الإهداءات


العودة   منتدى منظمة كفالة ورعاية الايتام السودانية > الأقــســـام الــعـــامــة > منتدى الحوار العام
منتدى الحوار العام (للأخبار والتجارب الشخصية وللنقاش الهادف والبناء والمواضيع العامه)

إضافة رد
قديم 04-08-2010, 01:15 PM رقم المشاركة : 1
معلومات العضو
إدارة المنتدى

الصورة الرمزية منية الله
إحصائية العضو







منية الله is on a distinguished road

منية الله غير متواجد حالياً

 


المنتدى : منتدى الحوار العام
Awt15 هل تقبل بالزواج منه؟؟

السلام عليكم
الغريبة قبيل كان في كلام عجبني شديد وجذبني في الإذاعة الرياضية إف إم (104) على السريع كده سمعت منو زي 20 دقيقة كان الموضوع عن رأيك في الإرتباط أو الزواج بين المجتمع ومجهولي الأبوين إن صح القول.
كان حوار جميل وهادف وبتخيل كان فيهو رسالة قيمة جداً أن كل من كان مجهول الأبوين ليس له ذنب في ما هو عليه، ليه يبقى نحملو أخطاء الغير (بغض النظر من كانو).. الحوار دار بين المذيعين والمستمعين والأغلبية كان رأيهم (وقد أتفق معهم في بعض ما قالوه)، أنو ممكن يتعاملو مع مجهولي الأبوين إلى أبعد حد لكن نقطة صعبة بنقيف عليها وهي المجتمع السوداني وما يفرضه علينا من أحكام قد تكون قاتلة .. مدمرة في بعض الأحيان
كان رأي أحدهم في البداية أنو مافي مشكلة أنو يحصل زواج بين المجتمعين إن فصلناهم عن بعض وقلنا نحنا مجتمع ومجهولي الأبوين مجتمع.. لكن لم سألوهو هل بتقبل تعرس لبتك من واحد اتربى في دار، أو هو نفسه مجهول الأبوين؟؟ قال طبعاً ما بقدر المجتمع بحاصرني في نقاط كبيرة.. (تناقض عجيب)
لم نفكر في حتة الزواج بنقول من ترضون دينه يعني زول أخلاقو إسلامية ومحترم، ذو مبدأ ورأي... الخ، يبقى المانع شنو من الارتباط؟ حنرجع لقصة العادات والتقاليد السودانية؟ حيقولو؟ الراجل ده جنى ولا شنو عرس لبتو راجل ما عارف امو منو؟ ولا أبوهو ولا قبيلتو؟ معقولة يجدعها كده؟
أنا شخصياً منية الله ما حصل فكرت في القصة دي وقابليتها بالنسبة لي إذا لأختي مثلاً، لكن مبدئياً بشوف مافيها شي إذا سألو منو في مكان قومتو أصلا ولقو أنو زول سوي ومناسب ليها.. يمكن برضو بفكر عاطفياً ما عارفة
الغريبة كمان كما يقال في منهم بكون عندهم شهادات مؤهلة وبقدمو لشغل بعد ياخدوهم، صاحب العمل لم يعرف الحقيقة دي بتم رفدهم؟؟؟ ليه؟ عشان طلع اتربى في دار أو هو مجهول الأبوين؟؟ ياخي انت داير شنو؟ عمل سليم ومتقن من قبل ذو كفاءة؟؟ ولا داير تناسبو؟؟ شي عجيب
لكن يبقى الموضوع: هل بتقبل تعرس من إمرأة مجهولة الأبوين؟ أو تدي بتك أو أختك لواحد قام واتربى في دار مجهولي الأبوين؟ وكان ليهو صفات جميلة تتمناها كل فتاة..
بالله اتفاعلوا معاي عشان ما أحرد ليكم؟؟







رد مع اقتباس
قديم 04-08-2010, 01:21 PM رقم المشاركة : 2
معلومات العضو
إدارة المنتدى

الصورة الرمزية may
إحصائية العضو







may دعوة الاصدقاء للتسجيل

may غير متواجد حالياً

 


كاتب الموضوع : منية الله المنتدى : منتدى الحوار العام
افتراضي

والله يا منية موضوعك حلو جداا وبصراحة طبعا مافكرت فهيو من قبل بس مبدئيا يعنى لو هاتكلم على المجتمع السودانى تحديدا اعتقد يعنى انهم لن يقبلو بسهولة لأنو احنا عارفين موضوع القبلية والعنصرية وموضوع الزواج من قبائل اخرى بعضها بيكون مرفوض مابالك بقى الزواج من مجهولى النسب ... اكيد هايكون مرفضو بالثلث الا عند بعض العائلات المتفتحة ذهنيا ومتحضرين فكريا

ولى عودة

لقيتنى كيف عاشن ماتحردى






رد مع اقتباس
قديم 04-08-2010, 01:25 PM رقم المشاركة : 3
معلومات العضو
إدارة المنتدى

الصورة الرمزية منية الله
إحصائية العضو







منية الله is on a distinguished road

منية الله غير متواجد حالياً

 


