الإهداءات


العودة   منتدى منظمة كفالة ورعاية الايتام السودانية > منتديات الأدب والثقافة والفنون > منتدى الفكر والأدب
منتدى الفكر والأدب (أعلام ، كتابات ثقافية ، تراجم )

إضافة رد
قديم 10-09-2012, 12:18 PM رقم المشاركة : 1
معلومات العضو
عضو ذهبي

الصورة الرمزية بت كردفان
إحصائية العضو






بت كردفان is on a distinguished road

بت كردفان غير متواجد حالياً

 


المنتدى : منتدى الفكر والأدب
Angry آآآآآآآآآآآه يا حميد

السلام عليكم ورحمة الله وبركاته
مرثية لروحك يا حميد
من زولا فجع برحيلك واتفاجأ


يا حميد....إت بى صُحك؟

آ مُحُمْد شُفتا كيف؟
شُفتا كيف النيل مِحُومِر بالدِمُوع
والوجعة تهرد كبدة الغبش الهراها الجوع
والآهة زى فرسّة بتناتِق فى الضلوع
وإنتا مارق فى طريق مجهول وما خابررجوع
شُفتا كيف؟
شُفتا كيف الموت بعّزِلّ فى نخيلاتنا البيلدِنّ
ويعقر الخيل البِسُبْقِنّ، ويحرم القمرا الطلوع
لا بفاصِلّ لا بفاضِلّ بس حوارو
زىّ حِوار هدّام وقِـيْف
آمُحُمّد شُفتا كيف؟
شُفتا كيف ... فى لحظة زى لمحة بصر
(عم عبد الرحيم فى السكة إتلافا القطر)*
وإنتا فى سكة سفر
راصداك عربية (الكجر)*
شان تخنق الغِنوّة فلِهاتَكْ
شان تجرى فى (الشِّريان) نزِّيفْ
شان تنطلق روحك ترفرف
وإتْ إصّلكْ نسمة فى سهراج وحَرّ
وإتْ تكِنّكْ جُغْمىّ باردِىّ على غلابه ومتعبين
والدنيا صيف
أو تكِنّكْ كنتا فى بيناتنا ضِيف
آ مُحُمْدّ شُفتا كيف؟
بس عليك البينا،
أفتح ضلفة الروح الشفيف
ومرة تاوِّق من صريف قلبك وعايِّن
البِنّبلع فِيهُ عِبّرة؟ ولا عَبّرة؟ ولا جمّرة؟
ولا سِيف؟
آ مُحُمْدّ شُفتأ كيف؟
بى وراك يا دُغرِى يا زول ياشريف
مِسْختْ علينا الدِنيِىّ
إصّلُو الدِنيِىّ ماليِيها العّفن والزِيّفْ
ونِحنا داخرِّنك تتمِّر خَدّ غُنانا
وبالنشِيد تسّنِد قفانا
وتطيِّب الجرِحّْ النزِّيف
آ مُحُمّدْ شُفتأ كيف؟
شُفتا كيف أتحجر الغُّنا .. فى حِلوقنا
وما فِينا زولاً... قِال ... نَطّق؟
يا خيرى يا عاطف....ويا أبو الحااااج.. ويا قدّال
وود عثماااان ويا محجوب ... ويا (إسر الوِلِف كتال)*
ياشِغِيلة ... يا كلّاتة... يا تربالة يا عُمّاااال
كيف عِرق القصيدة يَطُقّ؟
وتحرِّن ضُمّة ... يا طبل الحقيقة تدُقّ؟
وا مِغِيسّتنا يا حُمّيد.....
وا غبِينّتنا... قال ود طه: (كُمْسيد الغبِينة بِشُقّ)*
و(كُمْسيد الغبِينة)* الليلِىّ، فى جوف المِهيرِيّات
لهِيبُو يبُقّ
خلاص آ ضراع؟ خلاص آخيِىّ
قفانا قِمِح؟... وإنبكمّت لِهاة البُوح
وإنكرفس تُويب أحلامنا داب،
نزلّ مطر العوِيلْ والنُوح؟
وإنجرّح هديل قُمْرِيِّى جانى حِسِيسا زى مبحُوح
وف القيدومى عِرّق الشِّيمِىّ شال الشُعرا
وإنغّرغّر غُنانا غِرِّق.. ولِحِقْ الصُّحْ
(وإنت براك سفينة نوح)*
وكنا جميع (بِنّترجاكَ)* فى (مُشّرع عشّم باكِر)*
إلاّ النّوة هابِىّ شَرِق
وا مِغِيسّتنا واغبِينّتنا ياحُمّيد،
(كُمّسيّد الغبِينّة بِشُق)*
صحيح القالو ليك ود طه
( كُمّسيّد الغبِينّة بِشُق)*
( كُمّسيّد الغبِينّة بِشُق)*

