الجواب باين من عنوانه..

شرع الله التعدد لاسباب وحكمة .. علي ان يعدل الزوج بينهن..

هذا يعني من حيث المبدأ انه حلال ولا جدال في ذلك ولكن.....

1/ ماهي الاسباب التي تجعل الرجل يفكر في الزوجة الثانية ، الثالثة، الرابعة؟؟


2/ وماهي الاسباب التي تجعل الفتاه تقبل بان تكون زوجة ثانية؟؟



3/ وماهي عواقب الزواج الثاني لجميع الأطراف؟؟؟


الزوج-الزوجة الاولي وابنائها -الزوجة الثانية وابنائها


4/ وماهي واجبات كل الاطراف لتستقيم الحياة المشتركة بينهم؟؟

موضوع كبير جداً وشائك جداً مابين مؤيد ومعارض لتداخل عوامل كثيرة فيه....

للنقاش.....

عزة تحياتي

موضوع شائك فعلاً ... نفهم من كده أنك ممكن تقبلي تكوني زوجة ثانية

أولاً نثبت أنو الاصل في الزواج هو التعدد والاستثناء هو الواحدة

بعدين ما شرط أنو الزوجة الاولى يكون بها عيب محدد عشان يرغب زوجها في الزواج إذا كان الاصل هو التعدد

ولكن لا يوجد إنسان او امرأة كاملة

والبيوت أسرار

ولكن التجربة ناجحة وأمني نفسي بتجربتها قريباً

عزوزنا...
تيييب التعدد اكيييييييد ماعندنا فيهو نضمي لانو شرع وحق...ولو الراجل مامقصر في بيتو وهو حس انو عاوز يتزوج..لأي سبب ممكن بس سبب مقنع..
المهم انو يكون زول فير ومنصف..وما مقصر في البيتين..واليعرسن مييية....
دا رايي
الاسباب كتيرة عزوز...اولا العين التااايرة منهم...وتانيها..يمكن الرجل غير مرتاح في بيتو..وتالتن عدم الانجاب ..ورابعن نكدية المدام..وتزمرا..بس يقوم يقولك اأدبا بي اختا...ياحليلك اماااااني ما اتأدبت انت ...المرة داير تأدبا بس احرجا وعاملا بي ذوق...وخامسن يتأسي بالحبيب الاكرم صلوات ربي وسلامه عليه واله..وهنا مااااااا بنقول بغم...بس اعدل...
اها بجيك تاني...

تخريييييييمه..
ابو فاروق دا ببرطم فوووووق شنو؟؟؟يعرس شنو اقول عليك..سمح وتاااني سمح

شايفا زول بتااااوق...اوعك بس يكون مع حزب ابو فاااروق بحرش ولدو...

لك التحية اختنا عزة
أنا فى رأيى الشخصى وطالما الرجل قادر على النفقة والعدل فى كل شئ ما فى شئ بيمنعوا من العرس مش واحدة ( أربعة كما فى الشرع ) . ولو زولاً ما بيقدر يعدل يتمسك بالزوجة الواحدة دى كفاية عليهو ( وان خفتم ألا تعدلوا فواحدة )

اقتباس : المشاركة الأصلية كتبت بواسطة عبد الرحمن فاروق [ مشاهدة المشاركة ]

عزة تحياتي موضوع شائك فعلاً ... نفهم من كده أنك ممكن تقبلي تكوني زوجة ثانية أولاً نثبت أنو الاصل في الزواج هو التعدد والاستثناء هو الواحدة بعدين ما شرط أنو الزوجة الاولى يكون بها عيب محدد عشان يرغب زوجها في الزواج إذا كان الاصل هو التعدد ولكن لا يوجد إنسان او امرأة كاملة والبيوت أسرار ولكن التجربة ناجحة وأمني نفسي بتجربتها قريباً

أي نعم .الأصل في الزواج هو التعدد ،
قال الله تعالى : " وإن خفتم ألا تقسطوا في اليتامى فانكحوا ما طاب
لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك
أدنى ألا تعولوا "
وعلي فكرة يا عبدالرحمن العدل بين الزوجات أمر واجب لقول النبي صلى الله عليه
وعلى آله وسلم ( من كان له امرأتان فمال إلى إحداهما جاء يوم القيامة وشقه مائل )
و قال الله تعالى ( ولن تستطيعوا أن تعدلوا بين النساء ولو حرصتم ).
يعني التعدد قضية محسومة ولكن بشروط. قل ما يتوفر مع النفس البشرية.
فاذا الشخص ضامن انه سيعدل ولن يرتكب اي ظلم لاي طرف فلايوجد مايمنع..
والكمال لله سبحانه وتعالي لايوجد شخص خالي من العيوب رجل او امرأة
والحياة المستقرة هي ما يسعي اليها الانسان في النهاية..

