حقيقه ذهلت لما دخلت مطبخ حواء
لان كل الاكلات المقدمه عباره عن اكلات خارج الحدود
او اكلات استقراطيه ونحن ناس ايتام دايرين الكسره
والقراصه وملاح التقليه وكنت بتمنى القى وصفات لملحات
سودانيه اسع صلصه التمر هندى دى بياكلوها كيف وبلقوها
وين وتاتى المانجو باللحم ده البياكلوا مننا منوا
هوى يا بنات اشتغلن ليكن اكلات سودانيه وانا ليس ضد
الاطباق الاخرى لكن داير الاكله السودانيه هى الاساس لانه
لو بقتن كده بعد شويه بنسمع واحده طلقوها لانها عملت
ملاح موز بصفق العشره معاه الشطه والدكوه

اقتباس :

اسع صلصه التمر هندى دى بياكلوها كيف وبلقوها وين

واااااااااااااااي شكلو انا المقصودة بالكلام ده...
ياخي اول شي التمر الهندي ده احنا من اول البلدان اللي اساسي عندنا وطوالي موجود
واللي هو العرديب
بس يمكن استعمالنا ليو في الاكل محدود..

وفعلا انا فكرة الصينية حقت السمك دي من مصر ما اكلة سودانية..
بس صدقني مافيها اي عوجة ولا غريبة وصعبة
ساهلة وخفيفة
ولوجربتها حتبطل تاني اكل السودانيين نهائي تقول ما داير اكل برة!!

لكن ابشر بعد ده برضو
امبارح دي عملت قراصة في الغدا وصورتها
اصبر علي قريب بتلقاها في بوست ان شاء الله

بس اتغاضى عن الاخطاء اللي فيها :p

اقتباس : المشاركة الأصلية كتبت بواسطة السماكى [ مشاهدة المشاركة ]

حقيقه ذهلت لما دخلت مطبخ حواء لان كل الاكلات المقدمه عباره عن اكلات خارج الحدود او اكلات استقراطيه ونحن ناس ايتام دايرين الكسره والقراصه وملاح التقليه وكنت بتمنى القى وصفات لملحات سودانيه اسع صلصه التمر هندى دى بياكلوها كيف وبلقوها وين وتاتى المانجو باللحم ده البياكلوا مننا منوا هوى يا بنات اشتغلن ليكن اكلات سودانيه وانا ليس ضد الاطباق الاخرى لكن داير الاكله السودانيه هى الاساس لانه لو بقتن كده بعد شويه بنسمع واحده طلقوها لانها عملت ملاح موز بصفق العشره معاه الشطه والدكوه

اولا نرحب بيك في مطبخنا العامر بزياراتكم وتعليقكم
كلامك مهم فعلا المطبخ لازم يكون متنوع لكن دا ما بيمنع انو الناس تبتكر
وتنوع في الاكل في حدود الممكن وفي متناول اليد
المهم نحنا اكلاتنا السودانية ما تجاهلناها ابدا وهي الاساس
لو ما اكلنا الكسرة او العصيدة وقراصة اهلنا ناس الشمال
بيكون الاكل ناااااااااااقص

ولو تلاحظ انو عندنا بوست ثابت عن المطبخ السوداني علي الرابط
المطبخ السودانى العامر.... حبابكم عشرة ....اتفضلوا

على قول السماكي وين البلدي ياناس

الباقي كلو ساي

القراصة الكسرة العصيدة

المفروكة واللوبا والويكاب وملاح الشروط والتركين (اااي التركين البحبو المجانين) وود عمو الفسيخ


نحنا ناس رانكرز الحاجات دييييييييك ما بتنفع معانا

ابشروا بالخير صينية كاربة من اختكم فى الله هنوها



علا ان عدلتو النضارات دى شوية بتلقوا مطبخنا السودانى فووووووووووق قاااعد بكل اصالة وشموخ فيهو المحمر والمتبل الفسيخ والملاخ الاخدر واللحمر والويكاب


