنسيق بين الكافل واليتيم مباشرة

Security byi.s.s.w

 

vEhdaa 1.1 by NLP ©2009