رشيد,,,,,, منقولة







رد مع اقتباس
قديم 10-10-2012, 10:54 AM رقم المشاركة : 2
معلومات العضو
إدارة المنتدى

الصورة الرمزية منية الله
إحصائية العضو







منية الله is on a distinguished road

منية الله غير متواجد حالياً

 


كاتب الموضوع : بت كردفان المنتدى : منتدى الفكر والأدب
افتراضي

بت كردفان مااااااااالك علينا لسة الصباح ما كمل؟؟؟ كلمات قوية ومؤلمة ومعبرة و......... أي شي ياخي







التوقيع

حَسْبِي اللهُ لا إلهَ إِلا هُو عَليهِ تَوكَّلت وَهُو رَبُ العَرشِ العَظيْم..
حَسْبِي الله وَكَفَى سَمِعَ الله لِمَن دَعا لَيْس وَراء اللهِ مَرْمَى..
http://www.dohaup.com/up/2011-04-07/admin1683985256.gif

رد مع اقتباس
قديم 10-12-2012, 09:41 AM رقم المشاركة : 3
معلومات العضو
عضو ذهبي

الصورة الرمزية بت كردفان
إحصائية العضو






بت كردفان is on a distinguished road

بت كردفان غير متواجد حالياً

 


كاتب الموضوع : بت كردفان المنتدى : منتدى الفكر والأدب
افتراضي

بس لاكن يا منينة يا بتي
كمسيد الغبينة ,,, بشق!!!
منورة برغم الضلمة







رد مع اقتباس
قديم 10-13-2012, 08:34 PM رقم المشاركة : 4
معلومات العضو
عضو ذهبي
إحصائية العضو






قطرة الندى is on a distinguished road

قطرة الندى غير متواجد حالياً

 


كاتب الموضوع : بت كردفان المنتدى : منتدى الفكر والأدب
افتراضي

لا تعليق ...







التوقيع

عند طيرانك ... تذّكر من يمشون على الارض ..
فقل لهم ... انتم على حقيقة .. وانا على هواء .
dew drop

رد مع اقتباس
قديم 10-14-2012, 09:20 AM رقم المشاركة : 5
معلومات العضو
عضو ذهبي

الصورة الرمزية بت كردفان
إحصائية العضو






بت كردفان is on a distinguished road

بت كردفان غير متواجد حالياً

 


كاتب الموضوع : بت كردفان المنتدى : منتدى الفكر والأدب
افتراضي

حبابك عشرة يا قطرة الندى
عودا حميدا ,, وين ما باين







رد مع اقتباس
إضافة رد

العلامات المرجعية

يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



Loading...


 email: [email protected]
Powered by vBulletin® Version 3.8.10 Beta 1
.Copyright ©2000 - 2019, Jelsoft Enterprises Ltd
المشاركات والآراء المنشورة في منتديات المنظمة سواء كانت بأسماء حقيقية أو مستعارة تـمـثـل وجهة نظر كاتبها
منظمة كفالة ورعاية الأيتام السودانية هي منظمة طوعية خيرية مستقلة غير هادفة للربح تسعى للتنسيق بين الكافل واليتيم مباشرة

Security byi.s.s.w

 

vEhdaa 1.1 by NLP ©2009