علا التركين ده يا اخوى كهاتين يطرشنى عاد ماابكضب لاسمعت لاشفت

ممكن شرح بسيط وبكرة يكون حاضر


يلا قولوا بسم الله

الشية الحااارة



وده ملاح ويكااب




لقيمات



كسرة


حلبة بالكستر





















اها الاكل كتير والحمد لله بالزلابية والتحلية والجبنة الليلت القهوة هسع بتجى فى المنقد


يلا حبابكم عشرة

الباقوا ارفعوا للجايين

وماتنسوا تغطوا الصينية بالطبق


بركة سمسم الختت الرابط وبعدين يا اخواني كان فتشتوا كويس نحنا للحلومر منزلنوا واى حلو مر حايم بالحلة والمنتديات حق البنية( سمسماية) دعونى والتقلية وماخلينا شئ

واها الشاى والجبنة

وووب علي من اللقيمات وووب هنووووها عاد قاصداني....رسلي الصحن دا سريييع ممتحنه ومحتاجه غذا

تستاهلى والله يافطوم وربنا ينصرك وينجحك وبدعوا ليك انشاء الله ناجحة

والله ياجماعة .. اذكر ليكم قصة .. في العام 2006 او 2004 لااذكر بالتحديد .. ذهبت لزيارة مريض في مستشفى الشرطة في الخرطوم .. والمهم كان وقت غداء ولم يحن موعد الزيارة .. كانت هناك سيدات يبعن الشاي والاكل .. جلسنا وطلبنا ملاح نعيمية وقراصة .. وللامانة لم اذق الذ واطعم من هذا الملاح في حياتي .. الاكلات الشعبية جزء لايتجزء من ثقافتنا اللي حرم منها العالم ، يجب ان يعرف العالم عن اكلاتنا يجب التعريف باكلاتنا والترويج لها كجزء لايتجزء من تراثنا وثقافتنا .. هذه الاكلات الجميلة هي نتاج اندماج اعراق كثيرة اتحدت تحت اسم السودان ..

[quote=هنوها;42199][size="6"]ابشروا بالخير صينية كاربة من اختكم فى الله هنوها



علا ان عدلتو النضارات دى شوية بتلقوا مطبخنا السودانى فووووووووووق قاااعد بكل اصالة وشموخ فيهو المحمر والمتبل الفسيخ والملاخ الاخدر واللحمر والويكاب


علا التركين ده يا اخوى كهاتين يطرشنى عاد ماابكضب لاسمعت لاشفت

ممكن شرح بسيط وبكرة يكون حاضر


تحيايت هنوها .. لوسمحت سريع جدا طريقة تحضير ومقادير الحلبة بالكاستر .. واذا هناك اطباق شبيه مافي مانع ..

اقتباس :

تحيايت هنوها .. لوسمحت سريع جدا طريقة تحضير ومقادير الحلبة بالكاستر .. واذا هناك اطباق شبيه مافي مانع ..

جدا يا مجدى امدر امأن ان شاء الله تعجبك بس

مقاديرها كالاتى


حلبة

سكر دقيق
كاسترد باودر
كوب او اكثر ماء
رشة ملح زيت اوسمن حسب الرغبة

الطريقة

ملعقتين كبار حلبة ملعقتين سمن على النار ونحمر الحلبه حتى تشقر
نضيف كوب ماء ونحرك
ثم نضيف كوب اخر ونغطى عليها فى النار حتى تخرج كل عصارة الحلبة

فى هذه الاثناء نجهز الاتى ملعقتين كبار دقيق وملعقتين كاسترد باودر نخلطهم بالماء نص كوب ماء تقريبا بحيث نصنع
خليط ناعم بلا تكتلات ويمكن استعمال الخلاط او تصفية الخليط


نقطة اختياريا فى الوسط اذا رغبتىممكن تصفى الحلبة وتبقى على العصارة بس (اذا كنم من محبى قرش الحلبة)

ايض ممكن ضافى قطرات من العطرون او الجردقة للحلبة

فى اثناء غليان الحلبة نضيف الخليط ونحرك حتى نصل للسمك المطلوب ونحرك حتى لاتتكتل ونتركها قليلا حت تنضج
نسكبها ونسكب على الوجه سمن اوذبده اختيارى ونزينها بالمكسرات او ماشئتم
الصور اترككم مع والخطوات بالترتيب