اقتباس : المشاركة الأصلية كتبت بواسطة فاطمة [ مشاهدة المشاركة ]

عزوزنا... تيييب التعدد اكيييييييد ماعندنا فيهو نضمي لانو شرع وحق...ولو الراجل مامقصر في بيتو وهو حس انو عاوز يتزوج..لأي سبب ممكن بس سبب مقنع.. المهم انو يكون زول فير ومنصف..وما مقصر في البيتين..واليعرسن مييية.... دا رايي الاسباب كتيرة عزوز...اولا العين التااايرة منهم...وتانيها..يمكن الرجل غير مرتاح في بيتو..وتالتن عدم الانجاب ..

عليك نوووووووووور يافاطمة السبب لازم يكون مقنع .. او يكون زي الحاج متولي ههههه
اكيد الاسباب كثيرة ونحن ماضد التعدد ولكن لما يكون السبب مقنع ولما يكون الزول بيقدر
يتحمل مسئولية بيتين..

- كان معانا عامل يافاطمة شغال بي 200 جنيه في الشهر ومتزوج وزوجته في الجزيرة
بعد شوية جات زوجته جابت ورقة من المحكمة دايرين يعرفوا مرتبوا كم؟ قمت سألتها
انتي رافعة قضية علي زوجك؟ قالت لي ااااااااااي
قلت ليها ليه؟؟ قالت لي عرس فيني وبقي مابيصرف علي ولا علي اولادوا الصغار ..
عملنا الخطاب وشالتو ومشت بعد فترة قريب سنه كده جاء نسيبة ابو المرة الاولي
بعد ما غاب العامل وتم فصله وجاء يشيل حقوق راجل بنته انا رفضت اديه الحقوق لانه ماعندوا توكيل سالتوا الزول دة وين؟؟ قال لي في السجن..
ليه مالوا؟؟ عرس تاني (ثالث)وبقي مديووووووون والمصاريف كترة عليه وماسدد
ديونه فسجنوه والان الثلاثة نسوان باطفالهم قاعديييييييييين راجين الحقوق...
شفتي الزول ده جهجه كم زول معاهو؟؟ينفع كده؟؟؟يعني الخوف من الحاجات الزي دي.

اقتباس : المشاركة الأصلية كتبت بواسطة فاطمة [ مشاهدة المشاركة ]

بس يقوم يقولك اأدبا بي اختا...ياحليلك اماااااني ما اتأدبت انت ...المرة داير تأدبا بس احرجا وعاملا بي ذوق...وخامسن يتأسي بالحبيب الاكرم صلوات ربي وسلامه عليه واله..وهنا مااااااا بنقول بغم...بس اعدل... اها بجيك تاني...

ههههههههههه

الرجال ديل من زمن المره بيدقوها بي اختها

ياااااحليلهم.. النسوان جاتهم مناعة من الضرة وبقوا عااااااااااااادي

يتونسن ويتفقن عليه المسكين (بقوا يلعبوا لصالحهم)..

وبالجد صدقتي في انو التعامل الراقي والزوق هو الطريقة الامثل

لحل جميع المشاكل الزوجية..

وفي النهاية رسولنا الكريم قدوة حسنه لينا كلنا بس زي ما حيقتدوا

بيه في الزواج لازم يقتدوا بيه في العدل بين الزوجات وكده حيكونوا هم الربحانين..

اقتباس : المشاركة الأصلية كتبت بواسطة muhjoub [ مشاهدة المشاركة ]

لك التحية اختنا عزة أنا فى رأيى الشخصى وطالما الرجل قادر على النفقة والعدل فى كل شئ ما فى شئ بيمنعوا من العرس مش واحدة ( أربعة كما فى الشرع ) . ولو زولاً ما بيقدر يعدل يتمسك بالزوجة الواحدة دى كفاية عليهو ( وان خفتم ألا تعدلوا فواحدة )

كلام سليم 100%

اقتباس : المشاركة الأصلية كتبت بواسطة فاطمة [ مشاهدة المشاركة ]

عزوزنا... تخريييييييمه.. ابو فاروق دا ببرطم فوووووق شنو؟؟؟يعرس شنو اقول عليك..سمح وتاااني سمح

فاطمة بعد كده الكلام دخل الحوش ولازمانا مشية للمدام....