كاتب الموضوع : منية الله المنتدى : منتدى الحوار العام
افتراضي


ياخي أحرد؟ تسلمي يا حبيبة
وحقيقة هو ده مربط الفرس أن تلك العادات السودانية (نفخر بيها) بس مرات بتعقدها شوية، لكن صعبة للغاية وقد يكون ما قصة تقبل بيها أسر منفتحة ذهنياً بس لكن القصة معقدة جداً.. لأنك بعدين لم يكون عندك أولاد حيسألو عن أعمامهم وأهلهم من طرف الأب يعني.. حتواجه صعوبات كبيرة
مستنية عودتك







رد مع اقتباس
قديم 04-08-2010, 02:58 PM رقم المشاركة : 4
معلومات العضو
عضو ذهبي

الصورة الرمزية ونجى
إحصائية العضو






ونجى is on a distinguished road

ونجى غير متواجد حالياً

 


كاتب الموضوع : منية الله المنتدى : منتدى الحوار العام
افتراضي

الصراحه يامنيه ما فى زول حيقبل يزوج بنته او ابنه لشخص مجهول النسب لان الزواج اساس ما علاقه فقط بين شخصين ولكن الاسر ايضا لها دور كبير
عارفه افضل شى براى شنو التبنى
الطفل بيقوم وسط اسره محاط بحبهم ورعايتهم خالى من العقد
والاسره (تمسك خشمها )ومافى داعى للاعلان تقول ان الطفل ابن صديق توفى وامه فى حادث مثلا
عشان الشمشارات الشمشارين
فى السعوديه الملاجأ بيزوجوا الاولاد للبنات بعد ما يوفروا لهم فرصه عمل وسكن خاص






رد مع اقتباس
قديم 04-08-2010, 03:15 PM رقم المشاركة : 5
معلومات العضو
إدارة المنتدى

الصورة الرمزية منية الله
إحصائية العضو







منية الله is on a distinguished road

منية الله غير متواجد حالياً

 


كاتب الموضوع : منية الله المنتدى : منتدى الحوار العام
افتراضي

والله يا ونجي ده الرأي الصريح اللي نحنا بنتمنى كل زول يقولو.. إن كان لديه أي رأي وحقيقة يا ونجي في نماذج حية بالزواج من مجتمع مجهولي الأبوين هنا ولغاية حسي زواجهم ناجح..
وحقيقة قصة التبني دي حاجة جميلة إن كانت في حدود الممكن من ناحية الشريعة، يعني قصة أنو ما يورث وما ينسب.. وغيرو
ليك التحية يا حبيبة







رد مع اقتباس
قديم 04-08-2010, 03:56 PM رقم المشاركة : 6
معلومات العضو
« عضو ذهبي»

الصورة الرمزية عبد الرحمن فاروق
إحصائية العضو






عبد الرحمن فاروق is on a distinguished road

عبد الرحمن فاروق غير متواجد حالياً

 


كاتب الموضوع : منية الله المنتدى : منتدى الحوار العام
افتراضي

افضل حاجة يا منية انو يتزوجو فيما بينهم

ولمن يكونو أسرة ويجيبو أولاد

خلاص تاني ما بيكون في مشكلة

وافضل يمشو لي مدينة جديدة مافي زول بيعرف عنهم حاجة

لكن في السودان مافي زول سوداني بيوافق إطلاًقاً







رد مع اقتباس
قديم 04-08-2010, 04:05 PM رقم المشاركة : 7
معلومات العضو
إدارة المنتدى

الصورة الرمزية منية الله
إحصائية العضو







منية الله is on a distinguished road

منية الله غير متواجد حالياً

 


كاتب الموضوع : منية الله المنتدى : منتدى الحوار العام
افتراضي

رأي برضو وحقيقة أنا متوقعة الجميع يقول كده..







رد مع اقتباس
قديم 04-08-2010, 04:06 PM رقم المشاركة : 8
معلومات العضو
إدارة المنتدى

الصورة الرمزية منية الله
إحصائية العضو







منية الله is on a distinguished road

منية الله غير متواجد حالياً

 


كاتب الموضوع : منية الله المنتدى : منتدى الحوار العام
افتراضي

لأنو الناس البتدخل هنا كلهم سودانيين.. ما قلت إلا الحق يا عبد الرحمن
بس مرات العاطفة بتخلينا نقول ليه؟؟







رد مع اقتباس
قديم 04-08-2010, 10:02 PM رقم المشاركة : 9
معلومات العضو
عضو ذهبي

الصورة الرمزية الفاضلابي
إحصائية العضو






الفاضلابي is on a distinguished road

الفاضلابي غير متواجد حالياً

 


كاتب الموضوع : منية الله المنتدى : منتدى الحوار العام
افتراضي

الموضوع دا يا منية الله محك حقيقي انا برجع ان شاء الله ارد فيه

مواضيعك كالعاده مشاء الله بتتناول قضايا حساسه جدا


تحياتي وتقديري







رد مع اقتباس
قديم 04-09-2010, 08:09 AM رقم المشاركة : 10
معلومات العضو
إدارة المنتدى

الصورة الرمزية سوزي
إحصائية العضو







سوزي is on a distinguished road

سوزي غير متواجد حالياً

 


كاتب الموضوع : منية الله المنتدى : منتدى الحوار العام
افتراضي

اقتباس : المشاركة الأصلية كتبت بواسطة ونجى [ مشاهدة المشاركة ]
الصراحه يامنيه ما فى زول حيقبل يزوج بنته او ابنه لشخص مجهول النسب لان الزواج اساس ما علاقه فقط بين شخصين ولكن الاسر ايضا لها دور كبير
عارفه افضل شى براى شنو التبنى
الطفل بيقوم وسط اسره محاط بحبهم ورعايتهم خالى من العقد
والاسره (تمسك خشمها )ومافى داعى للاعلان تقول ان الطفل ابن صديق توفى وامه فى حادث مثلا
عشان الشمشارات الشمشارين
فى السعوديه الملاجأ بيزوجوا الاولاد للبنات بعد ما يوفروا لهم فرصه عمل وسكن خاص

الموضوع مهم جدا الناس تناقشوا بل ارى انه من المواضيع المفروض الناس تشتغل فيها
ليه ما يرضوا به
اختي منية الله مشكورة سالت سؤال مباشر :ان كنت اوافق ان يتزوج ابني او بنتي من شخص مجهول الابوين ول لا .وانا برد رد مباشر :انا لا ارفض ان كانت رغبة ابني او بنتي
اما حتة النقاش
المجتمع السوداني بس وقف عند وين ابوه ووين امه
ما جاهم الحرامي وادوه بنتهم لمجرد انه سايق لاندكروزر ول جمس ولافي عمة كبيرة ليه ما سألوه من اين لك هذا مع انهم عارفين من وين لا هو وارث ولا جاتو ليلة القدر

ما جاهم العامل عملة في الشرف وهم عارفين وعملوا نفسهم ما عارفين لمجرد انه عنده وعنده

ما جاهم تاجر العملة وزوجوه بتهم وهم عارفين

انا متاكدة لو جاهم مجهول الابوين وهو سايق همر حيدوه ويقولوا مسكين ما ليه ذنب
يا ناس نحن وبعد ظروف الحياة التي ضغطت علينا وما عاوزة ادخل في السياسة اتغيرنا بقى ما عندنا في مسألة الزواج دي مبادئ الا من رحم ربي وهم قلة , صار الاهتمام كله بالمظاهر ( البيت , السيارة , السفروين لشهر العسل وبقينا ما بنعرف غير حساب البنك كم عشان اديك بتي وصارت عبارة عريس لقطة هي السائدة . زمان لقطة لانه محترم ,ابن ناس , ابوه كادح ,متدين ,على خلق ,متعلم ............الخ ,
الان ايه هي مقومات العريس اللقطة ما في غير الحساب في البنك زي ما قلت ,السيارة , العمارة ......... الخ وبالمناسبة العريس الاخير دا لو كان مقطوع من شجرة احسن عشان بعدين حكاية الورثة والذي منه .
يا ناس خلونا صادقين مع انفسنا وبلاش لسة نصدق عنجهيتنا وبرضو نحن ما في زينا في الدنيا ( مع الاعتزار )
اخالفك الراي معليش يا ونجي : نعم الزواج علاقة بين الاسر ان وجدت لكن اساس الزواج تفاهم بين اثنين واتفاق على الاخلاص والوفاء .
ياما ناس عندها اسر ارتبطت ثم تفرقت .
و ياما ناس اسرهم تقابلت يوم العقد وبعد كدا مافي
و ياما ناس جاها عريس مريش وما قالوا ليه وين اهلك
كمان حكاية نخبي عن الطفل قصته دي مستحيلة مفروض يعرف ويتعامل معها وطبعا هنا يجي دور الكافل . كتير حاول الناس يخبوا حقائق ورحلوا عن البلد لكن عرفت وبعدين حتى لو خبينا الحقائق هل حنكذب على العريس او العروس ؟؟؟ حيكون اكبر خطأ ما ممكن الحياة بين اثنين تبدأ بالغش

حارجع ليكم تاني لانو الموضوع دا بالجد بوجعني جوا







آخر تعديل سوزي يوم 04-09-2010 في 11:19 PM.
رد مع اقتباس
إضافة رد

العلامات المرجعية

يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



Loading...


 email: [email protected]
Powered by vBulletin® Version 3.8.10 Beta 1
.Copyright ©2000 - 2019, Jelsoft Enterprises Ltd
المشاركات والآراء المنشورة في منتديات المنظمة سواء كانت بأسماء حقيقية أو مستعارة تـمـثـل وجهة نظر كاتبها
منظمة كفالة ورعاية الأيتام السودانية هي منظمة طوعية خيرية مستقلة غير هادفة للربح تسعى للتنسيق بين الكافل واليتيم مباشرة

Security byi.s.s.w

 

vEhdaa 1.1 by NLP ©2009